Reiðubúinn að stíga til hliðar

Starfsmenn Kvikmyndaskóla Íslands leggja til að nýr stjórnarformaður verði skipaður í stjórn skólans í nýrri sáttatillögu. Núverandi stjórnarformaður segist reiðubúinn að víkja úr sæti ef það leiði til lausna.

Skylt að birta ljósmyndir sem sýna skaðsemi reykinga

Skylt verður að birta ljósmyndir í lit á öllum umbúðum sem innihalda tóbaksvörur til að undirstrika skaðsemi vörunnar. Ákvæði um þetta eru í nýrri reglugerð sem tekur gildi í dag. Þó verður heimilt að flytja inn sígaréttur sem eru merktar í samræmi við eldri reglugerð allt til ársloka 2012 og hafa í sölu til 31. júlí 2013.

Tvítugur síbrotamaður dæmdur fyrir bankarán

Nítján ára gamall piltur hefur verið dæmdur í árs fangelsi fyrir bankarán í Arion banka í Hraunbæ þann 5. janúar síðastliðinn auk fjölda annarra smærri brota.

Ferðir Herjólfs falla niður

Vegna veðurs og mikillar ölduhæðar á milli Vestmannaeyja og Landeyjahafnar hefur verið ákveðið að fella niður ferðir Herjólfs sem fara átti klukkan hálf tólf í dag frá Eyjum og klukkan eitt eftir hádegi frá Landeyjahöfn.

Matarkarfan ódýrust í Krónunni

Samkvæmt nýjustu verðkönnun Alþýðusambands Íslands var allt að 28 prósent verðmunur á matarkörfunni þegar verðlagseftirlit sambandsins kannaði verð í átta matvöruverslunum síðastliðinn mánudag. Matarkarfan var ódýrust í Krónunni en dýrust í Nótatúni.

Með fölsuð skilríki í Leifsstöð

Karlmaður á fertugsaldri og kona á þrítugsaldri voru stöðvuð við landamæraeftirlit á Keflavíkurflugvelli fyrir um tíu dögum síðan. Þau eru grunuð um að hafa framvísað fölsuðum skilríkjum við lögreglu en samkvæmt þeim eru þau frá Írak.

Þyrlan sótti fárveika konu

Þyrla Landhelgisgæslunnar var kölluð út um klukkan hálf sex í morgun eftir að beiðni barst frá lækni í Stykkishólmi vegna bráðveikrar konu. Þyrlan fór í loftið um klukkan sex og var flogið beint á flugvöllinn í Stykkishólmi en þar beið sjúkrabifreið með konuna. Var hún flutt yfir í þyrluna og farið að nýju í loftið um klukkan tíu mínútur í sjö. Þyrlan lenti svo á Landspítalanum í Fossvogi um hálf átta.

Hundrað bílar stöðvaðir

Lögregluþjónar á vegum umferðardeildar lögreglunnar hafa verið áberandi í umferðinni síðastliðna daga, einkum á morgnana, við eftirlit. Frá því á mánudaginn hafa hundrað ökumenn verið stöðvaðir í eftirliti sem miðar einkum að því að fylgjast með farsímanotkun ökumanna, svigakstri í þéttri umferð og stefnuljósanotkun.

Aldrei fleiri kennarar með réttindi

Alls voru 1.852 starfsmenn við kennslu í framhaldsskólum á Íslandi í fyrra, samkvæmt tölum Hagstofunnar. Tæplega 85% þeirra höfðu kennsluréttindi og hefur það hlutfall hækkað um 13,6 prósentustig á einum áratug, úr 71,3% skólaárið 2000-2001. Hlutfall réttindakennara hefur ekki verið svona hátt frá því að gagnasöfnun Hagstofunnar hófst fyrir rúmlega áratug.

Góðan daginn Reykvíkingar - myndband

Í dag er „Góðan daginn“ dagurinn haldinn í annað sinn en dagurinn er hugarfóstur Jóns Gnarr borgarstjóra í Reykjavík. Á vef Reykjavíkurborgar segir að í dag eigi maður að vera einstaklega góður við náunga sinn og bjóða honum góðan daginn. Það er gert til að auka náunga kærleik.

Útivistartími barna breytist

Útivistartími barna og unglinga tekur breytingum í dag. Frá þeim tíma mega 12 ára börn og yngri vera úti til klukkan 20.00. 13 til 16 ára unglingar mega vera úti til klukkan 22.00. Bregða má út af reglunum fyrir síðartalda hópinn þegar unglingar eru á heimleið frá viðurkenndri skóla-, íþrótta- eða æskulýðssamkomu. Aldur miðast við fæðingarár.

Bústaður brann til kaldra kola

Sumarbústaður brann til kaldra kola um fimmleytið í morgun í landi Litlu-Brekku, skammt frá Langá. Að sögn Bjarna Kristins Þorsteinssonar slökkviliðsstjóra í Borgarbyggð var bústaðurinn fallinn til grunna þegar slökkviliðið bar að garði en þeir komu á staðinn um tíu mínútum eftir að útkall barst. Að sögn Bjarna er ekki vitað til þess að nokkur hafi verið í bústaðnum þegar hann brann. Eldsupptök eru ókunn og verða rannsökuð.

Lán einstaklinga verið afskrifuð um 143,9 milljarða

Efnahagsmál Lán til heimila höfðu verið færð niður um samtals 143,9 milljarða króna frá hruni hjá íslenskum fjármálafyrirtækjum í lok júlí 2011. Þetta kemur fram í tölum sem Samtök fjármálafyrirtækja hafa safnað saman og birtu í gær.

Sjávarútvegurinn er að staðna

Fyrirtæki í sjávarútvegi fjárfesta ekki lengur í nýrri íslenskri tækni. Framkvæmdastjóri 3X Technology á Ísafirði segir orðið ómögulegt að vinna hér.

DataMarket leitar út fyrir landsteinana

Fjárfestingarsjóðurinn Frumtak hefur keypt hlut í tölfræði- og gagnafyrirtækinu DataMarket fyrir 1,2 milljónir dala, eða tæpar 140 milljónir króna.

Skattar áfram hækkaðir og útgjöld skorin niður

Bréf sem íslensk stjórnvöld sendu Alþjóðagjaldeyrissjóðnum í aðdraganda sjöttu og síðustu endurskoðunar sjóðsins á samstarfsáætluninni við Ísland var birt í gær. Í bréfinu er fjallað um áherslur stjórnvalda á næstu misserum.

Fleiri farþegar þýða aukinn kostnað

Strætó bs. skilaði 8,4 milljóna króna hagnaði á fyrri helmingi þessa árs. Það er betri afkoma en áætlanir gerðu ráð fyrir, en verri en á síðasta ári þegar hún var jákvæð um 79 milljónir króna á fyrri hluta ársins. Eigið fé félagsins hefur aukist um 83 milljónir frá síðustu áramótum, en þá var það jákvætt í fyrsta skipti frá árinu 2004.

Undanþága Nubos á borði Ögmundar

Beiðni um að kínverski fjárfestirinn Huang Nubo fái undanþágu frá banni við fjárfestingu útlendinga utan EES í fasteignum er komin inn á borð innanríkis-ráðherra. Nubo hefur samið um kaup á 72 prósentum af landi Grímsstaða á Fjöllum.

Grunnur verið lagður að kröftugum efnahagsbata

Samstarfsáætlun Íslands og Alþjóðagjaldeyrissjóðsins (AGS) gekk vel og helstu markmið áætlunarinnar náðust. Þetta er niðurstaða starfsmanna AGS sem sendu frá sér skýrslu um íslenska hagkerfið í gær. Þar kemur fram að veikur efnahagsbati sé hafinn þótt atvinnuleysi sé enn mikið auk þess sem verðbólguhorfur hafi versnað.

Komið í veg fyrir að fólk detti milli kerfa

Menntamálaráðuneytið hyggst breyta orðalagi nýrrar reglugerðar um lán til íslenskra námsmanna erlendis vegna mismunandi túlkana á henni. „Ráðuneytið hefur ákveðið að breyta orðalagi reglugerðarinnar. Það kom upp ólík túlkun, annars vegar hjá lögfræðingi LÍN og hins vegar hjá ráðuneytinu. Til að taka af allan vafa verður orðalaginu breytt þannig að ekki komi upp sú staða að fólk lendi á milli kerfa eða standi uppi réttindalaust,“ segir Elías Jón Guðjónsson, aðstoðarmaður menntamálaráðherra.

Senu­­þjófar kosninga­bar­­áttunnar

Nú þegar kosningabaráttan fyrir Alþingiskosningar 2021 fer að nálgast sinn hápunkt er ekki úr vegi að horfa yfir sviðið og reyna að glöggva sig á því hvaða frambjóðandi er sá svarti senuþjófur sem hefur náð að sópa til sín mestu af hinni dýrmætu athygli sem allt snýst um á tímum sem þessum. Þrír einstaklingar teljast ótvíræðir sigurvegarar. En óhætt að segja að þeir hafi farið sitthverja leiðina að því marki.

Arna ennþá týnd

Arna Sif Þórsdóttir er ennþá týnd. Ekkert hefur sést til hennar síðan á fimmtudaginn síðasta, samkvæmt upplýsingum frá lögreglunni á höfuðborgarsvæðinu. Fjölskylda hennar er orðin mjög uggandi.

Vespa yfir á rauðu ljósi

Kona keyrði á vespu yfir gatnamót Grensásvegar og Fellsmúla á hárauðu ljósi nú fyrr í dag. Konan slapp með undraverðum hætti yfir gatnamótin meðan bílar brunuðu allt í kringum hana. Lögreglan í Reykjavík varð vitni að atvikinu en tókst ekki að hafa afskipti af konunni sem keyrði í burtu eftir tilburðina og hefur ekki sést síðan.

Hörkupúl að vera í Landsbjörg

Nýliðakynningar hjá björgunarsveitum Slysavarnarfélagsins Landsbjargar standa nú yfir. Að vera björgunarsveitarmaður reynir á, bæði andlega og líkamlega, segir nýliði sem ætlar sér að verða fullgildur björgunarsveitarmaður á þessu ári.

Hætta á of mörgum hreindýraveiðimönnum

Leiðsögumaður á Austurlandi segir að hreindýraveiðimenn séu nú seinni á ferðinni en áður. Það skapi hættu á að of margir séu við veiði á sama tíma.

Útlendingur á hraðferð

Erlendur ferðamaður var tekinn á ofsaakstri rétt við Markarfljót austan við Hvolsvöll milli klukkan fimm og sex í dag. Maðurinn var á 155 km hraða. Hann fékk 130 þúsund króna sekt, sem hann greiddi á staðnum og fékk fyrir vikið 25% afslátt. Þegar upp var staðið greiddi hann um 97 þúsund krónur.

Lyfjakostnaður mun aukast

Lyfjakostnaður mun aukast fyrir stóran hóp fólks ef frumvarp um breytingu á greiðsluþátttöku sjúklinga verður að lögum að mati Öryrkjabandalags Íslands.

Þolinmæði Þingeyinga á þrotum

Biðlundin eftir því að atvinnuuppbygging hefjist í Þingeyjarsýslum er að verða ansi lítil, segir bæjarstjóri Norðurþings. Hann segir álver Alcoa enn fýsilegan kost og segir að ríkisstjórninni muni ekki takast að ganga yfir heimamenn með friðlýsingu Gjástykkis.

Hagsmunasamtök heimilanna svara Seðlabankanum

Hagsmunasamtök heimilanna liggja nú yfir svörum Seðlabanka Íslands sem bárust í gær við fyrirspurnum Umboðsmanns Alþingis vegna verðtryggingarinnar. Hagsmunasamtökin munu senda frá sér yfirlýsingu á næstu dögum vegna málsins.

Erlendur órói ógnar efnahagsbata Íslands

Eldgos og áframhaldandi órói á alþjóðlegum fjármalamörkuðum gæti stefnt efnahagsbata Íslands í voða að mati Alþjóðagaldeyrissjóðsins. Þetta kemur skýrslu sjóðsins um íslenskt efnahagslíf.

Tæplega þrjátíu prósent samdráttur í sölu lambakjöts milli ára

Tuttugu og sjö prósent minna seldist af lambakjöti í júlí á þessu ári miðað við sama tíma í fyrra. Verslunarmenn segja þetta staðfesta kjötskort í búðum.

Sömuleiðis metsala hjá Borgarleikhúsinu

Leikhúskort Borgarleikhússins hafa rokið út síðan leikár leikhússins var opinberað fyrir tíu dögum síðan og salan hófst. 25% aukning hefur orðið í sölunni frá því á sama tíma í fyrra. Samt sem áður voru kortagestir leikhússins 11.000 á síðasta ári en það er það mesta í sögu íslensks leikhúss.

Mikið um gaskúta-stuld

Grill var tekið ófrjálsri hendi af sólpalli við hús í Grafarvogi í gær. Sjaldgæft er að heilum grillum sé stolið, en öllu algengara er að þjófar næli sér í gaskúta sem standa úti. Allnokkur slík mál hafa verið tilkynnt til lögreglu undanfarnar vikur. Því ættu eigendur gaskúta að gera ráðstafanir ef þeir geta.

Stefnir í metsölu á leikhúskortum

Sala á leikhúskortum Þjóðleikhússins gengur óhemju vel. Nú í ár hafa fleiri kort selst en á sama tíma í fyrra, og þó var metár í kortasölunni á síðasta ári. Því stefnir allt í að nýtt met verði slegið.

Ráðstefna um aukið lýðræði

Ráðstefna um aukið lýðræði verður haldið þann 14. september næstkomandi. Innanríkisráðuneytið efnir til ráðstefnunnar og vill með henni hvetja til aukinnar umræðu um hvernig efla má lýðræði í íslenskri stjórnsýslu og fjalla um hvort og hvernig koma megi á beinu lýðræði.

Lögreglan tekur tilkynningar um barnatæla mjög alvarlega

„Þetta eru hlutir sem við tökum mjög alvarlega,“ segir Geir Jón Þórisson, yfirlögregluþjónn á höfuðborgarsvæðinu, um tilkynningar um barnatæla sem hafa borist lögreglunni síðustu daga. Tilkynningar um slíka menn hafa borist á Suðurnesjum, í Hafnarfirði, í Vesturbæ og í Kópavogi.

Efnahagsbrotadeild sameinast sérstökum saksóknara

Efnahagsbrotadeild ríkislögreglustjóra og embætti sérstaks saksóknara sameinast á morgun. Ríkislögreglustjóri mun þar til annað verður ákveðið áfram annast móttöku tilkynninga á grundvelli laga um aðgerðir gegn peningaþvætti og fjármögnun hryðjuverka.

Lýst eftir Örnu Sif

Lögreglan á höfuðborgarsvæðinu lýsir eftir Örnu Sif Þórsdóttur , 23 ára. Talið er að hún sé klædd í svarta flíspeysu og í rauðri flíspeysu innanundir og svartar hlébarðaleggings. Arna er grannvaxin og 169 sm á hæð ljóshærð með fléttur. Síðast er vitað um ferðir hennar í Reykjavík um miðjan dag á sunnudaginn. Þeir sem geta gefið upplýsingar um ferðir Örnu eru beðnir um að hafa samband við lögregluna í síma 444-1000.

Segir aðildarumsóknina sundra þjóðinni

Stjórn Samtaka afurðastöðva í mjólk og kjöti, SMK, vill að Alþingi beri að leggja aðildarumsókn að Evrópusambandinu til hliðar. Samtökin segja þetta nauðsynlegt nú þar sem mikil óvissa ríki um myntsamstarfið, uppbyggingu og innra skipulag ESB. SMK starfa innan Samtaka iðnaðarins og var ályktun þessa efnis samþykkt í dag. Formaður þeirra er Guðni Ágústsson, fyrrverandi formaður Framsóknarflokksins.

Úti að aka á vespu

Svokallaðar rafmagnsvespur hafa sést á höfuðborgarsvæðinu í auknum mæli í sumar. Lögreglan segir að svo virðist sem sumir notendur þeirra geri sér ekki sér grein fyrir þeirri ábyrgð sem fylgir því að stjórna slíku farartæki.

Lögregluaðgerðum lokið í Breiðagerði

Aðgerðum lögreglu í Breiðagerði í Reykjavík er lokið, en þangað var fjölmennt lið lögreglu kallað í morgun þegar um 30 manna hópur frá heimavarnarliðinu kom í veg fyrir að fulltrúi Sýslumannsins í Reykjavík bæri út konu úr húsi í Breiðagerði. Á meðfylgjandi mynd sést vel að til nokkurra átaka kom á milli lögreglu og fólksins úr Heimavarnarliðinu.

Stýrihópar taka til starfa um sameiningu grunnskóla

Fimm stýrihópar sem vinna eiga að sameiningu grunnskóla í borginni og breyttu skólastarfi eru að taka til starfa. Stefnt er á að hver hópur muni vinna náið með skólasamfélaginu, nemendum, foreldrum og starfsfólki.

Segir engin merki um yfirvofandi áhlaup á flokksforystuna

Sjálfstæðismenn hafa boðað til landsfundar þann 17. - 20. nóvember næstkomandi. Jónmundur Guðmarsson, framkvæmdastjóri flokksins, segir að landsfundur sé kjörið tækifæri fyrir sjálfstæðismenn til að koma saman og stilla strengi. „Það er ljóst að það er engin ríkisstjórn að heitið getur starfandi í landinu. Og Sjálfstæðisflokkurinn hefur haft á stefnuskrá sinni allt aðrar leiðir um það hvernig efnahagslífið verður reist við, að farið sé í verkefni sem skapi hagvöxt og skapi störf,“ segir Jónmundur. Sú stefna feli í sér að greitt verði fyrir fjárfestingum. að undið verði ofan af skattastefnu ríkisstjórnarinnar farið verði í augljósustu fjárfestingar og verðmætasköpun.

Rannsóknin er orðin unglingur

"Ég byrjaði á rannsókninni 1995 þannig að hún er orðinn unglingur," segir Linda Björk Ólafsdóttir lyfjafræðingur um doktorsverkefni sitt sem hún ver í dag við Háskóla Íslands. Það fjallar um meltingarfærakvilla. Helstu niðurstöður þess sýna að ristilkrampi er mun algengari kvilli hér á landi meðal ungs fólks en annars staðar á Vesturlöndum, einkum meðal kvenna.

Lyklasmiður kallaður til í Breiðagerði

Um tuttugu lögreglumenn eru nú staddir í Breiðagerði í Reykjavík þar sem tugir manna mættu í morgun til þess að koma í veg fyrir að fulltrúi sýslumanns beri íbúa út. Lyklasmiður hefur nú verið kallaður á svæðið til að dýrka upp lásinn á íbúðinni.