Enn logar í rústum íbúðablokkar í Kaupmannahöfn

Slökkviliðsmenn hafa barist í alla nótt við að slökkva elda í stórri íbúðablokk í Valby í Kaupmannahöfn. Enn logar í rústunum.

Vetrarhörkur framundan á Norðurlöndunum

Síberíukuldinn sem hrjáð hefur íbúa í mið- og austurhluta Evrópu mun valda miklum vetrarhörkum á Norðurlöndunum á næstu dögum.

Romney vann stórsigur í Flórída

Mitt Romney vann stórsigur í prófkjöri Repúblikanaflokksins í Flórída. Þegar nær öll atkvæði höfðu verið talin í nótt var Romney með 47% atkvæða en Newt Gingrich með 32%. Rick Santorum endaði í þriðja sæti með 13% atkvæða og Ron Paul hlaut 7%.

Nýbirtar upptökur frá deginum sem Kennedy dó

Þjóðskjalasafn Bandaríkjanna birti nýlega upptökur úr forsetaflugvél Bandaríkjanna, Air Force One, frá deginum þegar John F Kennedy var myrtur. Upptakan er 42 mínútna löng. Áður höfðu verið birtar upptökur úr vélinni en þessi 42 mínútna kafli var ekki inni í þeirri upptöku.

Söfnuðu 40 milljónum vegna framboðsins

Stuðningsmenn Baracks Obama söfnuðu 40 milljónum bandaríkjadala á fjórða ársfjórðungi síðasta árs vegna væntanlegs framboðs hans til endurkjörs á þessu ári. Upphæðin sem safnað var nemur nærri fimm milljörðum íslenskra króna. Eignir framboðsins í lok ársins námu þá 82 milljónum dollara og skuldirnar námu þremur milljónum dollara. Þetta kemur fram í gögnum sem framboð hans skilaði til landskjörstjórnar í Bandaríkjunum í dag.

Auðkýfingur og Íslandsvinur þróar stærstu flugvél veraldar

Auðkýfingurinn og Íslandsvinurinn Paul Allen mun smíða stærstu flugvél veraldar innan fimm ára. Vænghaf flugvélarinnar verður 117 metrar en það er 30 metrum meira en á Airbus 380, stærstu flugvél heims.

Dularfullt skipsflak á botni Eystrasaltsins

Sænskir fjársjóðsleitarmenn hafa fundið dularfullan hlut á botni Eystrasaltsins. Hluturinn er disklaga og er á stærð við Boeing 747 farþegaþotu. Ævintýramennirnir leita nú leiða til að fjármagna frekari rannsóknir.

Ótrúlegt "base-jump" í Singapúr

Ótrúlegt myndband sem sýnir ofurhuga stökkva af spilavíti í Singapúr hefur vakið gríðarlega athygli. Byggingin hentar afar vel fyrir „base-jump" en á þaki þess er gríðarstór sundlaug.

Fyrrverandi forstjóri RBS sviptur aðalstign

Fred Goodwin, fyrrverandi bankastjóri Royal Bank of Scotland, hefur verið sviptur aðalstign. Sky fréttastofan greinir frá þessu í dag. Það hefur verið gríðarlegur þrýstingur á að hann yrði sviptur titlinum eftir að bankinn hrundi í miðri lausafjárkrísunni sem skók allan heiminn árið 2008.

Áföllum fækkað um helming

Dauðsföllum af völdum hjartaáfalla hefur fækkað um ríflega helming í Englandi frá árinu 2002 ef marka má rannsóknir frá Oxford.

Nær engu munaði að brak úr gervihnetti félli á Beijing

Nær engu munaði að stórir og þungir málmhlutir úr aflóga þýskum gervihnetti sem hrapaði til jarðar síðasta haust hefðu lent á Beijing höfuðborg Kína með ófyrirsjáanlegum afleiðingum.

Yfir 100 manns slösuðust í jarðskjálfta í Perú

Yfir hundrað manns slösuðust í öflugum jarðskjálfta í Perú í gærdag en ekki er vitað til að neinn hafi farist af völdum hans.

Romney með sigurinn í höndunum í Flórída

Mitt Romney hefur haldið áfram að auka forskot sitt á Newt Gingrich í Flórída en næsta prófkjör Repúblikanaflokksins verður haldið í ríkinu í dag.

Bretar og Tékkar höfnuðu reglum um aukinn aga í fjármálum

25 af 27 ríkjum Evrólpusambandsins, samþykktu á leiðtogafundi í gærkvöldi, að taka upp nýjar reglur um aukinn aga í ríkisfjármálum sínum. Aðeins Bretar og Tékkar höfnuðu því að samþykkja hinar nýju reglur.

Milljónir af leðurblökum hafa drepist í Bandaríkjunum

Leðurblökur í milljónatali hafa dáið vegna sýkingar í norðaustanverðum Bandaríkjunum og hluta af Kanada.

Ekki náðist samstaða í Brussel

Leiðtogar ríkja Evrópusambandsins (ESB) hittust í Brussel í gær til að klára viðræður um nýjar reglur sem tryggja eiga aga við ríkisfjármálastjórn í evrulöndunum. Með reglunum vilja leiðtogarnir koma í veg fyrir að evruríki geti safnað óhóflegum skuldum á ný.

Sjö ráðherrar utan þjóðkirkju

Sjö ráðherrar af 23 í Danmörku eru ekki meðlimir í þjóðkirkjunni þar í landi, að því er fram kemur í Ekstra Bladet. Þetta heyrir til nokkurra tíðinda í sögulegu samhengi. Í síðustu ríkisstjórn, til dæmis settist enginn sem var utan við þjóðkirkjuna í ráðherrastól. Á meðal ráðherranna sjö eru varnarmálaráðherrann Nick Hækkerup og fjármálaráðherrann Bjarne Corydon, sem segist bera fulla virðingu fyrir þjóðkirkjunni. „En ég er ekki trúaður og þess vegna finnst mér eðlilegt að ég sé ekki meðlimur í þjóðkirkjunni,“ sagði hann.- þj

Romney talinn sigurstranglegri

Kannanir benda til þess að Mitt Romney muni bera sigur úr býtum í prófkjöri repúblikana í Flórídafylki í kvöld.

Segjast bjartsýn á viðræður

Írönsk stjórnvöld hafa boðið sendifulltrúum Kjarnorkustofnunar Sameinuðu þjóðanna að vera lengur í landinu en þrjá daga, eins og upphaflega stóð til. Þetta er fyrsta heimsókn fulltrúa Alþjóðakjarnorkustofnunarinnar til Írans frá því stofnunin sendi frá sér skýrslu í nóvember, þar sem komist var að þeirri niðurstöðu að sumar kjarnorkutilraunir Írana geti vart haft annan tilgang en þann, að gera framleiðslu kjarnorkuvopna mögulega.

Hlaupkenndum kúlum rigndi í Bretlandi

Maður í Dorset í Bretlandi er furðu lostinn eftir að undarlegar bláar kúlur féllu af himnum ofan og lentu í garðinum hans.

6 kílóa barn fæddist í Bandaríkjunum

Kona í Bandaríkjunum eignaðist stærðarinnar pilt eftir að hafa haft hríðir í 6 klukkustundir. Barnið vó rúmlega 6 kíló en slíkt er afar sjaldgæft.

Milljónamæringur gefur bílstjóra sínum milljón dollara

Einmana milljónamæringur í Bandaríkjunum ánafnaði bílstjóra sínum einni milljón dollara í erfðaskrá sinni. Bílstjórinn hjálpaði vinnuveitanda sínum í gegnum erfiðan skilnað.

Yfir 100 slösuðust í jarðskjálfta

Að minnsta kosti 112 manns slösuðust í Perú þegar að jarðskjálfti upp á 6,3 á Richter skók strönd landsins um sjöleytið að íslenskum tíma í gærkvöld. Skjálftinn varð nærri borginni Ica í Perú. AP fréttastofan segir að 16 íbúðir hafi skemmst í skjálftanum. Hús í höfuðborg Perú, Lima, skulfu í skjálftanum þótt borgin sé í meira en 200 kílómetra fjarlægð.

Kuldinn herjar á Evrópu - átján látnir í Úkraínu

Kuldatíð er nú í Evrópu og að minnsta kosti átján hafa látist úr kulda og vosbúð í Úkraínu, þar sem mikið hefur snjóað. Í Póllandi er staðfest að tíu séu látnir og andlát af völdum kuldans hafa einnig verið staðfest í Serbíu og Búlgaríu.

Sjö ára fangelsi fyrir að leggja á ráðin um hryðjuverk

Tveir menn voru í dag dæmdir til sjö ára fangelsisvistar í Osló fyrir að leggja á ráðin um hryðjuverkaárás í Danmörku. Þriðji maðurinn var sýknaður í málinu en hann fékk þó fjögurra mánaða dóm fyrir að kaupa efni sem nota má til sprengjugerðar. Mennirnir þrír eru allir innflytjendur með landvistarleyfi í Noregi. Skotmarkið í Danmörku voru ritstjórnarskrifstofur Jótlandspóstsins sem á sínum tíma birti skopmyndir af spámanni Múslima, Múhameð.

Eftirlitsmenn komnir til Íran

Eftirlitsmenn frá Alþjóðakjarnorkumálastofnuninni funda með írönskum þarlendum stjórnvöldum um kjarnorkuáætlun landsins næstu þrjá daga.

Risavaxið smástirni úr gulli framhjá jörðinni

Risavaxið smástirni, 433 Eros að nafni, kemur nálægt jörðinni í dag en Eros siglir framhjá jörðinni í um 27 milljón kílómetra fjarlægð sem þykir stutt vegalengd í stjörnufræðinni.

Uppreisnarmenn hraktir úr úthverfi Damaskus

Stjórnarhernum í Sýrlandi hefur tekist að hrekja uppreisnarmenn úr einu úthverfa Damaskus höfuðborgar landsins.

Romney eykur forskot sitt í Flórída

Mitt Romney hefur aukið forskot sitt á Newt Gingrich í prófkjörsslag Repúblikana í Flórída en kosið verður á morgun, þriðjudag.

Heiðursmorð vekja óhug í Kanada

Hjón og sonur þeirra hafa verið dæmd í lífstíðarfangelsi í Kanada fyrir svokölluð heiðursmorð.

Karlar líklegri til að segja „ég elska þig“ á undan

Karlmenn eru líklegri konur til að segja á undan „ég elska þig“ við maka sinn, samkvæmt nýlegri rannsókn.

300 mótmælendur handteknir

Um þrjú hundruð mótmælendur úr Occupy hreyfingunni voru handteknir í Oakland í Bandaríkjunum í gærkvöldi eftir að þeir höfðu reynt að brjóta sér leið inn í ráðhús borgarinnar og ráðstefnuhús í grenndinni. Lögreglan sprautaði táragasi og kastaði reyksprengjum yfir mótmælenda hópinn sem létu steinum, flöskum og öðrum hlutum rigna yfir lögregluna á móti. Occupy hreyfingin hefur valdið usla í mörgum bandarískum borgum undanfarna mánuði en mótmælin hófust á Wall Street í New York á síðasta ári.

Harmleikur í Perú: 27 brunnu inni

Að minnsta kosti 27 fórust þegar eldur kom upp á meðferðarheimili í Lima, höfuðborg Perú, í gær. Um tíu eru alvarlega slasaðir en öll fórnarlömbin eru karlmenn. Samvkæmt slökkviliðsstjóra borgarinnar lokuðust sjúklingarnir inni á heimilinu þar sem ekki var hægt að opna hurðirnar innan frá. Slökkviliðsmenn þurftu að brjóta veggi til að bjarga fólki. Eldsupptök eru ókunn en lögreglan rannsakar málið.

Undrabarn frá Kína sér í myrkri

Nong Youhui er ekki venjulegur drengur, það er nokkuð ljóst. Hann getur nefnilega séð jafnvel í myrkri og í birtu. Í myrkrinu glóa augu hans eins og í ketti en þau eru alveg skærblá.

Ætlar að halda áfram jafnvel þótt hann tapi í Flórída

Newt Gingrich, fyrrverandi forseti fulltrúadeildar Bandaríkjaþings, tilkynnti í gær að hann hygðist berjast um útnefningu Repúblikanaflokksins alveg fram að landsfundi flokksins í sumar, jafnvel þótt hann myndi tapa fyrir Mitt Romney, fyrrverandi ríkisstjóra í Massachusetts, í forvalinu í Florída á þriðjudaginn.

Hóta kvenkyns ökumönnum og ræna bílum þeirra

Mikið hefur verið um það í Belfast, höfuðborg Norður-Írlands, undanfarið að glæpagengi ganga um götur bæjarins og hóta bílstjórum lífláti í þeim tilgangi að ræna bíl þeirra.

Læknir trúir ekki á Darwin

Norskum lækni var neitað um vinnu á spítala vegna þess að hann trúir ekki á þróunarkenningu Darwins. Yfirmenn á spítalanum sögðu of mikinn mun á lífsskoðunum til að upp gæti gengið að hann starfaði þar.

Blaðamenn The Sun handteknir

Breska lögreglan gerði húsleit í höfuðstöðvum götublaðsins The Sun í morgun stuttu eftir að hafa handtekið einn lögreglumann og fjóra starfsmenn blaðsins í tengslum við meintar mútugreiðslur.

Tala látinna komin í sautján eftir að lík konu fannst í morgun

Tala látinna í skemmtiferðaskipinu Costa Concordia er nú komin í sautján eftir að björgunarmenn fundu lík konu í skipinu í morgun. Enn er 15 saknað.

Vilja forrit sem les Facebook

Bandaríska alríkislögreglan (FBI) hefur leitað til hugbúnaðarhönnuða um að búa til forrit sem geri FBI kleift að leita að ýmiss konar upplýsingum á samskiptavefjum á borð við Facebook og Twitter.

Harka færist í bardagana í Sýrlandi á ný

Hörð átök hafa verið í Sýrlandi undanfarna tvo daga, einkum í borginni Homs þar sem tugir manna eru sagðir hafa látið lífið, þar á meðal börn.

Bæjarstjóri: "Vinsamlegast hættið að senda mér Taco-kökur"

Bæjarstjóri í smábæ í Connecticut í Bandaríkjunum biðlar nú til íbúa bæjarins um að hætta að senda Taco-maískökur á skrifstofu sína.

Ferris Bueller snýr aftur

Sýnishorn úr væntanlegri auglýsingu gefur til kynna að Ferris Bueller sé væntanlegur á hvíta tjaldið á ný. Auglýsingin verður sýnd á úrslitaleik NFL deildarinnar í amerískum fótbolta, Super Bowl.

Vísindamenn þróa loftsteina-skjöld yfir Evrópu

Stjarneðlisfræðingar vinna nú að skipulagningu verkefnis sem mun vernda jörðina gegn smástirnum.

Smástirni fer framhjá jörðinni í dag

Smástirnið 2012 BX34 fer framhjá jörðinni í dag. Steinninn er um 11 metrar að breidd og verður í tæplega 60.000 kílómetra fjarlægð frá jörðinni.