Drogba með heimþrá

Didier Drogba, sóknarmaður Englandsmeistara Chelsea, segist í samtali við franska blaðið <em>L´Equipe</em> ekki útiloka að fara aftur til Marseille. Drogba segir að hann hafi átt erfitt með að laga sig að lífinu í Lundúnum og að hann sé með heimþrá. Drogba segir að leikstíll Chelsea henti sér ekki en fer lofssamlegum orðum um knattspyrnustjórann, Jose Mourinho.

Neville og Heinze úr leik

Nú er ljóst að varnarmennirnir Gary Neville og Gabriel Heinze verða ekki með Manchester United í bikarúrslitaleiknum gegn Arsenal á laugardag. Báðir eru meiddir og verða ekki búnir að jafna sig í tæka tíð.

Neitar ásökunum um lyfjamisnotkun

Fyrrverandi forseti rússneska knattspyrnuliðsins Spartak Moskva, Andrei Chervichenko, neitar ásökunum um að félagið hafi kerfisbundið gefið leikmönnum liðsins örvandi efni og stera fyrir tveimur árum. Fyrirliði Spartak, Yegor Titov, fékk árs keppnisbann í janúar í fyrra eftir að hafa fallið á lyfjaprófi.

Ambrosini ekki með í Istanbul?

Miðjumaðurinn hjá AC Milan, Massimo Ambrosini, mun líklega missa af úrslitaleik Meistaradeildarinnar gegn Liverpool í Istanbul þann 25. maí vegna meiðsla.

Reyes líklega með í úrslitaleiknum

Arsenal fengu í dag góðar fréttir er í ljós kom að framherjinn Jose Antonio Reyes muni líklega vera leikfær fyrir úrslitaleik ensku bikarkeppninnar gegn Manchester United.

Sporting yfir í hálfleik

Sporting frá Lissabon er yfir í leikhléi gegn CSKA Moskvu í úrslitaleik liðanna í Uefa keppninni. Það var Brasilíumaðurinn Fidelis Rogerio sem gerði markið á 28. mínútu með frábæru skoti utan teigs.

Hamann aftur í landsliðið

Dietmar Hamann, þýska miðjustálið hjá Liverpool, var í dag kallaður á ný í þýska landsliðshópinn. Hamann hefur ekki leikið landsleik síðan á EM 2004 en frammistaða hans að undanförnu með Liverpool hefur sannfært Jurgen Klinsmann í að velja hann í landsliðið á nýju.

CSKA búið að jafna

CSKA var rétt í þessu að jafna metin gegn Sporting í úrslitaleik Uefa keppninnar. Það var Alexei Berezutsky sem skallaði boltann í netið eftir aukaspyrnu frá hægri.

CSKA komið yfir

Yuri Zhirkov var rétt í þessu að koma CSKA frá Moskvu yfir gegn Sportin frá Lissabon í úrslitaleik Uefa keppninnar í knattspyrnu. Zhirkov stakk sér framfyrir varnarmenn Sportin og skoraði með góðu skoti undir Ricardo í markinu sem kom út á móti. Staðan er sem sagt 2-1 fyrir CSKA þegar um 25 mínútur eru til leiksloka

Vagner Love skorar 3. markið

CSKA er komið í 3-1 gegn Sporting frá Lissabon í úrslitaleik Uefa keppninnar. Vagner Love skoraði markið eftir góða sendingu frá vinstri.

CSKA Evrópumeistarar félagsliða

CSKA frá Moskvu varð í kvöld Evrópumeistari félagsliða er liðið sigraði Sporting Lisbon með þremur mörkum gegn engu á Estadio Jose Alvalade, heimavelli Sportin, að viðstöddum 48 þúsund áhorfenda, lang flestir á bandi heimamanna.

West Ham í úrslit

West Ham tryggði sér í kvöld sæti í úrslitaleik umspilsins um sæti í ensku úrvaldsdeildinni að ári er liðið sigraði Ipswich 0-2 á Portman Road. Fyrri leikurinn endaði með jafntefli 2-2. Það var Bobby Zamora sem gerði bæði mörk West Ham á tíu mínútna kafla um miðjan síðari hálfleik.

Ruiz fékk titilinn aftur

John Ruiz fékk í dag WBA heimsmeistaratitilinn í þungavigt aftur eftir að James Toney, sem hafði sigraði hann á stigum í Madison Square Garden 30. apríl síðastliðinn, var fundinn sekur um stera notkun.

Guðjón ráðinn til Notts County

Guðjón Þórðarson var í morgun ráðinn knattspyrnustjóri enska 3. deildar liðsins Notts County. Þetta var tilkynnt á blaðamannafundi í Notthingham í morgun.

Guðjón sá sjötti á fimm árum

Samningur Guðjóns Þórðarsonar við Notts County er til þriggja ára. Félagið er elsta knattspyrnulið heims og liðinu hefur haldist illa á knattspyrnustjórum. Guðjón verður sá sjötti á fimm árum.

KR sigraði Stjörnuna

Keppni í Landsbankadeild kvenna hófst í gærkvöldi þegar KR sigraði Stjörnuna, 3-1. Vanja Stephanovic skoraði tvö mörk fyrir KR og Fjöla Dröfn Friðriksdóttir eitt. Harpa Þorsteinsdóttir skoraði mark Stjörnunnar.

Víkingur burstaði Fjölni

Fyrsta umferð 1. deildar karla í knattspyrnu fór fram í gær. Víkingur Reykjavík vann Fjölni 6-1, Víkingur Ólafsvík og HK gerðu markalaust jafntefli, Þór sigraði KS 4-2, KA vann Völsung 3-0 og Breiðablik sigraði Hauka 2-1.

Dagur og félagar unnu

Dagur Sigurðsson og félagar í Bregenz sigruðu Linz 28-25 í síðari leik liðanna í undanúrslitum um austurríska meistaratitilinn í handbolta í gær. Dagur skoraði fjögur mörk fyrir Bregenz.

Berger semur við Aston Villa

Tékkneski landsliðsmaðurinn í knattspyrnu, Patrick Berger, hefur gengið frá tveggja ára samningi við Aston Villa. Berger lék síðast með Portsmouth en var áður hjá Liverpool og Borussia Dortmund.

Moyes stjóri ársins

David Moyes, knattspyrnustjóri Everton, var í morgun valinn stjóri ársins í ensku úrvalsdeildinni. Everton endaði í fjórða sæti deildarinnar og fer í umspil um sæti í Meistaradeildinni í fyrsta sinn í sögu félagsins.

Ólafur Örn skoraði fyrir Brann

Ólafur Örn Bjarnason skoraði fyrir Brann þegar liðið sigraði Lilleström, 6-2, í norsku úrvalsdeildinni í knattspyrnu í gær. Árni Gautur Arason og félagar í Valeringa gerðu markalaust jafntefli við Fredriksstad.

Bröndby á titilinn vísan

Bröndby á nú Danmerkurmeistaratitilinn vísan eftur 5-0 sigur á FC Kaupmannahöfn í gær. Bröndby hefur 56 stig en FC Kaupmannahöfn er í öðru sæti með 48 stig.

Hermann framlengir hjá Charlton

Hermann Hreiðarsson landsliðsmaður í knattspyrnu hefur framlengt samning sinn við enska úrvalsdeildarfélagið Charlton um eitt ár og verður því í herbúðum þess a.m.k. fram í júní 2007. Hermann gekk til liðs við Charlton í mars 2003 frá Ipswich fyrir 800.000 pund og er sérstaklega vinsæll meðal stuðningsmanna félagsins.

Sparkað í sólinni í kvöld

Í kvöld fara fram þrír leikir í Landsbankadeild kvenna og einn í karlaflokki en fyrstu umferð Landsbankadeildar karla lýkur í kvöld. Fylkismenn taka á móti KR kl. 20.00 og verður leikurinn í beinni útsendingu á sjónvarpsstöðinni Sýn. Að auki fara fram tveir leikir í forkeppni VISA bikarkeppni KSÍ.

Fjórar nýjar til Keflavíkur

Lið Keflavíkur í Landsbankadeild kvenna hefur fengið liðsstyrk frá Bandaríkjunum fyrir átökin í sumar að því er fram kemur á heimasíðu Keflavíkurliðsins. Um er að ræða fjórar stúlkur frá sama háskólanum.

Meistararnir styrkja sig

Íslandsmeistarar Hauka í handboltanum hafa fengið liðsstyrk frá Vestmannaeyjum fyrir næsta tímabil en 21 árs landsliðsmaðurinn Kári Kristjánsson skrifaði undir 2 ára samning við Hafnarfjarðarliðið. Þá hefur hinn eftirsótti leikstjórnandi, Andri Stefan hefur framlengt samning sinn við Hauka um 2 ár.

Þórarinn í Þrótt !

Þórarinn Kristjánsson, fyrrverandi leikmaður Keflavíkur í Landsbankadeildinni í knattspyrnu gekk í dag til liðs við nýliða Þróttar í Reykjavík. Þórarinn er uppalinn Keflvíkingur en lék með Aberdeen í skosku úrvalsdeildinni í vetur.

Fylkir-KR í beinni á Vísi

Lokaleikur fyrstu umferðar Landsbankadeildar karla í knattspyrnu hefst nú kl. 20.00 en þá tekur Fylkir á móti KR. Leikurinn er í beinni útsendingu á Sýn en við minnum á spánýja úrslitaþjónustu okkar hér á Vísi sem við tókum í notkun í gær. Þar er hægt að fylgjast með öllu markverðu sem gerist hverju sinni í leikjunum og sjá byrjunarlið. <a title="Fylkir-KR" href="/UserControls/infosport/ifis_leikur.aspx?LeikNr=1000105&st=NS&re=00060&sy=0" target="_blank">Fylgstu með leiknum á Vísi.</a>

Fúlir íþróttafréttamenn

Íþróttafréttamenn ítalska ríkissjónvarpsins RAI tilkynntu í dag að þeir ætli í verkfall þann 4. júní n.k. Þeir eru æfir af reiði yfir því að áskriftarsjónvarpsstöð skuli hafa fengið sýningarrétt á Ítalíu á sýningum allra 64 leikjanna á HM í knattspyrnu 2006. Fyrirhugað verkfall hefst eins og áður segir 4. júní eða þegar Ítalir mæta Noregi í undankeppni HM.

"Zidane sá besti" segir Pele

Brasilíska knattspyrnugoðsögnin Pele segir að franski landsliðsmaðurinn Zinedine Zidane sé besti knattspyrnumaður síðasta áratugar. Pele sem nú er 64 ára er staddur á kvikmyndahátíðinni í Cannes í Frakklandi þar sem hann er að kynna nýja heimildarmynd um feril sinn sem besti knattspyrnumaður sögunnar.

Ólafur Ingi aftur til Arsenal

Arsenal leikmaðurinn íslenski, Ólafur Ingi Skúlason mun að öllum líkindum ekki ganga til liðs við hollenska liðið Gröningen þar sem hann hefur æft að undanförnu. Ólafi verður ekki boðinn samningum skv. frétt Sky í kvöld en mörg lið í Championship deildinni á Englandi eru sögð hafa áhuga á Ólafi.

Ósanngjarnt í Árbænum

KR-ingar unnu dramatískan og afar ósanngjarnan sigur á Fylkismönnum í lokaleik 1. umferðar Landsbankadeildar karla í knattspyrnu í kvöld. Sigurvin Ólafsson skoraði sigurmark Vesturbæinga þegar 4 mínútur voru komnar fram yfir venjulegan leiktíma. Lokatölur á Árbæjarvelli urðu 1-2.

Meistarar Vals steinlágu

Íslandsmeistarar Vals í Landsbankadeild kvenna töpuðu mjög svo óvænt stórt fyrir Breiðabliki í kvöld, 4:1, í fyrstu umferð deildarinnar. Blikastúlkur sem léku reyndar einum fleiri í 60 mínútur. ÍBV tók ÍA í barkaríið, 12-2 og nýliðar Keflavíkur unnu FH, 2:0.

Höttur og Grótta áfram í bikarnum

Grótta Seltjarnarnesi og Höttur Egilsstöðum eru komin áfram í 2. umferð forkeppni VISA bikarkeppni karla en keppnin hófst í kvöld. Höttur lagði Sindra á Hornafirði, 0-1 á meðan Grótta fór létt með GG frá Grindavík, 5-1.

Fannar Ólafsson til liðs við KR

Körfuknattleiksdeild KR hefur gert tveggja ára samning við landsliðsmiðherjann Fannar Ólafsson. Fannar er klárlega einn af bestu miðherjum landsins, en undanfarin tvö ár hefur hann leikið á Grikklandi og nú síðast með þýska liðinu Ulm. Þetta kemur fram á heimasíðu félagsins.

Predrag Bojovic tekur við Haukum

Predrag "Kuki" Bojovic hefur verið ráðinn þjálfari úrvalsdeildarliðs Hauka í körfubolta og tekur við starfi Reynis Kristjánssonar. Bojovic hefur leikið með Haukum undanfarin fjögur ár og var aðstoðarþjálfari Reynis á nýloknu tímabili.

Detroit 2 - Indiana 2

Meistarar Detroit Pistons voru komnir í erfiða stöðu í einvíginu við Indiana í gær og þurftu því ekki frekari hvatningu til að leggja heimamenn að velli 89-76. Meistararnir sýndu úr hverju þeir eru gerðir og hafa unnið heimavallarréttinn til baka í rimmunni, en þeir fengu þó nokkra hjálp frá liði Indiana í gær.

San Antonio 2 - Seattle 2

Martröð Gregg Popovich, þjálfara San Antonio, varð að veruleika í nótt, þegar lið Seattle kom tvíeflt til leiks í fjarveru Rashard Lewis vegna meiðsla og náði að jafna metin í einvíginu við San Antonio í 2-2 með góðum sigri 101-89 á heimavelli sínum.

Á nú 75% í Man. Utd

Bandaríski auðkýfingurinn, Malcolm Glazer, hefur eignast 75 prósent hlutabréfa í fótboltafélaginu Manchester United og talið er að hann auki eign sína í 90 prósent fyrir vikulok. Það þýðir að Glazer er í sjálfsvald sett að taka félagið af hlutabréfamarkaði.

Fylgstu með boltanum á Vísi

Vísir verður með veglega umfjöllun um alla leiki Landsbankadeildarinnar, upplýsingar um gang mála verða færðar jafnóðum inn á Vísi. Hægt verður að skoða liðsuppstillingu, skiptingar og fá upplýsingar um öll atvik í hverjum leik fyrir sig.

Íslandsmótið að hefjast

Íslandsmótið í knattspyrnu hefst í dag. Fjórir leikir verða í Landsbankadeild karla: Valur keppir við Grindavík, Fram við ÍBV og Skagamenn mæta Þrótti. Þessir þrír leikir hefjast klukkan 17. Klukkan 19.15 hefst leikur Keflavíkur og Íslandsmeistara FH en sá leikur verður sýndur beint á Sýn.

Róbert heldur uppteknum hætti

Nýkrýndur handboltamaður ársins í Danmörku, Róbert Gunnarsson, skoraði níu mörk þegar lið hans, Arhus, sigraði Kolding, 38-34, í fyrsta leik liðanna um Danmerkurmeistaratitilinn.

Guðjón með 5 mörk í tapleik

Guðjón Valur Sigurðsson skoraði fimm mörk þegar Essen tapaði, 26-32, fyrir Flensburg í þýska handboltanum í gærkvöldi. Flensburg og Kiel eru efst í deildinni með 56 stig en Kiel á leik til góða.

Ásthildur skorar og skorar

Landsliðsfyrirlinn í knattspyrnu, Ásthildur Helgadóttir, skoraði tvö mörk þegar Malmö sigraði Sjelevad, 5-1, í sænsku úrvalsdeildinni í gær. Ásthildur hefur nú skorað sex mörk í fimm fyrstu umferðum deildarinnar en Malmö og Umea eru efst í deildinni með 13 stig.

Giggs skrifar undir nýjan samning

Ryan Giggs er búinn að skrifa undir nýjan saming við Manchester United. Giggs, sem er 31 árs, er núna samningsbundinn United þar til í júní 2008. Markvörðurinn Tim Howard er einnig búinn að skrifa undir nýjan samning við félagið.d