Segir gagnaveituna vera hliðargrein

Gagnaveitan er hliðargrein í starfsemi Orkuveitu Reykjavíkur og telst tæplega til kjarnastarsemi, sagði Bjarni Bjarnason, forstjóri Orkuveitu Reykjavíkur, á blaðamannafundi í dag. Hann segir að vinnsla raforku til að selja til stóriðju sé ekki kjarnastarfsemi. Bjarni sagði á fundinum að hann vildi færa Orkuveituna nær upprunanum þannig að hún myndi sinna veitustarfsemi.

Menntamálaráðherra varar við sameiningarhugmyndum

Menntamálaráðuneytið varar við hugmyndum Reykjavíkurborgar um samrekstur og sameiningu leikskóla, grunnskóla og frístundaheimila. Þetta kemur fram í áliti sem ráðuneytið hefur skilað til borgarinnar. Þar segir að tillögurnar stangist ekki á við lög. Þær hins vegar feli í sér umfangsmiklar breytingar sem kunni að leiða til umróts í skólasamfélaginu, og að ef Reykjavíkurborg ákveðnur að hrinda þeim í framkvæmd þrátt fyrir varnarorð ráðuneytisins þurfi að hafa öryggi barna og vellíðan að leiðarljósi.

Sjö menn á vegum sérstaks saksóknara aðstoðuðu við húsleit

Tvær af þeim fimm húsleitum sem lögreglan í Lúxemborg réðst í fyrr í dag vegna rannsóknar á Kaupþingi voru gerðar að beiðni sérstaks saksóknara. Þetta kemur fram í fréttatilkynningu frá embættinu. Þrjár húsleitir voru svo gerðar á vegum efnahagsbrotadeildar bresku lögreglunnar.

Björgunarpakki Orkuveitunnar kynntur í dag

Blaðamannafundur um björgunaraðgerðir til handa Orkuveitu Reykjavíkur verður haldinn síðar í dag. Nú stendur yfir stjórnarfundur hjá Orkuveitunni þar sem rekstur fyrirtækisins er til umræðu. Ljóst er að grípa verður til margvíslegra aðgerða til að bregðast við slæmri stöðu fyrirtækisins. Milljarða þarf til að bæta lánshæfismat fyrirtækisins. Stjórnarfundurinn er haldinn í framhaldi af fundi borgarráðs í morgun um Orkuveitunnar.

Lögreglan leitar vitna

Lögreglan á höfuðborgarsvæðinu óskar eftir vitnum að umferðarslysi sem varð á gangbraut í Rofabæ í Reykjavík, skammt frá frístundamiðstöðinni Árseli síðastliðið fimmtudagskvöld um klukkan hálfníu. Þar var ekið á gangandi vegfaranda en ökumaðurinn fór strax af vettvangi án þess að skeyta um hinn slasaða. Talið er að þarna hafi sennilega verið á ferðinni Ford F-150 pallbíll, líklega svart- eða dökklitaður.

Fjórði hver hefur tekið út lífeyrissparnað

Landsmenn hafa nýtt tímabundna heimild til að taka út séreignarsparnað til að taka 54,8 milljarða króna út úr lífeyriskerfinu, samkvæmt upplýsingum frá ríkisskattstjóra. Alls hafa rúmlega 54 þúsund manns nýtt sér þetta úrræði, um fjórðungur fólks á aldrinum 18 til 67 ára.

Segir útgerðarmenn halda atvinnulífinu í gíslingu

Formaður Rafiðnaðarsambandsins segir útgerðarmenn halda öllu atvinnulífi á Íslandi í gíslingu til að ná fram ásættanlegum samningum um kvótakerfið.

Húsleitir í Lúxemborg - Ólafur á staðnum

Ólafur Þ. Hauksson, sérstakur saksóknari, staðfestir í samtali við Vísi að embætti hans hafi gert húsleitir í Lúxemborg í morgun.

Húsleitir í Lúxemborg vegna Kaupþingsmálsins

Lögreglan í Lúxemborg gerði húsleitir í dag að beiðni Serious Fraud Office og sérstaks saksóknara vegna rannsóknar á Kaupþingsmálinu. Fram kemur í fréttatilkynningu frá Serious Fraud Office að húsleitirnar tengist rannsókn SFO og sérstaks saksóknara á hruni Kaupþings.

Málari breyttist í bókhaldara

"Úff, síminn hefur varla stoppað," segir Hannes Birgisson málari sem varð fertugur á dögunum. Vinir hans ákváðu að gera Hannesi grikk og settu auglýsingu í Fréttablaðið með mynd af Hannesi. Í auglýsingunni var hann sagður bókhaldari með margra ára reynslu af skattaframtölum. Því fylgdi sögunni að hvert skattaframtal kostaði aðeins 7500 krónur og að einstæðar mæður þyrftu ekkert að borga.

Sögulegar sættir Jóhanns og dagskrárstjóra

Jóhann G. Jóhannsson tónlistarmaður hefur ákveðið að afnema bann sitt við flutningi tónlistar minnar á Bylgjunni og öðrum útvarpsstöðvum á vegum 365 miðla. Jóhann segir að bannið hafi tekið gildi 22. febrúar og leitt til málefnalegra viðræðna milli sín, Pálma Guðmundssonar, framkvæmdastjóra dagskrársvið 365 miðla, og Eiríks Tómassonar, framkvæmdastjóra STEFs.

Kaupverð Landsvirkjunar notað til að bjarga OR

Málefni Orkuveitu Reykjavíkur verða rædd á borgarráðsfundi sem hófst í Ráðhúsi Reykjavíkur klukkan tíu í morgun.

Patreksfirðingar sjósettu nýjan bát

Nýr bátur var sjósettur á Patreksfirði á sunnudaginn. Báturinn heitir Fönix BA - 123 og er 15 brúttótonn. Skelin var keypt hjá Bátasmiðju Guðmundar í Hafnarfirði en smíði hans var fullkláruð á Patreksfirði í vetur, samkvæmt upplýsingum frá Atvinnuþróunarfélagi Vestfjarða.

Kærir aflífun Chrystel til innanríkisráðuneytisins

Eigandi Rottweiler-tíkarinnar Chrystel hefur kært þá ákvörðun sýslumannsins á Selfossi að aflífa skuli tíkina. Stjórnsýslukæran var lögð fram til innanríkisráðuneytisins í síðustu viku. Krefst eigandinn þess að ákvörðun sýslumannsins verði felld úr gildi.

Íbúum fjölgaði lítillega í fyrra

Hinn 1. janúar síðastliðinn bjuggu 318.452 manns á Íslandi, samkvæmt tölum Hagstofunnar. Íbúum landsins hafði þá fjölgað um 0,3% frá sama tíma ári áður eða um 822 einstaklinga. Á árinu fæddust 4.907 börn en 2.017 manns létust. Fæddir umfram dána voru því 2.890. Í fyrra fluttu 7.759 einstaklingar til útlanda en 5.625 fluttu til landsins. Brottfluttir umfram aðflutta voru því 2.134.

Brotist inn á Bíldshöfða

Brotist var inn í fyrirtæki við Bíldshöfða í Reykjavík í nótt, en ekki er vitað hverju, eða hvort einhverju var stolið þar. Þótt vart líði sú nótt að ekki sé brotist einhvernstaðar inn á höfuðborgarsvæðinu, gerast innbrot æ tíðari að degi til, og þá einkum í íbúðahverfum.

Ætlaði að jafna um öryggisvörð en datt á hausinn

Ölvaður karlmaður, sem ætlaði að berja öryggisvörð í 10-11 verslunininni við Engihjalla um klukkan tvö í nótt, hrasaði í miðri atlögunni og féll á andlitið svo það fór að fossblæða úr nefi hans. Kallað var á sjúkrabíl og hann fluttur á Slysadeild, þar sem blóðstreymið var stöðvað.

Sérfræðilæknar neita að framlengja þjónustusamning

Sjúklingar, sem þurfa að leita til sjálfstætt starfandi sérfræðilækna þurfa að greiða þeim fullt gjald frá og með næstu mánaðamótum, ef ekki semst við heilbrigðisyfirvöld fyrir þann tíma.

Sundmaðurinn ekki alvarlega slasaður

Karlmaður sem slasaðist í Lágafellslaug í Mosfellsbæ í gærkvöldi, gekkst undir ítarlega rannsókn á slysadeild Landsspítalans í gærkvöldi, en mun ekki hafa hlotið alvarlega áverka.

Forstöðumaður kærður fyrir kynferðisbrot

Forstöðumaður Ekron, samtaka sem annast meðal annars starfsþjálfum og endurhæfingu óvirkra vímuefnaneytenda og öryrkja, hefur verið kærður til lögreglunnar á höfuðborgarsvæðinu fyrir kynferðisbrot.

Almenn skynsemi besta vörnin á Fésbókinni

Vírusvarnir mega sín lítils þegar notendur velja sjálfir að virkja forrit með því að smella á hlekki á netinu. Björn Davíðsson, þróunarstjóri hjá vefþjónustunni Snerpu á Ísafirð, segir "almenna skynsemi" seint verða ofmetna sem forvörn á internetinu.

Aðkoma NATO er í samræmi við stefnu

Össur Skarphéðinsson utanríkisráðherra segir að aðkoma Íslands að ákvörðun NATO um að taka við samræmingu aðgerða í Líbíu sé í fullu samræmi við ályktun öryggisráðs Sameinuðu þjóðanna sem ríkisstjórnin hafi veitt formlegt samþykki á sínum tíma.

HBT hætti við eftir mælingar

Vetnisbúnaður sem draga átti úr eldsneytisnotkun bifreiða stendur ekki undir væntingum, að því er fram kemur í umfjöllun Félags íslenskra bifreiðaeigenda (FÍB).

Árangurslaust fjárnám algengara

Alls hafa 363 fyrirtæki fengið tilboð frá viðskiptabanka sínum á grundvelli Beinu brautarinnar; samkomulagi stjórnvalda, atvinnulífsins og fjármálafyrirtækja um leiðir til úrvinnslu skuldamála smárra og meðalstórra fyrirtækja. Til meðferðar í bönkunum eru mál 949 fyrirtækja.

Smyglaði ítrekað eiturlyfjum og sterum

Karlmaður á fimmtugsaldri og kona á þrítugsaldri hafa verið ákærð fyrir stórfellt fíkniefnabrot, auk fleiri brota.

Foreldraráð mótmæla sameiningu leikskóla

Foreldraráð leikskólanna Seljaborgar og Seljakots hvetja borgarstjórn til að draga til baka fyrirhuguð áform um sameiningu leikskólanna tveggja. Þetta kemur fram í yfirlýsingu frá foreldrum.

Útlendingar kaupa jarðir á Íslandi undir loðdýrarækt

Útlendingar sýna því nú áhuga að fjárfesta í loðdýrarækt á Íslandi og hefur danskt fyrirtæki þegar keypt jörð og minkabú í Skagafirði.

Hagfræðingur svarar syni í bók fyrir börn

„Ég fann að mig langaði að prófa að skrifa bók fyrir börn en spurning sonar míns, sem ég gat ekki svarað, varð kveikjan að sögunni," segir Guðmundur Sverrir Þór, doktorsnemi í hagfræði og höfundur nýrrar barnabókar, Sjandri og úfurinn, sem kom út um miðjan marsmánuð.

Spyr hvort einhver þurfi ekki að ákveða hvort landsbyggðin lifi

Oddviti Vopnafjarðarhrepps spyr hvort einhver þurfi ekki að fara að taka ákvörðun um það hvort landsbyggðin eigi að lifa eða ekki. Íbúum Vopnafjarðar hefur fækkað um nærri þrjátíu prósent á rúmum tuttugu árum.

Lögreglan leitar manns

Lögreglan á höfuðborgarsvæðinu óskar eftir að ná tali af manninum á meðfylgjandi mynd vegna máls sem hún hefur til rannsóknar. Ef einhverjir þekkja til mannsins, eða vita hvar hann er að finna, eru hinir sömu vinsamlegast beðnir um að hringja í lögregluna í síma 444-1000. Upplýsingum má einnig koma á framfæri á netfangið abending@lrh.is

Útilokar ekki skattahækkanir

Steingrímur J. Sigfússon fjármálaráðherra vill ekki útiloka skattahækkanir á næsta ári. Hann segir hins vegar að engar stórkostlegar aðgerðir séu framundan í skattamálum, eins og hafi verið á árunum 2009 og 2010. Þetta kom fram í máli Steingríms í fyrirspurnatíma á Alþingi í dag.

Kveikt í strætóskýli á Ísafirði

Kveikt var í strætisvagnaskýli við Hreggnasa í Ísafjarðarbæ í gær. Ekki var um miklar skemmdir að ræða og teljst málið upplýst, en þarna voru ungir drengir að verki. Þá voru skemmdir unnar á anddyri húss við Aðalstræti á Ísafirði um helgina, en lögregla leitar enn þess seka. Lögreglan á Vestfjörðum vill koma því á framfæri að undanfarið hefur borið á því að ungir ökumenn hafa ekið glannalega á hafnarsvæðinu á Ísafirði. Vart þarf að fjölyrða um það hvað gæti komið þar fyrir og vill lögregla biðja foreldra og forráðamenn ungra ökumanna að brýna fyrir börnum sínum, sem komin eru með ökuréttindi, þá hættu sem af þessu getur stafað.

Aukafundur í borgarráði um málefni OR

Borgarráð kom saman á sérstökum aukafundi í dag þar sem rætt var um málefni Orkuveitu Reykjavíkur. Fjárhagsstaða fyrirtækisins hefur verið mikið í umræðunni síðustu daga en erfiðlega hefur gengið að endurfjármagna lán OR. Fundi Borgarráðs var frestað í dag án niðurstöðu en fundarhöld halda áfram á morgun.

Skemmdarverk unnin á húsnæði Landsbankans

Orðið "Glæpamenn“ var skrifað stórum stöfum á húsnæði útibús Landsbankans við Hamraborg um helgina. Starfsmenn bankans uppgötvuðu þetta þegar þeir mættu til vinnu í morgun. Málið hefur verið kært til lögreglu, samkvæmt upplýsingum frá Kristjáni Kristjánssyni, upplýsingafulltrúa Landsbankans, en ekki liggur fyrir hvort hinn óprúttni aðili sem skrifaði þetta hafi náðst.

Gæslan kölluð út vegna aflvana báts

Þyrla Landhelgisgæslunnar, TF GNA var kölluð út rétt eftir klukkan tólf í dag eftir að hjálparbeiðni barst frá skemmtibát sem varð aflvana við hafnargarðinn í Vogum. að auki voru björgunarskip og bátar Slysavarnarfélagsins Landsbjargar á svæðinu. Einnig voru nærstaddir bátar beðnir um að fara til aðstoðar.

Barnaverndarstofa: Börn einstæðra mæðra í meiri hættu

"Almennt þá er hægt að segja að börn einstæðra mæðra séu í meiri áhættu," segir Bragi Guðbrandsson, forstjóri Barnaverndarstofu. Hlutfall barna einstæðra mæðra er mjög hátt, eða um 40%, meðal þeirra barna sem tengjast málum sem koma til kasta barnaverndarnefnda. Bragi tekur fram að þessi tölfræði segi þó ekkert til um alvarleika umræddra mála. Í nýrri skýrslu, Konur í kreppu, sem unnin var fyrir velferðarvaktina segir að ástæða sé til að fylgjast sérstaklega með einstæðum mæðrum í þessu sambandi, í ljósi versnandi fjárhagsstöðu þeirra í kreppunni. Nýjustu opinberu tölum frá Barnaverndarstofu voru börn einstæðra mæðra í 43,7% mála barnaverndarnefnda á árinu 2008. Árið þar á undan var hlutfallið 42,4%. Stöðugt milli ára Ársskýrsla Barnaverndarstofu fyrir árið 2009 er væntanleg. Bragi segir að samkvæmt fyrirliggjandi gögnum hafi þetta hlutfall lækkað eilítið á milli ára, og hafi verið 41,3% í fyrra. Þetta er þó ekki marktæk breyting en hlutfallið hefur verið mjög stöðugt síðustu ár. Sambærileg göng frá nágrannalöndum okkar liggja ekki fyrir og segja má að skráningin sé ítarlegri hér en víðast hvar annars staðar. Bragi bendir á að í skýrslunni "Konur í kreppu" komi fram að fjárhagsstaða einstæðra mæðra fari versnandi. Þar er meðal annars vísað í rannsókn Seðlabanka Íslands frá miðju ári 2009 á stöðu íslenskra heimila í kjölfar bankahrunsins. Þar kemur fram að um 40% einstæðra foreldra eru með tekjur á bilinu 150 til 250 þúsund á mánuði, og að tæplega 30% einstæðra foreldra séu með tekjur undir 150 þúsund krónum á mánuði. Því ætti ekki að koma á ávart að vanskil hafi aukist hjá þessum hópi. Fáir einstæðir feður Seðlabankinn kyngreinir ekki þessi gögn. Hins vegar liggur fyrir að um 91% einstæðra foreldra eru konur. Þegar skoðuð eru mál barna sem búa hjá einstæðum feðrum sést að þau voru 5,4% heildarfjölda barnaverndarmála á síðasta ári. Árið þar á undan var hlutfallið 5,5% en 5,8% árið 2007. Bragi segir erfitt að bera þetta hlutfall saman við hlutfall mála þeirra barna sem búa hjá einstæðum mæðrum vegna þess hversu ólíkur raunfjöldinn er. Þá ítrekar hann að fjöldi mála segir ekkert til um alvarleika þeirra. "Það er akkílesarhællinn við alla svona skráningu. Það er erfitt að meta málaþyngd," segir hann.

Fjórar kindur drápust þegar gólf hrundi í fjárhúsi

Fjórar kindur drápust, þegar gólf hrundi í heilu lagi undan 90 kindum í fjárhúsi að bænum Fagraneskoti í Aðaldal í gær. Gólfið og ærnar höfnuðu ofan í svonefndu taðhúsi undir fjárhúsinu, eftir tveggja metra fall. Bóndinn kallaði eftir aðstoð björgunarsveitarmanna, sem hjálpuðu til við að koma fénu út og sleppa því á túnið, sem er nánast snjólaust.

Þrjúhundruð kílóa grjót féll á bíl

Það lá við stórslysi þegar um 300 kílóa grjót féll á amerískan pallbíl sem ekið var um Ólafsvíkurenni um eittleytið í nótt. Fréttavefurinn Skessuhorn segir að ekki hafi orðið slys á fólki en felga á bílnum og brettakantur hafi brotnað og dekk skemmst. Á meðan lögregla og vegfarendur unnu við að koma bílnum frá og velta grjótinu af veginum urðu menn varir við meira grjóthrun fyrir ofan veginn.

Tignarlegur fálki í bæjarferð

Mér fannst þetta mjög sérstakt. Hann var svo tignarlegur og flottur og var bara svo spakur líka að ég varð eiginlega meira en hissa,“ segir Gunnlaugur Örn Valsson, sem rakst á þennan fallega fálka á göngutúr um Leirvogstungu í gær. Gunnlaugur var úti að ganga með hundinn sinn þegar að hann sá fuglinn og segir að hann hafi verið mjög spakur. Hann hafi ekki verið í nema um tveggja til þriggja metra fjarlægð frá sér.

Fíkniefnamál þingfest - ákærði í útlöndum

Ríkissaksóknari hefur ákært karlmann á fimmtugsaldri fyrir að hafa í nóvember 2009 fjármagnað og flutt inn 318 grömm af kókaíni til Íslands. Í ákæru segir að efnið hafi verið flutt frá Bandaríkjunum um Keflavíkurflugvöll og að það hafi verið ætlað til sölugreifingar í ágóðaskyni. Þingfesting málsins átti að fara fram í Héraðsdómi Reykjavíkur í morgun en þar sem ákærði er staddur erlendis, eftir því sem embætti ríkissaksóknara kemst næst, var málinu frestað þar til í maí. Maðurinn er einnig ákærður fyrir að hafa drýgt hluta efnisins með íblöndunarefni og að hafa þann 26. nóvember, viku síðar, haft í vörslu sinni fíkniefni sem að hluta voru ætluð til söludreifingar; rúm 482 grömm af kókaíni, um 341 grömm af amfetamíni og hálft gramm af tóbaksblönduðu kannabisefni. Þá mætti fyrir dóm í morgun kona á þrítugsaldri, sem var ákærð ásamt karlmanninum, og er henni gefið að sök að hafa, þann 26. nóvember 2009, haft í vörslu sinni 482 grömm af kókaíni, um 341 grömm af amfetamíni. Konan neitaði sök fyrir dómi. Maðurinn hefur einnig verið ákærður fyrir að hafa í desember 2008 flutt inn til landsins tæp 147 grömm af kókaíni auk steralyfja til söludreifingar í ágóðaskyni. Ákærði er sagður hafa falið kókaínið og sterana í ferðatöskum sem hann sendi með fraktflugi frá Amsterdam til Íslands, en tollverðir á Keflavíkurflugvelli fundi efnin. Honum eru sömuleiðis gefin að sök nokkur smærri fíkniefnabrot, umferðarlagabrot vegna aksturs undir áhrifum áfengis og fíkniefna, auk ræktunar á kannabisplöntum og vörslu á kannabisefnum. Nýjustu brotin er sögð framin í september á síðasta ári.

Sérstakur saksóknari yfirheyrði Björgólf

Sérstakur saksóknari hefur yfirheyrt Björgólf Guðmundsson, fyrrverandi stjórnarformann Landsbanka Íslands, vegna rannsóknar á starfsemi bankans í aðdraganda að hruni hans. Rannsókn bresku efnahagsbrotadeildarinnar á millifærslum tengdum Icesave kom þó ekki til tals í skýrslutökunni.

Harður árekstur við Miklubrautina

Harður árekstur varð á tíunda tímanum í morgun á afrein þar sem Sæbraut og Reykjanesbraut mætast og ekið er upp á Miklubraut. Samkvæmt upplýsingum frá lögreglunni á höfuðborgarsvæðinu urðu meiðsl á fólki, en lögreglan segir jafnframt að þau séu minniháttar.

1300 manns vilja að Rottweilertíkin lifi

Tæplega 1300 manns hafa nú skráð nafn sitt á undirskriftarlista á Facebook þar sem hvatt er til þess að Rottweilertíkin Chrystel fái að lifa. Hún er vistuð á hundahótelinu Arnarstöðum, rétt fyrir utan Selfoss, þar til framtíð hennar verður ákveðin. Chrystel beit konu í handlegginn í byrjun þessa mánaðar og vill héraðsdýralæknir Suðurlandsumdæmis láta lóga tíkinni. Eins og Vísir hefur fjallað ítarlega um þá er eigandi Chrystel afar ósátt við þá niðurstöðu þar sem hundurinn er „ekki hættulegur í daglegri umgengni" samkvæmt skapgerðarmati. Konan sem tíkin beit hefur ennfremur tjáð sig við Vísi og hún vill einnig að tíkin fái að lifa. Eigandi Chrystel hefur ráðið sér lögmann og er málið enn í fullum gangi. Undirskriftasíðuna má finna hér. http://www.facebook.com/pages/Undirskriftarlisti-Rottweilerinn-Chrystel-lifi/190499364325073

Fálkaorða til sölu á 170 þúsund

Fálkaorða er nú til sölu á Netinu og vill eigandinn fá fjórtánhundruð og fimmtíu dollara fyrir hana, eða tæplega 170 þúsund krónur. Orðan er sögð í góðu ásigkomulagi og að hún hafi verið veitt einhverntíma fyrir árið 1977. Ekki fylgir þó sögunni hver hafi verið sæmdur henni á sínum tíma. Í forsetabréfi segir að við andlát orðuþega eigi aðstandendur að skila orðunni aftur til forsetaritara og því er ekki ætlast til að hún gangi kaupum og sölum.

Dýpkunarprammi á reki

Dýpkunarprammi frá íslensku fyrirtæki slitnaði aftan úr færeyskum dráttarbáti í gærkvöldi, um 80 sjómílur suður af Hornafirði. Báturinn var með tvo pramma í togi, áleiðis í verkefni í Færeyjum. Áhöfn bátsins hefur ekki enn tekist að koma böndum á lausa prammann og er í athugun að senda honum aðstoð annaðhvort frá Íslandi eða Færeyjum. Skipum á ekki að stafa hætta af prammanum því svonefndur AIS búnaður er þar um borð , sem stöðugt gefur upp staðsetningu hans.