Fundust á lífi eftir 50 daga á reki

Þrír táningsdrengir sem taldir voru af eftir að þeir týndust á Kyrrahafi fundust á lífi fimmtíu dögum eftir að síðast hafði frést af þeim. Drengirnir eru frá Tokelau eyjum sem lúta stjórn Nýja-Sjálands og lifðu þeir á kókoshnetum, regnvatni og sjófugli sem þeim tókst að handsama. Túnfiskveiðimenn sigldu fram á drengina sem voru um borð í litlum álbáti og fögnuðu þeir innilega þegar hjálpin barst. Ítarleg leit hafði verið gerð að drengjunum og eftir að hún skilaði engu höfðu minningarathafnir verið haldnar í heimabæ þeirra.

S-Kórea: Varnarmálaráðherrann segir af sér

Varnarmálaráðherra Suður-Kóreu sagði af sér í dag en hann hefur setið undir gagnrýni um að hafa ekki brugðist nægilega hart við því þegar Norður-Kóreumenn hófu stórskotaliðsárás á eyju sem tilheyrir Suður-Kóreu. Forseti landsins ætlar að tilkynna um arftaka ráðherrans á morgun.

Akademíur staðfesta hlýnun jarðar

Þrjár af virtustu vísindaakademíum heims hafa komist að þeirri niðurstöðu að loftslagsvísindamenn hafi rétt fyrir sér þegar þeir halda því fram að hlýnun jarðar sé staðreynd og að maðurinn eigi þar stærsta þáttinn.

Harrier orrustuþotur breska sjóhersins heyra sögunni til

Blað var brotið í sögu breska sjóhersins þegar fjórar Harrier orrustuþotur tóku á loft frá flugmóðurskipinu Ark Royal í síðasta sinn í gær.

Mikill skortur á læknum og hjúkrunarfræðingum á Haíti

Mikill skortur er á læknum og hjúkrunarfræðingum á Haíti þar sem heilbrigðisyfirvöld berjast gegn útbreiðslu kólerufaraldurs sem hrjáð hefur íbúa eyjunnar.

Suður Kórea eykur herstyrk sinn á eyjunni sem varð fyrir árás

Stjórnvöld í Suður Kóreu ætla að auka fjölda hermanna sinna á eyjunni sem varð fyrir stórskotaliðsárás Norður Kóreu fyrir tveimur dögum. Jafnframt verður herstyrkurinn aukinn á nærliggjandi eyjum.

Fyrrum þingforseti fundinn sekur um peningaþvætti

Dómstóll í Texas hefur komist að þeirri niðurstöðu að Tom DeLay leiðtogi og fyrrum þingforseti Repúblikana í fulltrúadeild bandaríska þingsins sé sekur um peningaþvætti.

Frægur breskur matreiðslumaður vill uppræta brottkast á fiski

Frægur breskur matreiðslumaður, Hugh Fearnley-Whittingstall, hefur safnað yfir 30 þúsund undirskriftum þar sem skorað er á Maríu Damanaki, fiskveiðistjóra Evrópusambandsins, að banna brottkast á fiski.

Fullveldi ekki rofið með ESB

Stjórnlagadómstóll Póllands hefur komist að þeirri niðurstöðu að Lissabonsáttmáli Evrópusambandsins brjóti ekki í bága við stjórnarskrá Póllands.

Dæmdur fyrir kynferðisbrot

Pujiono Cahyo Widianto, 46 ára múslimaklerkur í Semarang á Indónesíu, var í dag dæmdur í fjögurra ára fangelsi fyrir kynferðisbrot gegn tólf ára stúlku. Widianto bauð þúsundum manna í brúðkaup sitt og stúlkunnar árið 2008. Hann sagðist þá ekki ætla að sofa hjá eiginkonu sinni fyrr en hún yrði kynþroska.

Lögreglumenn slasaðir eftir mótmæli stúdenta

Tveir lögreglumenn hafa verið fluttir á sjúkrahús eftir mótmælaaðgerðir stúdenta í Lundúnum. Talið er að annar þeirra sé handleggsbrotinn og hinn fótbrotinn. Tugþúsundir stúdenta hafa mótmælt víðsvegar um Bretland, þar á meðal í Lundúnum, Bristol, Birmingham, Glasgow, Manchester, Cambridge og Brighton.

Læstist inni á baðherbergi í 20 daga

Eldri konu í París var bjargað á dögunum en hún hafði setið föst inni á baðherbergi sínu í heila 20 daga. Baðherbergishurðin læstist og þar sem herbergið er gluggalaust átti hún engin ráð með að láta vita af sér.

Skelfing greip um sig þegar brúin byrjaði að dúa

Komið hefur í ljós að yfir 400 manns fórust og aðrir 400 slösuðust þegar skelfing greip um sig meðal manna sem voru að fara yfir hengibrú í Phnom Penh höfuðborg Kambódíu á mánudag.

Herir Kóreuríkjanna enn í viðbragðsstöðu

Herir Kóreuríkjanna eru enn í viðbragðsstöðu og bandarískt flugmóðurskip er á leiðinni þangað ásamt fylgdarskipum. Bandaríska flotadeildin mun hefja æfingar með suður-kóreska flotanum. Barack Obama forseti Bandaríkjanna ítrekaði enn í dag að Bandaríkin muni standa við skuldbindingar sínar um að verja Suður-Kóreu fyrir öllum árásum.

Stúdentaóeirðir í Lundúnum

Tugþúsundir stúdenta eru aftur komnir til mótmæla í Lundúnum og átök hafa orðið milli þeirra og lögreglunnar.

Biskupi sparkað fyrir að móðga krúnuna

Breskum biskupi hefur verið vikið úr embætti í óákveðinn tíma vegna óviðurkvæmilegrar bloggfærslu um hjónaband þeirra Vilhjálms prins og Kate Middleton.

Flugmóðurskip á leið til Kóreuskaga

Bandaríska flugmóðurskipið George Washington er á leið að Kóreuskaga ásamt fjölmörgum beitiskipum, tundurspillum og freigátum. Flotadeildin mun taka þátt í heræfingum með flota Suður-Kóreu.

Námumennirnir á Nýja Sjálandi taldir af

Allir námumennirnir 29 sem lokuðust inn í Pike River námunni í suðurhluta Nýja Sjálands fyrir fimm dögum síðan eru nú taldir af.

Allsherjarverkfall lamar Portúgal í dag

Boðað hefur verið til allsherjarverkfalls í Portúgal í dag og vonast verkalýðsfélög landsins til þess að það muni lama allt athafnalíf í landinu.

Ekkert dregur úr spennunni á Kóreuskaganum

Ekkert dregur úr spennunni á Kóreuskaganum og ganga hótanir á víxl á milli stjórnvalda í Norður og Suður Kóreu.

Taugatrekkjandi að semja við Norður Kóreumenn

Það getur tekið verulega á taugarnar að standa í samningaviðræðum við Norður Kórerumenn. Nokkrir vestrænir diplómatar hafa greint frá reynslu sinni í þeim efnum.

Norður-Kóreumenn telja sig hafa verið í fullum rétti

Norður-Kóreumenn telja sig hafa verið í fullum rétti þegar þeir gerðu árás á eyjuna Yeonpyeong í gær meðan heræfingar stóðu þar yfir á vegum Suður-Kóreumanna.

Íbúar flúðu í ofboði

Bandaríkin fordæmdu árás Norður-Kóreumanna í gær. Robert Gibbs, blaðafulltrúi Hvíta hússins, skoraði á Norður-Kóreu að láta af árásum og sagði Bandaríkin staðráðin í að verja Suður-Kóreu. Bandaríkin eru með nærri 30 þúsund hermenn í Suður-Kóreu.

Björgunarsveitarmenn fundu hjálm

Björgunarsveitarmenn fundu í kvöld hjálm sem tilheyrði einum af námuverkamönnunum 29 sem saknað hefur verið frá því á föstudag þegar sprenging varð í námu í Nýja Sjálandi.

Bandaríkin íhuga aðgerðir vegna hvalveiða Íslendinga

Bandarísk stjórnvöld íhuga aðgerðir vegna hvalveiða Íslendinga. Gary Locke, viðskiptaráðherra Bandaríkjanna, ýjar að þessu í yfirlýsingu sem sagt er frá á vef bandaríska viðskiptaráðuneytisins.

Mikilvægt að svara með afgerandi hætti

Herir Kóreuríkjanna eru báðir í viðbragðsstöðu fyrir frekari bardaga. Ef til þeirra kemur er óttast að þeir fari fljótlega úr böndunum. Forseti Suður-Kóreu segir mikilvægt að svara með afgerandi hætti.

Sólbrunnir hvalir á Kaliforníuflóa

Vísindamenn hafa komist að þeirri niðurstöðu að hvalir sólbrenni og að það sé vaxandi vandamál. Vísindamenn frá Bretlandi og Mexíkó fylgdust með og gerðu rannsóknir á 156 hvölum á Kaliforníuflóa.

Barnabarn Yoda ?

Í frásögn Fox fréttastofunnar af þessum atburði er ekki getið um hvort stúlkan sem þar kemur við sögu er frá "Vetrarbraut langt, langt í burtu."

Drukknir á flandri með kjarnorkuvopn

Opinberir starfsmenn sem sjá um flutninga á kjarnorkuvopnum innan Bandaríkjanna komu á tveggja ára tímabili sextán sinnum við sögu lögreglunnar vegna áfengisneyslu að sögn orkumálaráðuneytis landsins.

Þrettán ára neydd í hjónaband í Noregi

Tvennir foreldrar og karlmaður á þrítugsaldri eru fyrir rétti í Osló sökuð um að hafa neytt þrettán ára telpu til þess að giftast manninum, sem er frændi hennar. Hann er einnig sakaður um að hafa margnauðgað henni.

Konunglegt brúðkaup í apríl

Vilhjálmur erfðaprins ætlar að kvænast unnustu sinni Kate Middleton þann 29. apríl á næsta ári. Konungsfjölskyldan tilkynnti um þetta í morgun en athöfnin fer fram í Westminster Abbey í London.

Tugir húsa í björtu báli

Tugir húsa stóðu í morgun í björtu báli beggja vegna landamæra Kóreuríkjanna, eftir mikinn stórskotaliðsbardaga. Bæði löndin hafa sett herafla sinn í viðbragðsstöðu.

Stærsti njósnagervihnöttur heimsins á braut um jörðu

Bandaríkjamenn hafa sent stærsta njósnagervihnött sögunnar á braut umhverfis jörðu.

Tala látinna í Phnom Penh komin í 350 manns

Tala látinna, sem létust í troðningi sem varð í fjölmennum hátíðarhöldum í Phnom Penh höfuðborg í Kambódíu í gær, er komin upp í 350 manns. Hundruð til viðbótar eru sárir.

Játuðu ólöglegar landanir á tugþúsundum tonna af markríl

Sex skoskir skipstjórar játuðu fyrir rétti í Edinborg í gær að hafa veitt og landað ólöglega tugum þúsunda tonna af makríl og síld á Hjaltlandseyjum á nokkurra ára tímabili.

Boðar til þingkosninga á Írlandi á næsta ári

Brian Cowen forsætiráðherra Írlands hyggst efna til þingkosninga í landinu á næsta ári. Mikil spenna er nú í írskum stjórnmálum vegna neyðaraðstoðar Evrópusambandsins og Alþjóðagjaldeyrissjóðsins fyrir Írland.

Vonir dvína um að námumennirnir á Nýja Sjálandi séu á lífi

Vonir dvína hratt um að nokkur af þeim 29 námamönnum sem fastir eru í námu í suðurhluta Nýja Sjálands séu enn á lífi.

Skotbardagi hafinn á landamærum Suður og Norður Kóreu

Norður Kóreumenn hófu í morgun stórskotahríð á suður kóreska eyju, skammt undan landamærum ríkjanna. 60 hús á eyjunni standi í björtu báli, einn eyjarskeggi er fallinn og 14 særðir.

Fréttaskýring: Stjörnustríðsáform verði að veruleika

Hvað ætlast leiðtogar NATO fyrir? Rússar hafa sýnt áhuga á þátttöku í eldflaugavarnarkerfi sem leiðtogar aðildarríkja Atlantshafsbandalagsins samþykktu á fundi sínum í Lissabon fyrir helgi að sett verði upp í Evrópu.

Vilja banna nektarskanna

„Ef við megum ekki taka nektarmyndir af fólki, hvers vegna leyfum við þá stjórnvöldum að gera það?“ spurði bandaríski öldungadeildarþingmaðurinn Ron Paul, einn helsti talsmaður þeirra repúblikana sem hvað ákafast vilja draga úr umsvifum ríkisins.

Tæplega 340 manns létust í troðningi

Að minnsta kosti 339 manns létust í troðningi á brú í höfuðborg Kambódíu, Phnom Penh, í dag. Milljónir manna voru á götum borgarinnar að fagna vatnahátíð, sem er árlegur viðburður í borginni.

Litla Hafmeyjan komin heim

Litla Hafmeyjan er komin heim á steininn sinn í Kaupmannahöfn. Undanfarin misseri hefur hún verið í Sjanghæ þar sem hún skreytti danska skálann á heimssýningunni.

Elísabet Fritzl hefur nýtt líf

Elísabet Fritzl sem faðirinn hélt fanginni í kjallarakompu í 24 ár er samámsaman að venjast því að lifa eðlilegu lífi.

Sú fyrrverandi brosir alla leið í bankann

Þegar Nigel Page vann 56 milljónir sterlingspunda fyrr á þessu ári varð hann eðlilega býsna glaður. Þetta gerir vel á ellefta milljarð króna.

Vongóðir um námumenn

Forsætisráðherra Nýja Sjálands segir góðar líkur á því að námumennirnir 29 sem lokuðust niðri í námu sinni á föstudag, séu enn á lífi.