Grass sagður hafa farið í kringum dönsk lög

Svo virðist sem rithöfundurinn Güther Grass, fyrrverandi bókmenntaverðlaunahafi Nóbels, hafi fengið sérmeðferð hjá dönskum yfirvöldum því hann hefur fengið að leigja sumarhús í Danmörku í aldarfjórðung þrátt fyrir að bannað sé að selja útlendingum sumarhús í Danmörku. Formaður Félags fasteignasala í Danmörku segir að svo langur leigusamningur jafngildi kaupum á húsinu.

Hillary og Obama keppa um útnefningu 2008

Gott gengi demókrata í skoðanakönnunum fyrir þingkosningarnar hefur beint sjónum manna að baráttunni um Hvíta húsið eftir tvö ár. Tveir mögulegir frambjóðendur demókrata vekja mesta athygli enn sem komið er og myndi kosning hvors þeirra verða söguleg því annar er kona en hinn blökkumaður. Margir telja kjósendur reiðubúna til breytinga þegar átta ára stjórnartíð repúblikanans George W. Bush lýkur.

Vilja kalla hermenn heim frá Írak innan árs

Breski herinn gerir sér vonir um að geta kallað hermenn sína heim frá Írak innan árs. Reuters-fréttastofan hefur þetta eftir ónafngreindum talsmanni í varnarmálaráðuneyti Bandaríkjanna. Hann segir bresk hermálayfirvöld vilji leggja áherslu á ástandið í Afganistan og því verði hermenn sendir þangað.

Ekki gripið til óhóflegrar valdbeitingar segir lögreglustjóri

Peter Gergenyi, lögreglustjóri í Búdapest, höfuðborg Ungverjalands, segir lögreglumenn ekki hafa gripið til óhóflegrar valdbeitingar til að hafa hemil á mótmælendum í borginni í gær. Hann segir að lögreglumenn hafi þurft að grípa til aðgerða en þeir hafi í alla staði farið að lögum. Lögreglumenn skutu gúmmíkúlum og beittu táragasi og vatnssprautum gegn mótmælendum í gærkvöldi. Fólkið hafði safnast saman til að lýsa andúð sinni á ríkisstjórninni, daginn sem Ungverjar minntust 50 ára afmælis skammlífrar uppreisnar gegn Sovétríkjunum.

Olmert sagður hafa þegið mútur

Dómsmálaráðherra Ísraels rannsakar nú ásakanir þess efnis að Ehud Olmert, forsætisráðherra landsins, hafi þegið mútur sem starfandi fjármálaráðherra í fyrra.

Hótaði þjálfara sonar síns

Fertugur Bandaríkjamaður hefur verið ákærður fyrir að hafa ráðist, vopnaður byssu, á ruðningsþjálfara sonar síns í Philadelphiu. Honum þótti sonur sinn ekki fá að spila nægilega mikið með í leik 6 og 7 ára drengja á sunnudaginn síðasta.

Chavez sagður hafa gefið sæti í Öryggisráði SÞ upp á bátinn

Stjórnvöld í Venesúela hafa gefið sæti í Öryggisráði Sameinuðu þjóðanna upp á bátinn og tilnefna Bólívíu í sæti sem ríki rómönsku Ameríku hafa tilkall til 2 ár í senn. Evo Morales, forseti Bólivíu, greindi frá þessu í kvöld.

Frakkar sagðir hafa stutt þjóðarmorð í Rúanda

Frakkar tóku virkan þátt í fjöldamorðunum í Rúanda árið 1994, að sögn fyrrverandi sendifulltrúa frá Rúanda sem bar vitni fyrir dómstól í heimalandinu. Yfirvöld í Rúanda ákveða síðan í framhaldinu hvort einhverjir verði kærðir til Alþjóðlega glæpadómstólsins vegna ódæðanna. 800 þúsund Tútsar og hófsamir Hútúar voru myrtir á 100 dögum í Rúanda fyrir 12 árum.

Morenatti látinn laus

Palestínskir byssumenn hafa látið spænska ljósmyndarann Emilio Morenatti lausann úr gíslingu. Morenatti, sem vinnur fyrir Associated Press, var rænt á Gaza-svæðinu í dag og haldið í gíslingu í tæpar 13 klukkustundir. Það var þrýstingur frá ráðamönnum Palestínumanna sem tryggi lausn hins 37 ára gamla Morenattis.

Lestarvagn fór af sporinu í Lundúnum

Aftasti vagn á lest, sem var að koma að Waterloo lestarstöðinni í Lundúnum, fór af sporinu á mesta annatíma síðdegis í dag. Engan sakaði. Tafir urðu á lestarferðum á meðan fulltrúar lögreglu og samgönguyfirvalda rannsókuðu vettvanginn til að greina orsök óhappsins.

Stutt í að ljósmyndari AP verði látinn laus

Útlit er fyrir því að ljósmyndari Associated Press, sem rænt var á Gaza-svæðinu í dag, verði látinn laus innan stundar. Reuters-fréttastofan hefur þetta eftir háttsettum palestínskum fulltrúa.

Árangur af hernámi Íraks innan seilingar

Bandarísk stjórnvöld segjast fullviss um að árangur af hernámi Íraks sé innan seilingar og að Írakar muni sjálfir geta séð um að halda uppi lögum og reglu í landinu innan nokkurra mánaða. Stór hluti bandarískra kjósenda segir að árangur í Írak ráði mestu um hverjum þeir greiði atkvæði sitt í þingkosningunum í næsta mánuði.

Hvert atkvæði dýrt

Búist er við að kostnaður frambjóðenda vegna þátttöku í þingkosningunum í Bandaríkjunum í næsta mánuði slái öllum met og verði samanlagt jafnvirði tæpra 180 milljarðar íslenskra króna. Þetta er niðurstaða útreikninga samtaka sem fylgjast með stjórnmálum í Bandaríkjunum, þ.e. Center for Responsive Politics. Þau eru ekki tengd stjórnmálaflokkum.

Madonna í vondum málum

Bandaríska söngkonan Madonna sætir nú gagnrýni eftir að hafa ættleitt lítinn dreng frá Malaví. Faðir hans segist ekki hafa áttað sig á þýðingu ættleiðingarskjala sem hann skrifaði undir og mannréttindasamtök átelja að umsókn söngkonunnar var flýtt í gegnum kerfið.

Hastert ber vitni fyrir þingnefnd

Dennis Hastert, forseti fulltrúadeildar Bandaríkjaþings, bar í dag vitni fyrir siðanefnd þingsins þar sem eiga sæti þingmenn bæði Demókrata og Repúblíkana. Nefndin hefur til umfjöllunar kynlífshneyksli sem hefur haft áhrif á fylgi Repúblíkanaflokksins í aðdraganda þingkosninga í Bandaríkjunum í næsta mánuði.

Bretar sagðir hafa látið undan kröfum lýðskrumara

Calin Popescu Tariceanu, forsætisráðherra Rúmeníu, segir bresk stjórnvöld hafa látið undan kröfum lýðskrumara með ákvörðun sinni um að takmarka rétt Búlgara og Rúmena til vinnu í Bretlandi. Löndin tvö ganga inn í Evrópusambandið í janúar á næsta ári.

Chavez með 35% forskot

Hugo Chavez, forseti Venesúela, hefur 35% forskot á helsta andstæðing sinn fyrir forsetakosningar þar í landi 3. desember nk. Þetta er niðurstaða nýrrar skoðanakönnunar. Það var Háskólinn í Miami í Bandaríkjunum sem framkvæmdi könnunina fyrir alþjóðlega skoðanakönnunarfyrirtækið Zogby. Samkvæmt henni hefur Chavez stuðning 59% íbúa í Venesúela.

Barist gegn fordómum í Þýskalandi

Óttast er árásir nýnasista í Þýskalandi í ár verði mun fleiri en hefur mælst á hverju ári frá því Seinni heimsstyrjöldinni lauk. Þetta er niðurstaða samtaka í Þýskalandi sem berjast gegn kynþáttafordómum þar í landi. Niðurstaða samtakanna er sú að árásir hafa verið margar í júní og júlí þegar heimsmeistaramótið í knattspyrnu fór fram í Þýskalandi.

Takmarka rétt Búlgara og Rúmena til vinnu í Bretlandi

Bresk stjórnvöld hafa ákveðið að takmarka rétt Búlgara og Rúmena til vinnu í Bretlandi þegar löndin tvö ganga í Evrópusambandið um næstu áramót.

Áfengi aðeins afgreitt gegn fingraförum

Þeir sem fara á bari eða skemmtistaði gætu brátt þurft að láta taka af sér fingraför á barnum í hvert skipti sem þeir kaupa sér áfengan drykk. Enska dagblaðið Metro segir frá þessu á heimasíðu sinni.

Hyggjast stefna hollensku fyrirtæki vegna losunar eiturefna

Um eitt þúsund fórnarlömb eitraðs úrgangs sem losaður var við Abidjan, höfuðborg Fílabeinsstrandarinnar, í ágúst hyggjast höfða skaðabótamál á hendur fyrirtækinu sem ber á ábyrgð á losuninni.

Mótmæli í Kasmír

Indverska lögreglan í Kasmír þurfti að beita valdi til þess að dreifa úr hópi 700 mótmælenda.

Íraskar öryggissveitir ættu að geta tekið við öryggismálum að fullu eftir 12 - 18 mánuði

Á fréttamannafundi í Írak fyrr í dag með sendiherra Bandaríkjanna í Írak og íröskum ráðamönnum kom fram að þeir hafi sæst á áætlun til þess að draga úr ofbeldi í Írak samkvæmt fyrirfram ákveðnum tímaramma.

Rannsaka skattframtal Bretaprins

Karl Bretaprins mun sæta skattrannsókn þingmannanefndar, eftir því sem Sky fréttastofan greinir frá. Nefndin rannsakar vangoldna viðskiptaskatta Hertogadæmisins af Cornwall, sem er megintekjulind Karls. Hann borgar fullan tekjuskatt af tekjum sínum Hertogadæminu.

Jan Egeland hugsanlega að hætta hjá neyðarhjálp Sameinuðu þjóðanna

Norska dagblaðið Aftenposten segir frá því á vefsíðu sinni að Jan Egeland hafi gefið í skyn að hann muni hætta í starfi sínu sem formaður neyðarhjálpar Sameinuðu þjóðanna.

Spænskum ljósmyndara rænt á Gasaströndinni

Spænskum ljósmyndara sem starfar fyrir AP-fréttastofuna var rænt á Gasaströndinni í morgun. Maðurinn var leið út úr íbúð sinni í Gasaborg þegar byssumenn á hvítum bíl óku upp að honum og þröngvuðu honum inn í bíl sinn.

Þrýstingur á Blair eykst vegna veru breska hersins í Írak

Breska dagblaðið Guardian skýrir frá því á vefsíðu sinni í dag að breskur almenningur vilji kalla herlið sitt frá Írak.

Íslenskir fjölmiðlar njóta einna mests frelsis

Ísland er í fyrsta til fjórða sæti á nýjum lista samtakanna Blaðamenn án landamæra (Reporters sans frontières) yfir þau lönd þar sem fjölmiðlar njóta mests frelsis. Með Íslandi á toppnum eru Finnland, Írland og Holland. Samtökin segja lítið breytast í þeim löndum sem verst búi að blaðamönnum.

Reyndi að sprengja rörsprengjur fyrir utan bandaríska sendiráðið

Venesúelamaður var handtekinn þegar hann reyndi að sprengja heimagerðar rörsprengjur fyirr utan bandaríska sendiráðið í Caracas í dag. Engan sakaði og götunni sem sendiráðið stendur við var lokað þar til sprengjusérfræðingar höfðu fargað sprengjunum.

Matarskortur í Norður-Kóreu

Matarskortur í Norður-Kóreu er mikill og hefur aukist eftir að stjórnvöldi í Pyongyang sprengdu kjarnorkusprengju í tilraunaskyni og helstu ríki og alþjóðasamtök drógu stuðning sinn til baka. Þetta segir Vitit Muntarbhorn, fulltrúi Sameinuðu þjóðanna sem fylgist með ástandi mannréttindamála í Norður-Kóreu. Fram kemur á fréttavef breska ríkisútvarpsins, BBC, að íbúum í Norður-Kóreu skorti mat og til að bæta gráu ofan á svart hafi mikil flóð eyðilagt uppskeru í landinu.

Stálu frá Coke og reyndu að selja Pepsi

Tveir menn, sem sakaðir eru um að hafa ætlað að stela viðskiptaleyndarmálum frá Coca-Cola og selja þau til PepsiCo játuðu sekt sína fyrir dómi í Bandaríkjunum í dag.

I-Pod spilarinn 5 ára

Fimm áru eru frá því fyrsti iPod spilarinn kom á markað. Með honum er hægt að hlaða niður tónlist af tölvu. Þá má nú sjá á annarri hverri manneskju hvort sem er út á götu, í almenningsfarartækjum eða við vinnu. Apple tölvufyrirtækið framleiðir þessa græju og hefur hún náð mikilli útbreiðslu á ekki lengri tíma.

Minnislaus maður finnur ættingja sína

Karlmaður sem þjáist að minnisleysi hefur loks fundið fjölskyldu sína eftir að hafa verið týndur og tröllum gefinn í mánuð. Fjölskyldan bar kennsl á manninn eftir að hann óskaði eftir hjálp í sjónvarpsútsendingu. Maðurinn gekk undir nafninu "Al". Nú er komið í ljós að hann heitir Jeff Ingram.

Maður handtekinn eftir áhlaup á rútu

Lögregla í New York borg í Bandaríkjunum hefur handtekið 28 ára gamlan mann sem hélt því fram að hann væri með sprengju bundna um sig miðjan þegar rúta sem hann var á ferð með lagði á rútustöð á miðri Manhattan síðdegis í dag. Maðurinn er sagður andlega vanheill. Rútustöðin, sem er sú stærsta í borginni og þjónar 200 þúsund farþegum á dag, var rýmd að hluta vegna málsins.

OPEC-ríkin ekki samstíga

Heimsmarkaðsverð á olíu lækkaði snarlega í dag vegna efasemda um að þau fleiri ríki, sem eigi aðild að OPEC, Samtökum olíuframleiðsluríkja, fylgi fordæmi Sádí Araba og draga úr framleiðslu líkt og fulltrúar ríkja innan samtakanna sömdu um í síðustu viku. Vestanhafs lækkaði verð á hráolíu um 51 sent og er nú rúmir 58 bandaríkjadalir á tunnu. Í Lundúnum lækkaði verð um 48 sent og er nú rúmir 59 bandríkjadalir.

Sagður andlega vanheill

Maðurinn sem gekk um borð í rútu í New York í dag og sagðist hafa bundið sprengju um sig miðjan er andlega vanheill að sögn lögreglu í borginni. Búið er að rýma um helming stærstu rútumiðstöðvar í borginni af ótta við hryðjuverk. Rútumiðstöðin er staðsett á miðri Manhattan og þjónar 200 þúsund farþegum á dag.

Fregnir af áhlaupi á sjónvarpsstöð í Írak

Bandarískar hersveitir gerðu í dag húsleit í höfuðstöðvum Al-Furat, sjónvarpsstöðvar sem tengd er Æðsta ráðs íslömsku byltingarinnar í Írak (SCIRI), stærsta stjórnmálaflokki sjía-múslima í Írak. Flokkurinn á sæti í ríkisstjórn Nuris al-Malikis, forsætisráðherra landsins. Reuters-fréttastofan greinir frá þessu og hefur eftir vitnum á vettvangi og starfsmönnum sjónvarpsstöðvarinnar.

Bongo býður sig aftur fram

Omar Bongu, sem hefur setið á forsetastól í Afríkuríkinu Gabon í nærri 4 áratugi, ætlar að bjóða sig aftur fram til embættisins árið 2012 þegar næst verður kosið. Enginn þjóðarleiðtogi í Afríku hefur lengur gengt embætti forseta. Bongo, sem er 70 ára, var endurkjörinn í nóvember í fyrra og verður hann 76 ára næst þegar Gabonar ganga að kjörborðinu og velja sér forseta.

Sprengjuhótun í rútu

Lögregla í New York borg í Bandaríkjunum rýmdi stærstu rútustöð í borginn í dag eftir að maður, sem var staddur í rútu, sagðist hafa bundið sprengju um sig miðjan.

Lögreglan lúskraði á mótmælendum

Lögreglan í Búdapest í Ungverjalandi beitti táragasi gegn mótmælendum sem safnast höfðu saman við þinghús landsins til að minnast þess að hálf öld er í dag liðin frá því að uppreisn hófst gegn leppstjórn Sovétmanna í landinu.

Mótmælaskeytin streyma inn

Hátt í níutíu þúsund mótmælaskeyti hafa verið send af heimasíðu Greenpeace-samtakanna til utanríkisráðuneytisins vegna hvalveiða Íslendinga.

Svíakonungur hitti Bandaríkjaforseta

Karl Gústa XVI. Svíakonungur og Sílvía, drottning Svíþjóðar, hittu George Bush, Bandaríkjaforseta, og konu hans, Lauru, í Hvíta húsinu í Washington í dag. Fulltrúi Hvíta hússins segir þetta tækifæri til að styrkja vinasamband Bandaríkjanna og Svíþjóðar sem eigi sér langa, sameiginlega sögu og standi vörð um lýðræði, mannréttindi og frelsi.

Boraði niður á sprengju

Borgarstarfsmaður í Aschaffenburg í Þýskalandi lét lífið þegar hann var að brjóta upp steinsteypu á hraðbrautinni milli Würzburg og Frankfurt. Stórvirk vinnuvél sem maðurinn var að vinna með sprakk þegar hún kom niður á sprengju úr Síðari heimsstyrjöldinni sem lá ósprungin undir steinsteypunni. Sprengjan sprakk þegar með fyrrgreindum afleiðingum. Vinnuvélin gjöreyðilagðist.

Skólarúta valt á Spáni

10 börn slösuðust, þar af 2 alvarlega, þegar skólarúta valt í Zaragoza-héraði á norðaustur Spáni í dag. 50 börn voru um borð í rútunni þegar slysið varð. Rútan valt á aðrein á akbraut nærri bænum Villamayor.

18 manna áhöfn saknað

18 manna áhöfn rússnesks flutningaskips sökk undan norð-austur strönd Suður-Kóreu í dag. Verið var að flytja timbur frá Austur-Rússlandi til Kína.