Fleiri fréttir

Sprengdi sig í loft upp í stórverslun

Að minnsta kosti átta fórust þegar maður sprengdi sig í loft upp í vinsælli stórverslun í höfuðborg Afganistan, Kabúl, í dag. Konur og börn eru á meðal hinna látnu.

Hélt eiginkonunni fanginni í 16 ár

Joao Batista Groppo hefur verið handtekinn fyrir að halda eiginkonu sinni fanginni í kjallaranum á heimili þeirra í sextán ár. Á meðan bjó hann með annarri konu á efri hæðinni.

Útgöngubann sett á Egyptalandi

Útgöngubann hefur verið sett í egypsku borgunum Kaíró, Alexandríu og Súez en tugir þúsunda mótmælenda hafa verið á götum landsins undanfarna daga til þess að mótmæla stjórn Mubaraks forseta.

Mandela útskrifaður af spítala

Nelson Mandela, fyrrverandi forseti Suður Afríku, var útskrifaður af spítala í morgun. Þar hafði hann dvalið í tvær nætur. Læknir hans sagði í samtali við fréttamenn að Mandela, sem er 92 ára gamall, þjáðist af kvillum sem væru algengir hjá fólki á hans aldri. Hann hefði það hins vegar gott.

Einnig mótmælt í Jemen í dag

Skipuleggjendur mótmælanna í Jemen hafa lýst því yfir að áfram verði mótmælt í dag líkt og í Egyptalandi. Íbúar Jemen flykktust út á götur í gær eftir átökin í Egyptalandi og stjórnarbyltinguna í Túnis.

Mandela mun ná sér

Óþarfi er að óttast um heilsu Nelson Mandela að sögn varaforseta Suður-Afríku sem flutti tilkynningu í dag um að leiðtoginn myndi jafna sig á föllnu lunga.

Læsti eiginkonuna í kjallaranum í átta ár

Brasilíska lögreglan handtók karlmann í Brasilíu fyrir að halda konu sinni, sem er á sjötugsaldri, fanginni í kjallara á heimili þeirra í átta ár. Maðurinn sagði ástæðuna andlegir kvillar eiginkonunnar.

Milljónir óttast um líf Mandela

Milljónir Suður Afríkubú a óttast nú um líf Nelsons Mandela eftir að hinn ástsæli fyrrverandi þjóðarleiðtogi var lagður inn á sjúkrahús í Jóhannesarborg í gær.

Eldfjallið þekkt úr Bondsmelli

Eldfjallið Kirishna í Japan, sem byrjaði að gjósa í gærkvöldi, er þekkt úr myndinni You Only Live Twice sem er úr myndaröðinni um breska leyniþjónustumanninn James Bond. Eins og fram kom á Vísi í dag er gosið sem hófst í gær sennilega stærsta eldgosið í fjallagarðinum, sem Kirishna tilheyrir, síðan árið 1959.

Ráðgátan um flygilinn á flæðiskerinu er leyst

Íbúar við Biscayne flóa á Flórída hafa undanfarnar vikur klórað sér í hausnum yfir forláta flygli sem allt í einu birtist á skeri úti í flóanum. Enginn vissi hvernig flygillinn komst þangað eða hvers vegna hann hefði verið settur út í skerið. Töldu sumir að um einhverskonar hrekk væri að ræða eða gjörningalistaverk og nokkrir stigu fram og lýstu ábyrgðinni á hendur sér.

Íbúar Jemen mótmæla

Þúsundir íbúa í Jemen mótmæla nú í höfuðborg landsins, Sanaa, og krefjast þess að forseti landsins segi af sér. Mótmælin koma í kjölfar byltingarinnar í Túnis og harðra mótmæla í Egyptalandi.

Aukin harka í mótmælunum í Egyptalandi

Að minnsta kosti fjórir eru látnir í mótmælunum í Egyptalandi síðastliðna tvo daga. Stjórnvöld óttast áframhaldandi mótmælahrinu. Átök mótmælanda við lögreglu hafa verið afar ofbeldisfull.

Um 500 þúsund Bretar hafa aldrei unnið handtak

Á Bretlandi voru um 500 þúsund manns sem höfðu aldrei unnið eitt einasta starf á ævinni þegar að Verkamannaflokkurinnfór frá völdum á síðasta ári. Þetta sýna tölur bresku hagstofunnar. Fjöldi þeirra nánast tvöfaldaðist á árunum 1997-2010, eftir því sem fram kemur á vef Daily Mail.

Ástand Giffords betra

Þingmaðurinn Gabrielle Giffords, sem var skotin í höfuðið fyrr í mánuðinum, hefur verið flutt á endurhæfingarstöð eftir að læknar mátu ástand hennar „gott“ í stað „alvarlegt.“

Facebook-síða stofnandans „hökkuð“

Tölvuþrjótur náði að brjótast inn á Facebook-síðu Mark Zuckerberg, stofnanda Facebook, í gærkvöldi. Þar birti hann „status“ þar sem hann spurði afhverju ætti ekki að breyta Facebook í félagslegt viðskiptanet. Tölvuþrjóturinn hefur ekki fundist.

Þótti vera í of flegnu - myndinni því breytt

Íranskir fjölmiðlar breyttu mynd sem tekin var af Catherine Ashton, framkvæmdastjóra utanríkismála hjá Evrópusambandinu, þegar hún gekk út af fundi með Saeed Jalili varnamálaráðherra Írans. Ástæðan var sú að írönskum fjölmiðlum þóttu sjást of mikið í bringuna á henni.

Heppnir Norðmenn

Tveir Norðmenn unnu sitthvorar 46,7 milljónirnar í Víkingalottóinu í kvöld. Tölurnar voru 4 18 25 29 39 47. Bónustölurnar voru 31 og 44 og þá var ofurtalan 45.

Námuverkamenn fórust í gassprengingu

Að minnsta kosti fimm námuverkamenn fórust þegar að sprenging varð í kolanámu í norðaustur Kólumbíu. Fyrstu fregnir af málinu greindu frá því að þrjátíu námuverkamenn væru fastir neðanjarðar en yfirvöld hafa nú staðfest að þrettán hafi lokast inn í námunni.

Ben Ali eftirlýstur um allan heim

Stjórnvöld í Túnis hafa gefið út alþjóðlega handtökuskipun á hendur Zine Ben Ali, fyrrverandi forseta landsins sem hraktist í útlegð á dögunum vegna mikilla mótmæla í landinu. Handtökuskipunin nær einnig til nánustu fjölskyldu Ben Alis. Dómsmálaráðherra Túnis segir að alþjóðalögreglan Interpol hafi verið beðin um að hafa hendur í hári forsetans fyrrverandi en hann er sagður staddur í Sádí Arabíu. Yfirvöld vilja ákæra leiðtogann fyrrverandi fyrir þjófnað og fjárdrátt.

Sonur Mubaraks flýr land

Sonur Hosni Mubaraks, forseta Egyptalands, flúði land í gær samkvæmt arabískum fjölmiðlum eftir að óeirðir brutust út í Kairó með þeim afleiðingum að þrír létust og þúsundir slösuðust.

Selja börn óléttra kvenna

Búlgarska lögreglan hefur upprætt mansalshring þar í landi sem flytur þungaðar konur til Egyptalands þar sem þær eru neyddar til þess að eignast börnin og þau svo seld.

Þrír látnir og þúsundir slasaðir eftir mótmæli í Kairó

Að minnsta kosti þrír létust í ofbeldisfullum mótmælum í Kairó í Egyptalandi í gær en lögreglan batt í nótt enda á óeirðirnar. Skipuleggjendur mótmælanna segja óeirðirnar í gær marka upphafið af endinum á valdatíð núverandi stjónrvalda.

Hörð átök í Kaíró - táragasi beitt

Þúsundir mótmæla í Kairó í Egyptalandi í einhverjum fjölmennustu mótmælum sem fram hafa farið í Mið-Austurlöndum. Hörð átök brutust út í dag þegar mótmælendum og lögreglu lenti saman. Lögreglan hefur meðal annars beitt táragasi á mótmælendur, sem eru andvígir stjórn Hosni Mubaraks, sem hefur stjórnað Egyptalandi í 30 ár.

Þúsundir mótmæltu Mubarak

Þúsundir manna söfnuðust saman á götum Kairó, höfuðborgar Egyptalands í dag, og kröfðust afsagnar Hosni Mubaraks, forseta landsins.

Hryðjuverk á Filippseyjum

Tveir létust og minnsta kosti átján slösuðust í sprengingu sem varð í strætisvagni í Manilla á Filippseyjum í nótt. Talið er að sprengjan sé verk hryðjuverkamanna. Sprengjunni var komið fyrir undir sæti inni í strætisvagninum en hún var mjög öflug. Ekki er ljóst hversu margir voru í strætisvagninum en einhverjir farþegar sluppu ómeiddir. Ekki er vitað hverjir voru að verki samkvæmt AP fréttastofunni.

Braust inn á Facebook-síðu forseta Frakklands

Óprúttin tölvuþrjótur braust inn á Facebook-síðu forseta Frakklands, Nicolas Sarkozy í fyrradag og tilkynnti að hann ætlaði ekki að bjóða sig aftur fram til embættis forseta.

Mótmæli boðuð í Egyptalandi

Mótmæli hafa verið boðuð í Egyptalandi á morgun. Heldur sundurleitur hópur mun sameina krafta sína í mótmælunum, en það eru ungir aðgerðarsinnar, verkamenn, fótboltaaðdáendur og íslamistar.

Þriggja leitað vegna hryðjuverkanna í Moskvu

Þriggja manna er leitað í tengslum við hryðjuverkin á flugvelli í Moskvu í gær þar sem 35 létust og um 150 slösuðust. Rússnesk yfirvöld fengu ábendingar fyrir um viku síðan að það yrði hugsanlega ráðist á flugvöllinn.

Sjá næstu 50 fréttir

Mest lesið