Þyrla flutti slasaðan mann frá Staðarskála

Þyrla Gæslunnar var í gærkvöldi send til móts við sjúkrabíl, sem flutti slasaðan mann áleiðis til Reykjavíkur eftir bílveltu við bæinn Enniskot í Vestur-Húnavatnssýslu. Þyrlan og sjúkrabíllinn mættust við Staðarskála, þar sem hinn slasaði var tekinn um borð í þyrluna og fluttur á slysadeild Landsspítalans.

Gripið var til þess ráðs þar sem flug hálka var um allt og hefði sjúkrabíllinn orðið mjög lengi á leiðinni. Þó nokkrir ökumenn lentu í vandræðum vegna hálkunnar, en engin annar slasaðist alvarlega.

Tveir erlendir ferðamenn sluppu lítið meiddir þegar bíll þeirra valt á Hrútafjarðarhálsi undir kvöld.

Tveir aðrir erlendir ferðamenn sluppu svo ómeiddir þegar bíll þeirra valt á Hvammstangavegi um svipað leiti og engin slasaðist alvarlega þegar bíll hafnaði utan vegar í grennd við Litlu Kaffistofuna í gærkvöldi og þegar bíll valt við Landvegamót nú undir morgun.

Enn er flughált víða um land, einkum suðvestanlands og á það líka við í þéttbýli.