Telur að námumennirnir á Nýja Sjálandi séu á lífi

John Key forsætisráðherra Nýja Sjálands segir að allar líkur séu á að 29 námumenn sem saknað hefur verið frá því á föstudag séu enn á lífi.

Elgir valda þúsundum umferðaróhappa í Svíþjóð

Svíar telja að fjöldi umferðaróhappa þar sem elgir koma við sögu muni fara yfir 6.000 í ár.

Írar óska eftir neyðaraðstoð

Stjórnvöld á Írlandi munu óska eftir neyðaraðstoð vegna efnahagsástands þjóðarinnar.

Um 120 þúsund flýja Írland

Reiknað er með því að um 120 þúsund Írar muni flýja heimaland sitt í ár og freista gæfunnar í öðrum ríkjum, eftir því sem fram kemur í New York Times.

Vilja Vilhjálm prins í konungssætið

Um 64% Breta vilja að Vilhjálmur prins taki við krúnunni eftir að amma hans, Elísabet II, sest í helgan stein. Þetta sýnir ný skoðanakönnun sem gerð var fyrir breska slúðurblaðið News of the World.

Kate er engin óbreytt almúgakona

Vilhjálmur prins og Kate Middleton tilkynntu í liðinni viku að þau hyggðust ganga í hjónaband. Sérfræðingum í bresku kóngalífi þykir merkilegt að Vilhjálmur prins hafi ákveðið að kvænast óbreyttri almúgakonu, eins og þeir orða það.

Páfinn tekur smokka í sátt

Benedikt XVI páfi segir að notkun smokka sé í sumum tilfellum réttlætanleg, einkum ef tilgangurinn er að draga úr líkum á HIV smiti. Þetta kemur fram í nýrri bók um páfan sem norska blaðið Aftenposten vísar til.

Vilja að Afganar gæti eigin öryggis

Leiðtogar ríkja Atlantshafsbandalagsins ræða í dag áætlun sem felur í sér að yfirvöld í Afganistan byrji að taka að sér öryggisgæslu í landinu á næsta ári. Áætlunin felur í sér að Afganistar hafi tekið öryggisgæsluna að fullu yfir árið 2014. Hingað til hafa hersveitir á vegum Atlantshafsbandalagsins gætt öryggis í landinu.

Wesley Snipes hefur afplánun hið fyrsta

Dómari hefur fyrirskipað að Hollywood leikarinn Wesley Snipes skuli gefa sig fram við yfirvöld og hefja afplánun á þriggja ára fangelsisdómi sem hann hlaut fyrir skattalagabrot. Dómari í Flórída hafnaði í gær beiðni lögmanna Snipes um að mál hans yrði tekið fyrir að nýju. Árið 2008 var Snipes fundinn sekur um að hafa sleppt því að skila inn skattaskýrslum á árunum 1999-2001.

Um 39% telja hjónabandið úrelta stofnun

Alls telja 39 prósent Bandaríkjamanna að hjónabandið sé úrelt stofnun. Um 28 prósent voru sömu skoðunar fyrir 30 árum.

Stokka upp í landbúnaði

Framkvæmdastjórn Evrópusambandsins kynnti í vikunni hugmyndir um breytingar á sameiginlegu landbúnaðarstefnunni, sem stefnt er að á næstu árum.

Haítí vantar lækna, lyf og búnað strax

Framkvæmdastjórn Evrópusambandsins hvatti þjóðir álfunnar í gær til að senda Haítí­búum neyðaraðstoð til að auðvelda baráttu gegn kólerufaraldri á eyjunni.

Fundu 31 árs gamalt svarthol

Stjarnvísindamenn telja sig hafa fundið yngsta svarthol sem vitað er um í námunda við vetrar­brautina okkar. Til þess notuðu þeir Chandra-röntgengeimsjónauka NASA. Svartholið varð til þegar stjarna sprakk árið 1979 og er því 31 árs gamalt.

Vilja yfirgefa Afganistan 2014

Miklar væntingar eru bundnar við leiðtogafund Atlants­hafsbandalagsins, NATO, sem hófst í Lissabon í gær, en þar verður meðal annars reynt að ná samstöðu um að draga herlið út úr Afganistan fyrir árið 2014.

Björgun gæti tekið marga daga

Vonir eru bundnar við að 27 námumenn sem saknað er eftir gríðarlega sprengingu í kolanámu á Nýja Sjálandi í nótt séu á lífi. Marga daga gæti tekið að bjarga mönnunum út.

Flugvél brotlenti

Flugvél sem í voru líffæri sem verið var að flytja til ígræðslu brotlenti á flugvellinum í Birmingham seinnipartinn í dag. Flugvélin var af gerðinni Cessna og á leið með líffæri á Queen Elizabeth sjúkrahúsið í Birmingham þegar slysið varð. Tveir voru um borð í flugvélinni og voru þeir fluttir með flýti á sjúkrahús. Mikil þoka var í grennd við flugvöllinn þegar vélin brotlenti.

Engu munaði að Qantas risaþotan færist

Flugmenn Qantas þotunnar í Singapore fengu yfir sig heila holskeflu af bilunum eftir að sprenging varð í hreyfli hennar fyrr í þessum mánuði.

Yfir þrjátíu námumanna saknað á Nýja Sjálandi

Þrjátíu og þriggja manna er saknað eftir sprengingu í kolanámu á Nýja Sjálandi. Björgunarsveitir eru að þyrpast á vettvang, en ekki er vitað á þessari stundu hvað olli sprengingunni.

Pláneta utan vetrarbrautar

Stjörnufræðingar telja sig hafa fundið í í fyrsta sinn plánetu sem er upprunnin utan Vetrarbrautarinnar. Pláneta þessi er af svipaðri gerð og Júpíter, en nokkuð stærri.

Telur sig geta sigrað Barack Obama

Bandaríkin Sarah Palin, fyrrverandi varaforsetaefni repúblikana í Bandaríkjunum, sagði í viðtali við ABC-stöðina í gær að hún gæti sigrað Barack Obama í forsetakosningunum 2012.

Einn sprakk yfir Singapúr

Útlit er fyrir að skipta þurfi út allt að fjörutíu hreyflum í A380-risaþotunum frá Airbus vegna öryggisástæðna. Hreyflar biluðu fyrir nokkru í tveimur þotum ástralska flugfélagsins Qantas, en í öðru tilvikinu leiddi olíusmit í hreyfli til þess að hann sprakk í flugi yfir Singapúr.

Kate Middleton: Hefði viljað hitta Díönu

Kate Middleton, unnusta Vilhjálms Bretaprins, segir að hún hefði gjarnan viljað hitta Díönu prinsessu sem hafi verið mögnuð fyrirmynd. Líkt og áður hefur komið fram munu Vilhjálmur og Kate ganga í hjónaband á næsta ári.

Hringdi inn sprengjuhótun til að koma í veg fyrir brúðkaup

Móðir í Rússlandi greip til örþrifaráða þegar dóttir hennar var á leið upp í flugvél til þess að hitta tilvonandi eiginmann sinn. Móðirin var greinilega ósátt við ráðahaginn og hringdi hún í flugvallaryfirvöld rétt fyrir flugtak og sagði að dóttirin ætlaði sér að sprengja flugvélina í loft upp. Lögregla brást snöggt við, vélin var stöðvuð á flugbrautinni og dóttirin handtekin af þungvopnuðum víkingasveitarmönnum.

Þriggja ára stelpa föst í sex tíma í djúpum brunni

Mikil gleði ríkir nú í Argentínu eftir að björgunarmönnum tókst að bjarga þriggja ára gamalli stúlku lifandi upp úr þrjátíu metra djúpum brunni sem hún féll ofan í.

Lífstíðarfangelsi fyrir að bana 15 mánaða gömlu barni

Gary Alcock, 28 ára gamall breskur karlmaður, hefur verið dæmdur í lífstíðarfangelsi fyrir að hafa myrt fimmtán mánaða gamla dóttur kærustu sinnar. Árásin er rakin til þess að grátur barnsins truflaði Alcock á meðan að hann var að leika sér í Xbox leikjatölvu.

Palin pælir í forsetaframboði

Sarah Palin, fyrrverandi varaforsetaefni Repúklikana í Bandaríkjunum sagði í viðtali við ABC stöðina í gær að hún gæti sigrað Barack Obama í forsetakosningunum 2012.

Julian Assange eftirlýstur á ný í Svíþjóð

Handtökuskipun hefur á ný verið gefin út á hendur Julian Assange, stofnanda Wikileaks, í Svíþjóð. Saksóknari krafðist þess fyrst í ágúst að Assange yrði handtekinn en sú skipun var afturkölluð daginn eftir. Nú segir Marianne Ny, saksóknari, við sænska ríkisútvarpið að handtökuskipunin hafi verið endurútgefin. Assange er sakaður um nauðgun í Enköping og kynferðisbrot í þremur tilvikum í Stokkhólmi.

Sýknaður af 285 ákæruatriðum - eitt leiddi til sakfellingar

Fyrsti Guantanamo fanginn sem dreginn hefur verið fyrir rétt á bandarískri grundu var sýknaður í meginatriðum í gær. Tanzaníumaðurinn Ahmend Ghailani, 36 ára, var sýknaður af 285 ákæruatriðum en fundinn sekur í einu, um að leggja á ráðin um sprengjuárásir á bandarískar eignir. Ghailani var ákærður fyrir aðild að árásunum á sendiráð bandaríkjanna í Kenýa og Tanzaníu árið 1998 þar sem 224 létust.

Fuglaflensan lætur á sér kræla á ný

Fuglaflensan illræmda virðist vera farin að láta á sér kræla á ný en kona í Hong Kong liggur nú þungt haldin á sjúkrahúsi í borginni. Þar hafa fuglaflensutilfelli ekki komið upp frá árinu 2003.

Kosningabarátta í kólerufaraldri

Jarðskjálftinn á Haíti í janúar kostaði um 300 þúsund manns lífið. Uppbygging hefur gengið mjög hægt, þrátt fyrir loforð helstu ríkja heims um öfluga aðstoð, og nú bætist kólerufaraldur ofan á allt saman.

Er grunaður um fleiri ódæði

Hálffimmtugur maður er nú í gæsluvarðhaldi í Danmörku, grunaður um að minnsta kosti tvær nauðganir og eitt morð á tuttugu ára tímabili. Hann gæti tengst enn fleiri málum en síðustu daga hafa fjölmargar konur stigið fram og tilkynnt nauðganir á síðustu árum sem aldrei komu til kasta lögreglu.

Borinn undir þing og dómara

Margt bendir til að stjórnmálaferill Silvio Berlusconi sé á síðasta snúningi, þótt hann hafi hingað til staðið af sér alla erfiðleika.

Stjörnuparið Longoria og Parker skilja

Leikkonan Eva Longoria hefur farið fram á skilnað frá eiginmanni sínum til þriggja ára, Tony Parker. Þetta kemur fram á CNN.com.

Táningsstúlka sett upp í bíl

Foreldrar í tveim frönskum fjölskyldum eru fyrir rétti vegna dóttur á táningsaldri sem var notuð sem gjaldmiðill í bílakaupum. Dótturinni var misþyrmt og nauðgað í þrjú ár áður en upp komst um viðskiptin.

Farþegar neituðu að yfirgefa flugvél Ryanair

Yfir 100 farþegar með flugvél Ryanair frá Marokkó til Parísar urðu svo reiðir þegar vélin lenti í Belgíu í staðinn, að þeir neituðu að fara frá borði.

Kate fékk trúlofunarhring Díönu

Vilhjálmur prins hefur upplýst að hann hafi gefið Kate Middleton trúlofunarhring móður sinnar þegar hann bað hennar fyrr á þessu ári.

Líf evrusvæðisins sagt í húfi

Herman Van Rompuy, forseti leiðtogaráðs Evrópusambandsins, var ómyrkur í máli við upphaf fundar evru­ríkjanna í Brussel í gær, þar sem fjárhagsvandi Írlands var til umræðu.

Írar neita að biðja Evrópusambandið um aðstoð

Fimmtán evruríkjum Evrópusambandisns hefur enn ekki tekist að telja Íra á að biðja um aðstoð úr neyðarsjóði sambandsins. Írar segjast eiga nóg fé til næstu sjö mánaða og neita að biðja um aðstoð.

Múrsteinshús hrundi niður

Að minnsta kosti 66 manns létu lífið og 73 særðust þegar fátæklegt múrsteinshús hrundi í þéttbyggðu hverfi í Nýju-Delí á Indlandi á mánudagskvöld, um það leyti sem fólk var að huga að kvöldmat.

Brúðkaup haldið á næsta ári

Bretar fylgdust spenntir með þegar Vilhjálmur Bretaprins og Kate Middleton, unnusta hans til margra ára, skýrðu frá trúlofun sinni í gær. Tíðindin kættu þjóðina og foreldrar unnustunnar, þau Carole og Michael, sögðust ákaflega ánægð með að fá prinsinn í fjölskylduna.

Þverbraut siðareglur þingsins

Bandaríski fulltrúadeildarþingmaðurinn Charles Rangel hefur gerst brotlegur í ellefu atriðum við siðareglur þingsins, meðal annars með því að nota bréfsefni þingsins og starfslið til að afla fjár til skóla sem nefndur er eftir honum.

Framseldur til Bandaríkjanna

Rússneskur vopna­sali, Viktor Bout, var í gær framseldur til Bandaríkjanna frá Taílandi, þar sem hann var handtekinn fyrir tveimur árum.

Vilhjálmur bað Kate í Kenía

Kate Middlestone sagði í viðtali við breska fjölmiðla í kvöld að það hún hafi verið feimin við Vilhjálm prins fyrst þegar hún hitti hann fyrir átta árum. Parið tilkynnti trúlofun sína í dag og er áætlað að brúðkaupið verði haldið næsta vor eða sumar.

Ryk frá smástirni komið til jarðar

Japanskir vísindamenn hafa staðfest að sýnishorn af geimryki sem Hayabusha geimfarið tók með sér til jarðar sé frá smástirninu Itokawa.

Vilhjálmur prins og Kate Middleton giftast

Breska hirðin hefur tilkynnt að Vilhjálmur prins muni ganga að eiga kærustu sína Kate Middleton á næsta ári. Í fréttum segir að prinsinn hafi beðið föður hennar um leyfi áður en hann bað um hönd hennar.