Séra Sigurður segist ekki hafa brotið af sér

"Ég hafna því alfarið að störf mín þar hafi orkað tvímælis. Því fagna ég því ef gerð verður úttekt á rekstri hjúkrunarheimilisins. Hún mun væntanlega leiða í ljós hvort eitthvað hafi verið athugavert við störf mín sem framkvæmdastjóri eða við störf stjórnar heimilisins á þessum tíma," segir séra Sigurður Helgi Guðmundsson, fyrrverandi stjórnarformaður Hjúkrunarheimilisins Eirar. Hann sendi frá sér yfirlýsingu í dag.

ASÍ ætlar í mál við ríkið

Alþýðusamband Íslands ætlar að höfða mál gegn íslenska ríkinu vegna skattlagningar á lífeyrisréttindi launafólks á almennum vinnumarkaði. ASÍ segir að þessi skattlagning brjóti gróflega gegn jafnræðisreglu stjórnarskrárinnar og því sé óhjákvæmilegt annað en að miðstjórn ASÍ láti reyna á lögmæti hennar fyrir dómstólum. Jafnframt hvetur miðstjórn ASÍ lífeyrissjóðina til að skoða lögfræðilega hvort forsendur eru fyrir því að fá dómstóla til að skera úr um ágreining varðandi samkomulag fjármálaráðherra við lífeyrissjóðina frá því í febrúar um þátttöku þeirra í sérstökum gjaldeyrisútboðum Seðlabanka Íslands.

Ung stúlka datt og rotaðist

Ung stúlka datt af reiðhjóli í Keflavík í fyrradag og rotaðist. Töluverð hálka var á götum bæjarins þegar óhappið varð. Lögregla og sjúkralið á Suðurnesjum voru kvödd á slysstað. Stúlkan var ekki með öryggishjálm þegar hún datt, samkvæmt upplýsingum frá lögreglunni. Hún var flutt með sjúkrabifreið á Heilbrigðisstofnun Suðurnesja. Þar var ákveðið að flytja hana á Landspítalann vegna höfuðáverka sem hún hafði hlotið við fallið.

Öryrkjar sóttu 28 milljóna króna vinning

Það voru lukkuleg hjón sem komu til Íslenskrar getspár með vinningsmiða uppá rúmar 28 milljónir og að vonum í skýjunum með vinninginn. Miðinn var keyptur í Aðalbraut í Grindavík og er annar af tveimur vinningsmiðunum sem fyrsti vinningur kom á síðasta laugardag, eftir því sem fram kemur á vef Íslenskrar getspár.

Eðlilegt að fólk velti kostnaðinum fyrir sér

Guðmundur Magnússon, formaður Öryrkjabandalags Íslands, segir það sé hluti af starfi bandalagsins að fara í auglýsingaherferðir, eins og þá sem var farið í í gær í sambandi við gjörning á Austurvelli þar sem markmiðið var að vekja athygli á fáttækt í landinu. Hann segist ekki vera með það á hreinu hver kostnaðurinn í sambandi við gjörninginn sé.

Flutti inn kókaín en fór svo í meðferð

Karlmaður á fertugsaldri var dæmdur í fjögurra mánaða skilorðsbundið fangelsi í Héraðsdómi Reykjavíkur í dag fyrir að flytja inn tæplega 120 grömm af kókíni hingað til lands. Hann kom hingað til lands með flugi frá Lundúnum í janúar á þessu ári. Við ákvörðun refsingar leit dómari til þess að eftir gæsluvarðhaldsvist hafi hann farið í áfengismeðferð og leitað sér hjálpar. Kvaðst hann hafa verið í rugli, eins og það er orðað í dómnum, og innflutningurinn hafi tengst því.

Síbrotamaður dæmdur fyrir leigubílasvindl

Karlmaður játaði í dag að hafa framið fjölmörg brot fyrr á árinu. Hann fékk meðal annars leigubílstjóra til að aka sér frá Mjóddinni í Reykjavík að Heiðarskóla í Reykjanesbæ í ágúst síðastliðnum, án þess að greiða fyrir þá ferð. Ferðin kostaði rúmar 16 þúsund krónur. Þá stal hann brennivínsflösku úr Vínbúðinni í Reykjanesbæ nokkrum dögum síðar.

Sjö mánaða fangelsi fyrir kókaínsmygl

Rúmlega þrítugur karlmaður var í dag dæmdur í sjö mánaða fangelsi fyrir að hafa flutt inn tæplega tvö hundruð grömm af kókaíni frá Danmörku til Íslands í apríl á þessu ári. Kókaínið var með 70 prósent styrkleika sem unnt var að framleiða um 650 grömm af efni úr.

Hlakkar til að fara á Hróarskeldu

Orri Páll Dýrason, trommuleikari í Sigur Rós, segist vera farinn að hlakka til þess að spila á Hróarskeldunni á næsta ári. Tilkynnt var í morgun um fyrstu hljómsveitirnar sem hafa staðfest mætingu og er Sigur Rós ein þeirra. Þetta er í fyrsta sinn í sjö ár sem Sigur Rós spilar á hátíðinni. "Já, það er mjög langt síðan við höfum verið þar," segir Orri Páll sem segir jafnframt að það sé alltaf gaman að vera á hátíðinni.

Miklir óvissuþættir fyrir hendi

Þórarinn G. Pétursson, aðalhagfræðingur Seðlabankans, segir að staða efnahagsmaála hér á landi sé í stórum dráttum sú sama og bankinn hafi spáð strax eftir hrunið fyrir rúmum fjórum árum. Verðbólgan sé ennþá há og miklir óvissuþættir séu enn fyrir hendi. Peningastefnunefnd Seðlabanka Íslands ákvað í morgun að hækka stýrivexti um 0,25 prósentustig og eru stýrivextir nú sex prósent. Verðbólga mældist í október síðastliðnum 4,2 prósent.

Um 1000 bókatitlar gefnir út

Mögulegt er að yfir 1000 bókatitlar verði teknir í sölu í verslunum Eymundsson á árinu. Nú þegar 40 dagar eru til jóla hefur verslunin tekið á móti 859 titlum, þar af eru 272 barnabækur og 587 bækur fyrir fullorðna. Talið er líklegt að um 100-150 titlar eigi enn eftir að berast í hús.

Magnús Jóhannesson til Norðurskautsráðsins

Á fundi embættismannanefndar Norðurskautsráðsins, sem fram fer í Haparanda í Norður-Svíþjóð í dag, var Magnús Jóhannesson valinn framkvæmdastjóri fastaskrifstofu ráðsins sem stofna á í Tromsø Noregi á næsta ári.

Brotist inn í 20 spilakassa á Ránni

Brotist var inn á veitingastaðinn Rána í Keflavík aðfararnótt mánudags. Hinir óboðnu gestir brutust jafnframt inn í alla spilakassana á staðnum, á annan tug talsins Verksummerki þykja benda til þess að þeir sem þarna voru að verki hafi notað barefli. Lögreglan á Suðurnesjum rannsakar málið og biður þá, sem kunna að geta veitt upplýsingar, að hafa samband við lögregluna í síma 420-1800.

Mál Styrmis tekið fyrir í dag

Mál Styrmis Þórs Bragasonar, fyrrverandi forstjóra MP banka, verður tekið fyrir í Héraðsdómi Reykjavíkur klukkan hálftólf í dag. Styrmir er einn þeirra þriggja sem ákærðir voru í Exetermálinu svokallaða. Hinir tveir fengu fjögurra og hálfs árs fangelsi í Hæstarétti, en Hæstiréttur vísaði máli Styrmis aftur í hérað.

Sigur Rós spilar á Hróarskeldu í fyrsta sinn í sjö ár

Hljómsveitin Sigur Rós mun koma fram á Hróarskelduhátíðinni næsta sumar í fyrsta skipti síðan árið 2006. Forsvarsmenn hátíðarinnar tilkynntu í morgun fyrstu hljómsveitirnar sem munu koma fram þar næsta sumar. Þá tilkynnti hátíðin einnig að danska hljómsveitin Volbeat, Kvelertak frá Noregi og hljómsveitin Goat frá Svíþjóð munu einnig koma fram. Hátíðin verður haldin 29. júní-7. júlí næsta sumar og hefst miðasala 1. desember næstkomandi.

Kveiktu upp í arninum - slökkviliðið mætti á staðinn

Slökkviliðinu barst tilkynning rétt fyrir klukkan átta í morgun um að mikill reykur bærist frá þaki íbúðarhúsnæðis í vesturbæ Reykjavíkur. Dælubílar fóru á staðinn en þegar þangað var kominn reyndist ekki um neinn eld að ræða. Íbúar í húsinu höfðu nefnilega kveikt upp í arninum enda farið að kólna í veðri. Það var nágranni sem sá þykkan svartan reyk upp úr skorsteininum og hringdi á slökkvilið.

Verknám verði eflt og námstími til stúdentsprófs styttur

Starfshópur forsætisráðuneytisins um aukna samþættingu í mennta- og atvinnumálum hefur kynnt tillögur sínar. Í skýrslu hópsins kemur fram að óvenjumargir Íslendingar hafa bara lokið grunnskólaprófi.

Ófært misræmi, segir Ögmundur

Ósamræmi er í matsreglum kjörstjórna í kjördæmum landsins og misjafnt hvenær atkvæði eru úrskurðuð ógild. Ekki hefur verið brugðist við gagnrýni sem sett var fram á málið að loknum síðustu alþingiskosningum.

Leikskólabörn í Aðalþingi fá hægan mat á hlaðborði

Rekstrarstjóri leikskólans Aðalþings í Kópavogi segir ekki dýrara að vinna mat frá grunni fyrir börn og starfsfólk en að kaupa aðsendan mat. Faglærður kokkur eldar ofan í mannskapinn sem er afar ánægður.

Brotið og bramlað hjá listamönnum

Brotist var inn á Korpúlfsstaði í annað skiptið á nokkrum mánuðum. Lítil verðmæti eru geymd þar en miklar skemmdir voru unnar á vinnustofum listamanna. Erfitt er fyrir listamennina að verjast, segir Sigurður Valur Sigurðsson.

Framhaldsskólakennarar kolfelldu nýjan kjarasamning

Framhaldsskólakennarar kolfelldu nýgerðan samning við ríkið í rafrænni kosningu þar sem 1639 kennarar voru á kjörskrá og 66,5 prósent þeirra greiddu atkvæði.

Þyrla flutti slasaðan mann frá Staðarskála

Þyrla Gæslunnar var í gærkvöldi send til móts við sjúkrabíl, sem flutti slasaðan mann áleiðis til Reykjavíkur eftir bílveltu við bæinn Enniskot í Vestur-Húnavatnssýslu. Þyrlan og sjúkrabíllinn mættust við Staðarskála, þar sem hinn slasaði var tekinn um borð í þyrluna og fluttur á slysadeild Landsspítalans.

Karlmaður stunginn með hnífi í Hafnarfirði

Karlmaður var stunginn með hnífi í heimahúsi í Hafnarfirði á ellefta tímanum í gærkvöldi og þurfti að gangast undri aðgerð á slysadeild Landsspítalans.

173 atkvæði ranglega úrskurðuð ógild

Ósamræmi er í matsreglum kjörstjórna í kjördæmunum sex og misjafnt hvenær atkvæði eru úrskurðuð ógild. Landskjörstjórn segir 173 kjörseðla, sem dæmdir voru ógildir í þjóðaratkvæðagreiðslunni um stjórnarskrá, hafa verið gilda.

Bíða eftir plássi á Landspítala

Hátt í 50 einstaklingar liggja á Landspítalanum og bíða vistunar á hjúkrunarheimili en meðferð á spítalanum er lokið. Þar að auki eru margir sem eru í öldrunarendurhæfingu eða bíða hennar og því nýtast rýmin ekki fyrir bráðasjúklinga. Þetta, auk þess sem sífellt fleiri sækja þjónustu á LSH, veldur því að gangainnlagnir færast aftur í vöxt, en vandamálið var umtalað fyrir þremur til fjórum árum.

Greiða 500 krónur til að taka þátt í forvali

Skráðir félagar í Vinstri grænum verða að greiða 500 króna lágmarksgjald vilji þeir taka þátt í forvali flokksins.

Misskilningur að það þurfi alltaf að fyrirgefa

Bylgja Gunnur íhugaði sjálfsvíg eftir áralangt einelti

„Ég gerði þetta af minni eigin sannfæringu um að þetta yrði skemmtilegt"

Pétur segist ekki hafa verið að gera grín að Asíubúum með túlkun sinni á Tong Monitor.

Fjölskylduhjálp býður upp á ókeypis hársnyrtingu

"Það munar mikið fyrir fólk að fá þessa þjónustu endurgjaldslaust þegar jólin nálgast og við fögnum því að geta byrjað á þessu núna.“

Gillzenegger: Ömurlegt að vera ranglega sakaður um svívirðilegan glæp

Egill "Gillzenegger“ Einarsson segir að þó hann sé ánægður með að nú liggi fyrir ákvörðun þess efnis að lögreglan muni rannsaka sérstaklega rangar sakagiftir á hendur sér og unnusti sinni, megi ekki gleyma því að það sé ömurlegt hlutskipti að vera ranglega sakaður um svívirðilegan glæp.

Skattar lækka í Kópavogi

Áhersla er lögð á lækkun skulda í tillögu meirihluta bæjarstjórnar Kópavogs að fjárhagsáætlun fyrirárið 2013.

Sífellt fleiri þurfa fjárstuðning

Fjöldi fólks í Reykjavík sem reiðir sig á fjárhagsaðstoð hefur nær tvöfaldast frá árinu 2006. Formaður velferðarráðs óttast að langvarandi atvinnuleysi fjölgi sjúklingum. Velferðarkerfið megi ekki sýna of mikla aumingjagæsku því þá skerði það lífsgæði fólks.

Vilja stytta námstíma til stúdentsprófs

Lagt er til að námstími til stúdentsprófs verði styttur um tvö ár og að gripið verði til sérstakra aðgerða strax í grunnskólum til að draga úr brotthvarfi framhaldsskólanemenda.

Kannað verði hvort Egill hafi verið hafður fyrir rangri sök

Ríkissaksóknari hefur fyrirskipað lögreglu að rannsaka hvort Egill Einarsson hafi verið hafður fyrir röngum sakargiftum og hvort framburður vitna í máli hans hafi verið rangur. Lögreglan hafði áður vísað málinu frá en Ríkissaksóknari fellst ekki á það.

Krefjast sömu leiðréttinga og ráðamenn

Lífeyrisþegar á Íslandi krefjast þess að lífeyrir þeirra verði leiðréttur afturvirkt til ársins 2008. Öryrkjabandalag Íslands segir að þetta hafi verið gert við laun æðstu embættismanna ríkisins hjá kjararáði í október 2011 og krefst þess að skerðingar á réttindum lífeyrisþega sem komið hafa til framkvæmda frá árinu 2008 til dagsins í dag verði leiðréttar að sama skapi.

Hefur þú séð dökkbláan Ford pallbíl?

Lögreglan á höfuðborgarsvæðinu lýsir eftir dökkbláum pallbíl, Ford F350 árgerð 2005 með skráningarnúmerið YA-870, en bílnum var stolið frá bílasölu í austurborginni um síðustu helgi. Þeir sem geta gefið upplýsingar um hvar bíllinn er niðurkominn eru vinsamlegast beðnir um að hafa samband við lögregluna í síma 444-1000 eða senda tölvupóst á netfangið abending hjá lrh.is

Ekkert refsivert komið fram - rannsóknin á lokastigi

Rannsókn ríkissaksóknara á andláti manns sem lést á lögreglustöðinni við Hverfisgötu í lok október er á lokastigi.

Rúmlega 140 milljónir í bætur vegna veðurofsans fyrir norðan

Ríkisstjórnin samþykkti á fundi sínum í dag að Bjargráðasjóði verði veittar 120 milljónir króna af óskiptum fjárheimildum þessa árs til að bæta tjón sem varð í óveðrinu á Norðurlandi 9. - 11. september síðastliðinn. Jafnframt verði Bjargráðasjóði heimilað að nýta 20 - 30 milljóna ónýttar fjárheimildir sem sjóðurinn fékk vegna eldgosa og þannig gert kleift að greiða bætur vegna tjóns sem áætlað hefur verið tæpar 142 milljónir króna.

Stálu verkfærum frá golfurum

Miklu magni verkfæra var stolið úr geymslu Golfklúbbs Vatnsleysustrandar fyrir fáeinum dögum. Sá eða þeir sem þar voru að verki brutu upp hurð geymslunnar og komust inn með þeim hætti. Ekki komu þeir þó alveg öllu því út sem þeir höfðu ætlað sér því ýmsir smáhlutir, sem þeir virtust hafa misst, lágu á gólfinu og rörtöng fyrir utan húsið. Lögreglan á Suðurnesjum rannsakar málið.

Játaði innflutning á 1000 alsælutöflum

Karlmaður á þrítugsaldri játaði í dag að hafa flutt inn 970 alsælutöflur og 13 grömm af alsæludufti sem talið er að hann hafi ætlað að selja hér á landi. Ákæra gegn manninum var þingfest í Héraðsdómi Reykjavíkur í dag.

Nítján ára stúlka laug til nafn

Tæplega tvítugur ökumaður, sem var stöðvaður fyrir of hraðan akstur á Reykjanesbraut um helgina laug til nafns þegar lögregla ræddi við hann.

Samþykktu tillögu Íslands um stuðning við Palestínu

Tillaga Íslands um að veita Palestínu sérstakt framlag úr tæknisjóði EFTA í tilefni erfiðleika Palestínumanna á að fullnýta fríverslunarsamning EFTA vegna hernáms Ísraelsmanna var formlega staðfest á ráðherrafundi EFTA í gær. Össur Skarphéðinsson, formaður ráðherraráðs EFTA, stýrði fundinum. Framlagið nemur 40% alls þess fjár sem EFTA hefur til ráðstöfunar í þessu skyni, eða 200 þúsund svissneskum frönkum.

Eftirlýstur maður braut rúðu

Tveir menn brutu rúðu í húsi við Laugaveg gegnt Hlemmi á ellefta tímanum í morgun. Mennirnir sem grunaðir eru um verknaðinn voru teknir, mjög ölvaðir, skömmu eftir atvikið á Baronstíg. Þeir voru færðir á lögreglustöð og kom þar í ljós að annar þeirra var eftirlýstur af rannsóknarlögreglumanni. Rætt verður við þá þegar af þeim rennur.

Gera efnislegar athugasemdir við frumvarp stjórnlagaráðs

Sérfræðinganefnd sem hafði það hlutverk að fara yfir frumvarp stjórnlagaráðs að nýrri stjórnarskrá gerir töluverðar efnislegar athugasemdir við frumvarpið. Nefndin kynnti sjónarmið sín á fundi með stjórnskipunar- og eftirlitsnefnd Alþingis í gær. Samkvæmt umboði frá stjórnskipunar- og eftirlitsnefnd hafði nefndin einkum það hlutverk að fara lagatæknilega yfir tillögur stjórnlagaráðs. Meðal annars að gæta þess að texti ákvæða væri skýr og í samræmi við hefðbundið lagamál og að hugtök væri skýr í greinargerð.

Faldi fíkniefni í ljósakrónu

Tveir fíkniefnasalar voru á dögunum handteknir og lagði lögreglan á Suðurnesjum hald á umtalsvert magn kannabisefna í tengslum við það. Í húsleit, sem gerð var í íbúðarhúsnæði í Reykjanesbæ fannst poki með kannabisefnum í loftljósi í stofunni. Talsvert var af umbúðum utan af kannabisefnum á stofuborðinu. Fíkniefnaleitarhundur lögreglunnar fann svo til viðbótar tuttugu poka með kannabisefnum í stigagangi hússins.