Karlmaður stunginn með hnífi í Hafnarfirði

Karlmaður var stunginn með hnífi í heimahúsi í Hafnarfirði á ellefta tímanum í gærkvöldi og þurfti að gangast undri aðgerð á slysadeild Landsspítalans.

Upphaflega var lögreglunni tilkynnt um ólæti og háreysti í tiltekinni íbúð og fór á vettvang. Þá var verknaðurinn nýframinn og gerandi, sem er tæplega fertugur, á staðnum. Hann var handtekinn og vistaður í fangageymslu en þolandinn fluttur í sjúkrabíl á slysadeild. Hann var meðal annars með stungusár á læri.

Ekki er nánar vitað um málsatvik.