Tvö hundruð þúsund heimilislaus á Kúbu eftir tvo fellibylji

Tvö hundruð þúsund manns hið minnsta eru heimilislausir á Kúbu eftir yfirreið fellibyljanna Gústafs og Ikes á síðustu vikum. Stjórnvöld þar í landi segja tjónið í byljunum tveimur það mesta í sögu landsins.

Eitt af hverjum tólf foreldrum í Danmörku beitir börn ofbeldi

Eitt af hverjum tólf foreldrum í Danmörku beitir börn sín líkamlegum refsingum samkvæmt nýrri rannsókn sem fyrirtækið Ramböll hefur gert fyrir Jótlandspóstinn. Fram kemur á heimasíðu dagblaðsins að könnunin hafi náð til alls landsins og sýnir hún enn fremur tengsl á milli tekja og menntunar annars vegar og líkamlegrar refsingar hins vegar.

Dálítið svakaleg mistök

Danska sjónvarpsstöðin TV2 nældi sér líklega í gær í mestu mistök sem gerð verða í sjónvarpsútsendingum þar í landi á þessu ári.

Fundu maurategund sem lifað hefur á jörðinni í 120 milljón ár

Þýskir líffræðingar hafa fundið nýja tegund af maurum sem taldir eru hafa lifað á jörðinni í 120 milljónir ára. Eru maurarnir því elsta núlifandi tegund dýra sem vitað er um.

Í basli með að loka fangelsinu á Kúbu

Bandaríkjamenn eiga í mesta basli með að senda fanga sína í Guantamo fangelsinu á Kúbu til heimalanda sinna.

Sakleysingjar stráfelldir í Afganistan

Nær fimmtánhundruð óbreyttir borgarar hafa verið drepnir í Afganistan það sem af er þessu ári, að sögn Mannréttindaskrifstofu Sameinuðu þjóðanna.

Rússar herða vígbúnað

Útgjöld Rússlands til varnarmála verða aukin um 27 prósent á næsta ári, að sögn Vladimirs Putins, forsætisráðherra.

Börn með nýrnasteina hrúgast inn á sjúkrahús í Kína

Yfir 1200 kínversk kornabörn hafa verið greind með nýrnasteina sem raktir eru til þurrmjólkur.

Scheffer fullvisaði Georgíumenn um stuðning NATO

Framkvæmdastjóri Atlantshafsbandalagsins, Jaap de Hoop Scheffer, fullvissaði Georgíumenn í dag um stuðning bandalagsins við Georgíu en gaf engin loforð um hvort eða hvenær landið gæti gengið í NATO.

Samsteypustjórn í Úkraínu fallin

Samsteypustjórn flokkanna sem gerðu appelsínugulu byltinguna í Úkraínu fyrir fjórum árum er fallin.

Bilað viðvörunarkerfi átti þátt í flugslysinu í Madrid

Bilun í viðvörunarkerfi í stjórnklefa átti þátt í því að þota frá Spanair flugfélaginu fórst í flugtaki í Madrid í síðasta mánuði, að sögn spænska blaðsins El Pais.

Frakkar réðust á sjóræningja

Víkingasveit úr franska hernum réðst í dag um borð í franska seglskútu sem sómalskir sjóræningjar rændu í síðustu viku. Einn sjóræningjanna var skotinn til bana og sex handteknir.

Sex innflytjendur handteknir í tengslum við skotárásir í Danmörku

Sex ungir innflytjendur eru nú í haldi dönsku lögreglunnar vegna gruns um að hafa staðið að skotárásum á dvalarstaði félaga í Hells Angels vélhjólasamtökunum.

Nýr hershöfðingi tekur við Bandaríkjaher í Írak

Hershöfðingaskipti urðu hjá bandaríska hernum í Írak í dag þegar Ray Odierno tók við af David Petreus sem stjórnað hefur hernum undanfarin misseri og tekur nú við sem yfirmaður herja Bandaríkjanna í Miðausturlöndum.

Með leyfi fyrir tveimur rifflum en lá á vopnabúri

Tæplega fertugur Dani á Suður-Jótlandi gekk af göflunum á vinnustað sínum í gær og hótaði að skjóta samstarfskonu til bana áður en hann rauk heim.

Handtökuskipun á hendur fyrrum Taílandsráðherra

Hæstiréttur Taílands hefur gefið út handtökuskipun á hendur Thaksin Shinawatra, fyrrverandi forsætisráðherra landsins, en hann flúði til Bretlands rétt fyrir miðjan ágúst.

Hreinsað til í Galveston

Hreinsunarstarf er nú að hefjast í Galveston í Texas eftir að fellibylurinn Ike geisaði þar um helgina. Enn er borgin að mestu án rafmagns og í gær var aðeins ein verslun opin þar og vöruúrvalið frekar takmarkað.

Hitler snýr aftur

Adolf Hitler hefur snúið á ný til Berlínar eftir að hafa verið gerður höfðinu styttri þar í vor. Vaxmyndasafnið Madam Tussaud hefur komið styttu af nasistaleiðtoganum fyrir í sýningarsal sínum á nýjan leik eftir að rúmlega fertugur sýningargestur fjarlægði höfuð hennar

Danska lögreglan biðst undan skýrsluumfjöllun

Lögregluyfirvöld í Danmörku hafa fengið sig fullsödd á opinberri umræðu um nýlega skýrslu sem ríkislögreglustjóraembættið þarlenda gaf út og fjallar um stöðu lögreglumála í landinu.

Obama vill lagabreytingar á Wall Street

Barack Obama sagði kvöld að gera þurfi breytingar á regluverkinu á Wall Street til þess að auka aftur trúna á fjármálmörkuðum.

Óheilsusamlegt og hættulegt í Galveston

Íbúum sem flúðu borgina Galveston í Texas hefur verið ráðið frá því að snúa þangað í bráð þar sem að engu sé að hverfa vegna mikillar eyðileggingar eftir yfirreið fellibyljarins Ike.

Til Íslands strákar

Það er aftur orðið líflegt á Engels herflugvellinum sem er um 700 kílómetra suðaustur af Moskvu. Hann lagðist í dvala eftir fall Sovétríkjanna.

Skotið á húðflúrstofu í Kaupmannahöfn

Karlmaður var fluttur á sjúkrahús eftir að skotið af var á húðflúrstofu á Nörrebro í Kaupmannahöfn í dag.

Danir vilja sekta foreldra fyrir skemmdarverk barna

Ungdómsnefnd danska dómsmálaráðuneytisins hefur lagt til að foreldrar verði sektaðir fyrir tjón sem börn þeirra undir 18 ára aldri valda.

Felldu fornar súlur

Stjórnvöld í Tyrklandi hafa stöðvað uppgröft alþjóðlegrar sveitar fornleifafræðinga í hinni forngrísku borg Knidos í suðvesturhluta landsins.

Obama kennir Bush-stjórninni um kreppuna

Barack Obama, forsetaframbjóðandi demókrata, kennir Bush Bandaríkjaforseta um þær ógöngur sem bandarískt efnahagslíf er komið í.

Óttast borgarastyrjöld í Bólivíu

Forsetar Suður-Ameríkuríkja streyma nú til neyðarfundar í Chile til þess að reyna að koma í veg fyrir að borgarastyrjöld brjótist út í Bólivíu.

Bandaríkjamenn draga úr kortanotkun

Bandaríkjamenn finna ekki minni fyrir kreppunni en aðrir, enda hófst hún í þeirra heimalandi. Til þess að ná tökum á fjármálum sínum er fólk í auknum mæli farið að staðgreiða það sem það kaupir.

Rússneski flugmaðurinn hagaði sér undarlega

Flugumferðarstjóri í rússnesku borginni Perm í Úralfjöllum segir að flugstjóri vélarinnar sem fórst þar um helgina hafi hagað sér undarlega.

Danir íhuga að skjóta alla svarta svani

Danir íhuga nú að skjóta svarta svani sem þar koma í æ stærri flokkum, til þess að vernda sinn hvíta svanastofn.

Sjö tonn af kókaíni í hálfkafbáti

Sjö tonn af kókaíni með ætlað götuverðmæti sem svarar um 765 milljónum króna voru gerð upptæk af bandarísku strandgæslunni um helgina í því sem einn þátttakendanna kallaði „hættulegustu aðgerðina á ferli mínum“.

Írak þarf ekki meiri efnahagsaðstoð

Talsmaður íraskra stjórnvalda segir að landið þurfi ekki frekari efnahagsaðstoð frá Bandaríkjunum.

Enska kirkjan segir „sorry“ við Darwin

Enska biskupakirkjan ætlar að biðja Charles Darwin afsökunar á því að hafa hafnað þróunarkenningu hans fyrir nær 150 árum.

Íran fjölgar kjarnorkuskilvindum

Íranir hafa fjölgað skilvindum sem þeir nota til þess að auðga úran um rúmlega 500 síðan í maí.

Flett ofan af rangfærslum um ferðir Palin

Sarah Palin heimsótti aldrei bandaríska hermenn í Írak eins og einn aðstoðarmanna hennar í Alasaka lét í veðri vaka við fjölmiðla. The Boston Globe greindi frá því á laugardag, eftir að hafa rætt við aðra aðstoðarmenn hennar og yfirmenn í þjóðavarðaliði Alaska, að Palin hefði farið til Kuwait en aldrei farið lengra en að landamærum Íraks.

Ike sópaði burt heilu íbúahverfunum

Milljónir manna eru enn án rafmagns í Texas eftir fellibylinn Ike, og verða það að líkindum næstu vikurnar.

Samið um valdaskiptingu í Zimbabwe

Samningur um valdaskiptingu var undirritaður í Zimbabwe í dag. Robert Mugabe verður áfram forseti en Morgan Tswangirai leiðtogi stjórnarandstöðunnar verður forsætisráðherra.

ESB styrkir uppbyggingu í Georgíu eftir átök

Framkvæmdastjórn Evrópusambandsins mun stykja Georgíumenn um 500 milljónir evra, jafnvirði nærri 65 milljarða króna, fyrir árið 2010 vegna átakanna við Rússa í síðasta mánuði.

Tveir særðir eftir skotbardaga í Kaupmannahöfn

Tveir menn eru slasaðir eftir skotbardaga í Rantzaugade í Kaupmannahöfn í gærkvöldi.

Vilja takmarka aðgang að klámi í flugvélum

Notkun farþega American Airlines á klámefni er farin að fara verulega fyrir brjóstið á flugliðum og hafa samtök þeirra nú beðið flugfélagið að takmarka klámaðgang í flugi.

Ferjuslys í Marmarahafi

Einn er látinn eftir ferjuslys í Marmarahafi seint í gærkvöldi. Ferjan flutti um 100 bíla og 150 farþega þegar hún valt á hliðina og sökk í sjónfæri við höfnina í Bandirma í Tyrklandi þaðan sem hún lagði í haf.

Rændu strætóbílstjóra í Ringsted

Sjö hettuklæddir unglingar rændu strætisvagnabílstjóra í Ringsted í Danmörku í gærkvöldi.

Rannsaka SMS-skeyti vegna lestarslyss

Yfirvöld í Los Angeles rannsaka nú hvort SMS-skilaboð sem fóru milli tveggja unglinga og stjórnanda farþegalestar hafi átt einhvern þátt í lestarslysinu á föstudag þegar farþegalestin ók beint framan á flutningalest sem kom úr gagnstæðri átt.

Tróðust undir þegar fé var dreift til fátækra

Að minnsta kosti 21 tróðst til bana þegar fé var dreift til fátækra í bæ í Austur-Indónesíu í gær.

Fimm ára fangelsi fyrir hommabrandara um páfann?

Ítalskur grínisti gæti átt yfir höfði sér fimm ára fangelsi takist saksóknara þar í landi að fá hann sakfelldan fyrir að atast í páfanum.