Gríðarleg flóð í Noregi

Gríðarleg flóð brustu á í suðurhluta Noregs í morgun eftir miklar rigningar og leysingar á stórum svæðum. Verst hefur ástandið verið í Syðri-Þrændalögum og hefur fjöldi fólks neyðst til þess að yfirgefa heimili sín og sumarhús. Loka þurfti hraðbraut nálægt Strandlykka eftir að aurskriða féll á veginn í gær en skriðan fór einnig yfir lestarteina sem tengja Þrándheim og Osló.

11 ára drengur hringdi í lögguna og kvartaði undan þrælkun

Aðeins 11 ára gamall drengur hringdi í neyðarlínu lögreglunnar í Þýskalandi til þess að kvarta undan því að honum væri haldið í þrælkunarvinnu á heimili sínu.

Maður handtekinn vegna sprengjunnar í Sidney

Ástralskur maður hefur verið handtekinn í Bandaríkjunum í tengslum við sprengjutilræðið í Sidney í upphafi mánaðarins.

Scud eldflaug skotið á uppreisnarmenn í Líbíu

Hersveitir hliðhollar Muammar Gaddafi leiðtoga Líbíu hafa skotið Scud eldflaug á uppreisnarmenn í fyrsta sinn í átökunum sem geisað hafa í landinu undanfarna sex mánuði.

Áfram spáð úrhelli í Danmörku

Ekkert lát er á úrkomunni í Danmörku og nú spáir veðurstofa lands því að von sé á nýju úrhelli í landinu undir lok þessarar viku. Mikið úrhelli í fyrrinótt olli því að samgöngur fóru víða úr skorðum á Sjálandi og á Fjóni.

Kynlíf eykst í takti við aukið jafnrétti kynjanna

Í löndum þar sem jafnrétti meðal kynjanna er mest stundar fólk meira kynlíf en í þeim löndum þar sem jafnréttið er minna.

Vinstri flokkar yfir í könnunum

Stjórnarandstöðuflokkarnir á danska þinginu halda forskoti sínu í skoðanakönnunum. Nýjustu tölur sýna að vinstri flokkarnir hafa tæplega 54 prósenta fylgi, sem myndi skila þeim 95 þingsætum, gegn 45,8 prósentum og 80 þingsætum hjá hægriflokkunum sem hafa stýrt landinu í tíu ár.

Þarf að sigrast á félagslegum vandamálum

„Þetta hefur orðið til þess að vekja okkur upp hér í landi. Félagsleg vandamál sem hafa grafið um sig áratugum saman hafa nú sprungið framan í okkur,“ sagði David Cameron, forsætisráðherra Bretlands og leiðtogi Íhaldsflokksins.

Talin látin eftir fall í Niagara fossana

Nítján ára gömul japönsk stúlka féll í nótt í hina heimsfrægu Niagara fossa, sem standa á landamærum Bandaríkjanna og Kanada. Leit að líki stúlkunnar hefur ekki enn borið árangur, en hún er nú talin látin.

Árásir í Írak gætu haft áhrif á veru bandaríska hersins í landinu

Samstilltar spreningar í Írak hafa orðið að minnsta kosti 74 manns að bana og sært 250 manns. Árásin gæti haft áhrif á brottför bandaríska hersins úr landinu.

Umferðaröngþveiti í London vegna prufumóts

Endurskoðun mun fara fram á leiðinni sem farin verður þegar keppt verður í hjólreiðum á Ólympíuleikunum í Lundúnum eftir rétt tæpt ár. Ástæðan er sú að gríðarlegt umferðaröngþveiti myndaðist í borginni í gær þegar leiðin var prófuð í gær. Loka þurfti rúmlega þúsund götum og hafa margir áhyggjur af því hvað gerist þegar á sjálfa Ólympíuleikana er komið, en þá mun keppnin taka heila fimm daga.

Hitabeltisstormurinn Gert stefnir á Bermúda

Hitabeltisstormurinn Gert stefnir nú í áttina að Bermúdaeyjum og hefur verið gefin út stormviðvörun á eyjunum vegna hans.

Uppreisnarmenn að umkringja Trípólí

Uppreisnarmenn í Líbíu sækja nú að tveimur mikilvægum bæjum í grennd við höfuðborgina Trípólí. Bardagar við báða bæina hafa staðið yfir alla helgina. Takist uppreisnarmönnum að ná þessum bæjum á sitt vald er Trípólí algerlega umkringd á landi en herfloti NATO einangrar borgina frá sjó.

Mikil óánægja með störf Barack Obama

Óánægja almennings í Bandaríkjunum með störf Baracks Obama bandaríkjaforseta hefur aldrei verið meiri frá því hann tók við embætti sínu.

Úrhelli truflar aftur samgöngur í Danmörku

Verulegar truflanir hafa verið á samgöngum víða á Sjálandi og Fjóni í Danmörku í morgun eftir að mikið úrhelli gekk þar yfir í gærkvöldi og nótt.

Kýrin Yvonne vekur mikla athygli í Þýskalandi

Þýska þjóðin fylgist nú spennt með tilraunum dýraverndunarsinna til að bjarga kú úr skóglendi Bæjaralands en þar hefur kýrin dvalið síðan hún flúði af bóndabýli sínu í vor.

Chavez kominn til Venesúela

Forseti Venesúela, Hugo Chavez, hefur snúið aftur til Venesúela eftir aðra umferð lyfjameðferðar sem hann fór í á Kúbu.

Herskip skutu á fólk í borginni Latakia

Sýrlensk herskip létu skotum rigna yfir hafnarborgina Latakia í gær og urðu í það minnsta nítján að bana. Árásinni var beint að andstæðingum sýrlenskra stjórnvalda sem staðið hafa fyrir mótmælum síðustu vikur.

Rakari missti allt sem hann átti í óeirðunum í London

Lundúnarbúar eru byrjaðir að safna peningum til að styrkja tæplega níræðan rakara en stofan hans var lögð í rúst í óeirðunum um síðustu helgi. Tæplega átta hundruð óeirðarseggir hafa verið ákærðir.

Tólf féllu þegar sprengja sprakk á hóteli

Að minnsta kosti tólf féllu þegar sprengja sprakk á hóteli í borginni Dera Allah Yar í Pakistan í morgun, á þjóðhátíðardegi Pakistana. Fjöldi fólks var inni á hótelinu þegar sprengjan sprakk og auk þeirra sem féllu eru að minnsta kosti fjórtán særðir. Enginn hefur lýst yfir ábyrgð á tilræðinu. Borgin Der Allah Yar er í Balochistan-héraði sem er stærsta hérað Pakistans en það er jafnframt það fátækasta.

Dregur sig úr kapphlaupinu

Tim Pawlenty, fyrrverandi ríkisstjóri í Minnessota, sem þótti framan af einn sigurstranglegasti frambjóðandinn í forkosningum bandaríska repúblikanaflokksins, hefur dregið sig úr kapphlaupinu.

Breivik skoðaði Útey í gallabuxum og bol - Myndband

Lögreglan í Osló fór með fjöldamorðingjann Anders Breivik til Úteyjar í gær dag en hann hefur játað að hafa framið fjöldamorð á eyjunni og sprengt sprengju í miðborg Oslóar tuttugasta og annan júlí síðastliðinn.

Segir að óeirðirnar muni setja varanlegan svip á breskt samfélag

David Cameron, forsætisráðherra Bretlands, segir að óeirðarseggjum og skemmdarvörgum verði ekki sýnd nein miskunn, en alls hafa 1.276 verið handteknir. Cameron telur að óeirðirnar í Lundúnum muni setjan varanlegan svip á breskt samfélag.

Rick Perry sækist eftir tilnefningu sem forsetaframbjóðandi

Spenna er að færast í forkosningar bandaríska repúblikanaflokksins eftir að ríkisstjóri Texas lýsti yfir framboði sínu. Tveir sigurstranglegustu frambjóðendurnir eru strangkristnir íhaldsmenn.

Skemmdarvörgum verður ekki sýnd nein miskunn

David Cameron, forsætisráðherra Bretlands, segir að óeirðarseggjum og skemmdarvörgum verði ekki sýnd nein miskunn, en hann telur að óeirðirnar í Lundúnum muni setja mark sitt á sögu Bretlands.

Pissaði á 12 ára stúlku í flugvél

Átján ára piltur, Robert Vietze, hefur verið rekinn úr unglingalandsliði Bandaríkjanna í skíðaíþróttum fyrir að hafa kastað af sér vatni á 12 ára stúlku sem var með honum í flugvél fyrr í vikunni.

Bandaríkjamanni rænt í Pakistan

Sextíu og þriggja ára bandarískum karlmanni var rænt af átta vopnuðum mönnum í borginni Lahore í Pakistan í morgun. Ræningjarnir komu á nokkrum bílum að heimili mannsins og yfirbuguðu öryggisverði hans og námu hann síðan á brott.

Óttast að sænskri konu hafi verið rænt - lýst eftir henni um allan heim

Þrítug sænsk kona, Jenny Persson, hefur verið týnd frá 1. ágúst síðastliðnum. Óttast er að henni hafi verið rænt.

Læknamóttaka fyrir þá sem dvelja ólöglega í Danmörku

Læknafélagið, Rauði krossinn og Flóttamannahjálpin í Danmörku opna innan skamms læknamóttöku fyrir útlendinga sem dvelja ólöglega í landinu.

Júlía enn í varðhaldi

Júlía Tímosjenko, fyrrum forsætisráðherra Úkraínu, situr enn í varðhaldi eftir að dómstóll hafnaði beiðni hennar um að verða látin laus.

Bandarísk ofurlögga ráðleggur Bretum

Bresk yfirvöld hafa ráðið bandaríska ofurlöggu til að ráðleggja þeim í baráttunni við glæpagengi. Dómstólar hafa vart undan að afgreiða mál óeirðaseggja í landinu.

531 tonn af hjálpargögnum til Afríku

Það sem af er mánuði hefur UNICEF sent 531 tonn af hjálpargögnum til þurrkasvæðanna í Austur-Afríku. Um er að ræða matvæli eins og hnetumauk og orkustangir, en einnig lyf, bóluefni, vatnshreinsibúnað og tjöld svo eitthvað sé nefnt.

Hörmulegar aðstæður í Sómalíu

Kólerufaraldur blasir við á neyðarsvæðunum í Sómalíu þar sem óhreint vatn og ófullnægjandi hreinlætisaðstaða er gróðrarstía fyrir sjúkdóminn. Hundruð þúsunda barna glíma nú við næringarskort á svæðinu og eru viðkvæm fyrir áföllum.

50 ár frá byggingu Berlínarmúrsins

Í dag eru 50 ár liðinn frá því hafist var handa að byggja Berlínarmúrinn. Múrinn skipti Berlín í tvennt, splundraði fjölskyldum og varð ein af táknmyndum Kalda stríðsins, tvískiptingar austur og vesturs. Þjóðverjar líta til baka í dag.

Sáu dóttur sína í sjónvarpinu og hringdu á lögreglu

Ljóst er að brotamennirnir í Lundúnum voru af mörgu tagi. Að sögn breska dagblaðsins Guardian sáu foreldrar 18 ára stúlku hana í beinni sjónvarpsútsendingu í Enfield þar sem hún braut rúðu í verslun með grjótkasti og fagnaði ákaft. Foreldrarnir létu lögregluna vita og var stúlkan handtekin. Stúlkan hreppti nýlega þann heiður að vera ásamt hópi annarra unglinga gerð að sérstökum sendiherra ólympíuleikanna sem halda á í Lundúnum næsta sumar.

Dauðadómur fyrir 11 morð

Raðmorðingi sem myrti ellefu konur í borginni Cleveland var í gær dæmdur til dauða fyrir glæpi sína. Anthony Sowell var handtekinn árið 2009 grunaður um að hafa beitt konu kynferðisofbeldi. Eftir það fundust jarðneskar leifar kvennanna víðs vegar í húsi hans og grafnar í lóðinni. Þær hurfu á árunum 2007 til 2009 og höfðu verið kyrktar og svívirtar.

Ónæmiskerfið öðruvísi en í öðrum dýrum

Þorskur er með öðruvísi ónæmiskerfi en öll önnur dýr. Norskir vísindamenn hafa kortlagt erfðamengi þorsksins og er greint frá niðurstöðum rannsókna þeirra í vísindaritinu Nature.

Rick Perry gæti skákað Romney

Rick Perry fylkisstjóri í Texas er talinn líklegur til að gefa loks kost á sér í forvali repúblikana fyrir forsetakosningarnar á næsta ári eftir mánaða vangaveltur. Verði af því, þykir stjórnmálaskýrendum líklegt að hann komist strax í hóp þeirra sigurstranglegustu.

Aldrei fleiri sjálfsmorð í bandaríska hernum

Þrjátíu og tveir bandarískir hermenn tóku sitt eigið líf í júlímánuði á þessu ári, en aldrei hafa fleiri sjálfsmorð orðið í einum mánuði frá því herinn hóf var að birta sjálfsmorðstölur mánaðarlega árið 2009.

Gallabuxnaauglýsing sem sýnir óeirðir tekin úr spilun í Bretlandi

Sjónvarpsauglýsing gallabuxnaframleiðandans Levi's hefur verið tekin úr spilun í Bretlandi. Ástæðan er sú að í auglýsingunni má sjá myndbrot sem þykja minna um of á óeirðirnar í Bretlandi, sem hafa leitt til handtöku um eitt þúsund og sex hundruð ungmenna á örfáum dögum.

531 tonn af hjálpargögnum send til Austur-Afríku

UNICEF hefur sent 531 tonn af hjálpargögnum til neyðarsvæðanna í Austur-Afríku. Í Sómalíu er ástandið skelfilegt og er talið að 29 þúsund börn undir fimm ára aldri hafi látist af hungri og sjúkdómum.

Telur að sterkeindahraðalinn í Sviss muni gagnast mannkyninu

Þó að sterkeindahraðallinn í Sviss beri ekki bera ávöxt í nánustu framtíð mun hann svo sannarlega gera það á endanum, segir ítalskur eðlisfræðingur sem er staddur hér á landi. Óttinn við að hraðallinn geti myndað svarthol hefur alið af sér marga nýja vísindaáhugamenn.

Flugfélög fljúga frítt með hjálpargögn til Afríku

Á fyrstu tólf dögum ágústmánaðar hafa 26 birgðaflutningavélar flogið með 531 tonn af hjálpargögnum frá UNICEF til þurrkasvæðanna á austurodda Afríku. Megináhersla hefur verið lögð á að senda næringarbætt hnetumauk fyrir alvarlega vannærð börn ásamt næringarbættu maís- og sojamjöli sem gera má úr graut. Flutningur nær helmings þeirra birgða sem sendar hafa verið í ágúst hefur verið UNICEF að kostnaðarlausu. Flugfélögin Virgin Airlines, Cargolux og British Airways hafa öll gefið samtökunum birgðaflug. Meðal þeirra hjálpargagna sem hafa borist á svæðið á umræddu tímabili eru 170 tonn af næringarbættu hnetumauki, 172 tonn af maís- og sojamjölsblöndu, 21 tonn af orkuríkum kornstöngum og 37 tonn af mikilvægum lyfjum og saltupplausn til að koma í veg fyrir ofþornun. Einnig hafa verið send á vettvang tæki sem notuð eru til að að hreinsa vatn og gera það hæft til drykkju, tæplega 5 milljónir skammtar af bóluefni gegn mislingum, mænuveiki, stífkrampa, barnaveiki og kíghósta; auk segldúka, tjalda, vatnshreinsitaflna og fleira. UNICEF sendir hjálpargögn alla jafna með skipum. Ástandið er hins vegar svo alvarlegt að þörf er á hraðari flutningsmáta til að brúa bilið þangað til skipsfarmar taka að berast reglulega, þ.e. á næstu vikum. Áframhaldandi þörf Þessi hjálpargögn bætast við þau 1.300 tonn sem dreift var í suðurhluta Sómalíu í síðasta mánuði. Þá hefur miklu magni hjálpargagna einnig verið dreift í öðrum hlutum landsins sem og í Eþíópíu, Keníu og Djibútí. UNICEF áætlar að á næstu sex mánuðum, hið minnsta, þurfi samtökin að senda á vettvang 5.000 tonn af næringabættri fæðu fyrir vannærð börn í hverjum mánuði. Íslendingar hafa verið ötulir við að styrkja neyðaraðgerðir UNICEF í Austur-Afríku. Enn er hægt að leggja söfnuninni lið með því að hringja í söfnunarsímnúmerin 908-1000 (1.000 krónur), 908-3000 (3.000 krónur) og 908-5000 (5.000 krónur). Einnig er hægt að leggja inn á sérstakan söfnunarreikning: 515-26-102040 (kt. 481203-2950)

Litli prinsinn mættur í skólann

Í dag hóf prins Christian, sonur Friðriks krónprins Danmerkur og Maríu konu hans, skólagöngu sína. Christian er fyrsti prinsinn í sögu Danmerkur sem hefur skólagöngu sína í almennum grunnskóla en það er Tranegårdsskolen i Gentofte.

Skylmingaþrælar handteknir í Róm

Ítalskir lögreglumenn lentu í blóðugum bardaga við skylmingaþræla við hringleikahúsið í Róm í gær. Við hringleikahúsið og önnur forn mannvirki í Róm hafa löngum verið menn klæddir sem skylmingaþrælar sem ferðamenn geta látið mynda sig með fyrir þóknun.