Þetta er helvíti gaman

„Þetta er bara helvíti gaman,“ sagði Gabríel Björnsson, fjórtán ára, sem þurfti að verja aðfaranótt sunnudags í fjöldahjálparmiðstöðinni í grunnskólanum á Hvolsvelli. Hann var vakinn með þeim fregnum að gos væri hafið og þurfti undir eins að yfirgefa bæinn Lindartún í Vestur-Landeyjum ásamt fjölskyldu sinni.

Hræðsla þegar einn gleymdist

Töluverð hræðsla greip um sig í hópi ríflega fjörutíu leiklistarnema úr Menntaskólanum við Sund þegar þeim bárust fréttir af gosinu í miðju skólaferðalagi.

Blása nýju lífi í miðborgina

„Hugmyndin er sú að bæta ímynd þessarar götu, sem hefur því miður haft mjög slæmt orðspor á sér,“ segir Þórarinn Ívarsson, formaður félagasamtakanna Veraldarvina, sem vinna nú öttulega að endurbótum á gömlum húsum við Hverfisgötu sem hafa verið í niðurníslu um nokkurt skeið.

Lengingu skólaársins frestað

Innleiðingu nýrra framhaldsskólalaga verður frestað að hluta til, segir Katrín Jakobsdóttir menntamálaráðherra. Til dæmis verður lengingu skólaárs sem kveðið er á um í lögum slegið á frest. Í ræðu ráðherrans á nýafstöðnu menntaþingi kom einnig fram að hægt verður á innleiðingu þeirra hluta laganna sem snúa að gildistöku nýrrar aðalnámskrár í framhaldsskólum.

Það hefur verið jarðgosaveður undanfarið

„Það hefur verið jarðgosaveður undanfarið, miklar stillur þannig að maður hefur nú búist við þessu,“ segir Jón Gunnar Karlsson, bóndi á Strönd í Vestur-Landeyjum.

Undirbúa endurskoðunina

Íslensk stjórnvöld undirbúa nú endurskoðun efnahagsáætlunar stjórnvalda og Alþjóðagjaldeyrissjóðsins (AGS). Samkvæmt heimildum Fréttablaðsins er unnið að því að sú endurskoðun fari fram, þrátt fyrir að Icesave-deilunni sé ekki lokið. Sú vinna er á lokastigi af Íslands hálfu.

Eldgosið ekki í rénun

Eldgosið á Fimmvörðuhálsi er ekki í rénun, sagði Magnús Tumi Guðmundsson jarðeðlisfræðingur í rannsóknarflugi með flugvél Landhelgisgæslunnar

Hvetur menn til að passa upp á dýrin

„Það sem maður hefur verið að leggja til við bændur í dag er að það reyni hver fyrir sig að vera með eigin athuganir," segir Halldór Runólfsson yfirdýralæknir.

Þingmenn til Bretlands til að laga samskiptin

Árni Þór Sigurðsson, formaður utanríkismálanefndar Alþingis, segir að fundur með utanríkismálanefnd og fjárlaganefnd breska þingsins verði vonandi til þess að bæta samskipti Íslands og Bretlands, sem hafa verið í lágmarki eftir þjóðaratkvæðagreiðsluna um Icesave-lögin.

Jóhanna kynnti sér viðbrögð vegna gossins í dag

Jóhanna Sigurðardóttir forsætisráðherra segist hafa fengið að kynnast því í dag hversu vel almannavarnakerfið hafi virkað. Viðbragðsáætlun vegna gossins hafi virkað mjög vel.

Segir eldgosið ekki koma á óvart

Búast má við því að mikið flúóríð og brennisteinskoltvísýringur fari í loftið vegna eldgossins. Þannig geti loftslagið breyst um tíma, segir Henning Andersen, danskur jarðfræðingur, í samtali við Danmarks Radio.

Fyrsta innanlandsflugið farið á sjötta tímanum

Gert er ráð fyrir að fyrsta flugvél á vegum Flugfélags Íslands fari í loftið á sjötta tímanum í dag, en innanlandsflug hefur annars legið niðri. Frá Flugfélagi Íslands fengust þær upplýsingar að farnar yrðu fjórar ferðir til Akureyrar en annars væri ekki flogið.

Gosóróinn í lægð þessa stundina

Gosóróinn í Fimmvörðuhálsi er í lægð núna. Sigurlaug Hjaltadóttir, sérfræðingur á Veðurstofu Íslands, segir að hann virðist minnka og vaxa á víxl. Því er ómögulegt að spá fyrir um framhald málsins. Enn mælast smáskjálftar á svæðinu. Um hádegisbil höfðu um 30 smáskjálftar mælst siðan á miðnætti í nótt.

Fjöldahjálparstöðvum Rauða krossins lokað

Fjöldahjálparstöðvum Rauða krossins á Hvolsvelli, Hellu og í Vík í Mýrdal hefur verið lokað eftir að aðgerðarstjórn almannavarna aflétti rýmingaráætlun að mestu leyti. Íbúar á fjórtán bæjum mega enn ekki snúa til síns heima og verður þeim sem á þurfa að halda útveguð gisting.

Þarf að fylgjast vel með öskufalli

Yfirdýralæknir og Matvælastofnun mælist til þess við bændur að þeir fylgist vel með öskufalli vegna hættu sem búfénaði getur stafað af mengun sem öskunni fylgir. Þá er nauðsynlegt að fylgjast með gæðum vatns þar sem bæir eru með einkavatnsveitur.

Ný rýmingaráætlun vegna eldgossins - 14 bæir enn rýmdir

Á fundi Almannavarnanefndar sem haldinn var á Hellu í dag var tekin ákvörðun um þær rýmingar sem verða í gildi í nótt vegna eldgossins í Eyjafjallajökli. Þær rýmingar sem verða í gildi í nótt eru eftirfarandi:

Lokunum aflétt á Suðurlandsvegi

Öllum lokunum hefur verið aflétt á Suðurlandsvegi en þar hefur umferð verið takmörkuð frá því eldgos hófst í Eyjafjallajökli. Þessi ákvörðun var tekin á aðgerðarstjórnarfundi sem haldinn var á Hellu klukkan þrjú í dag.

Fyrsta vél frá Boston í loftið klukkan hálf fimm

Fyrsta Icelandair vélin sem beðið hefur í Boston vegna eldgossins í Eyjafjallajökli fer í loftið klukkan hálffimm að íslenskum tíma. Guðjón Arngrímsson segir að hinar vélarnar tvær fylgi síðan í kjölfarið. Um fimmhundruð manns hafa beðið í Boston í dag.

Samhæfingarfundur vegna gossins

Samkvæmt upplýsingum frá Samhæfingarmiðstöð Almannavarna verður haldinn stöðufundur með vísindamönnum og öðrum sérfræðingum vegna eldgossins núna klukkan þrjú á Hellu. Á fundinum verður lagt mat á stöðuna og hvernig gosið hefur þróast.

Gosið enn í fullum gangi

Eldgosið í Eyjafjallajökli er enn í fullum gangi að sögn Sigurlaugar Hjaltadóttur jarðeðlisfræðings hjá Veðurstofu Íslands. Hún segir að gosóróinn hafi minnkað um tíu leytið í morgun en síðan rauk hann aftur upp um ellefu leytið og hefur hann gengið í púlsum eftir það en ávallt verið meiri en þegar hann var minnstur klukkan tíu.

Gossprungan í Fimmvörðuhálsi - myndskeið

TF-Líf, þyrla Landhelgisgæslunnar náði einstæðum myndum af gosinu í nótt. Í frétt á heimasíðu Gæslunnar segir að vegna hugsanlegrar ösku var farið að Krísuvík og þaðan til suðurs og 10 sjómílur suður fyrir Surtsey. Þaðan var haldið austur að jöklinum og síðan til norðurs.

Alfreð Þorsteinsson skipar heiðurssæti hjá Framsóknarflokknum

Framsóknarmenn í Reykjavík héldu í gær málefnaþing til undirbúnings borgarstjórnarkosningunum í vor.Þar var rætt um breytingar á frístundakortinu, skilgreiningu á grunnþjónustu, nýjar hugmyndir u

Vegurinn opnaður á milli Þjórsár og Víkur - umferð takmörkuð undir jökli

Opnað hefur verið fyrir umferð á milli Þjórsár og Víkur að því er fram kemur í tilkynningu frá Vegagerðinni. Umferðin er þó takmörkuð enn sem komið er og er fólk vinsamlegast beðið um að vera ekki að stoppa á leiðinni.

Innanlandsflug liggur niðri til kvölds

Allt innanlandsflug liggur niðri þangað til klukkan 18.15 í kvöld vegna eldgossins. Fólk er hvatt til að kynna sér tímasetningar á flugi á textavarpinu.

Alvarlegt ef gosið hefur áhrif á flugsamgöngur

„Fyrstu áhyggjurnar þegar ég heyrði af þessu tengdust fluginu,“ segir Erna Hauksdóttir, framkvæmdastjóri Samtaka ferðaþjónustunnar.

Formaður norska Framfaraflokksins heillaður af gosinu

Siv Jensen, formaður norska Framfaraflokksins, segir að hún sé heilluð af miklum kröftum íslenskrar náttúru. Siv er stödd hér á landi ásamt 120 flokksfélögum sínum segir norska blaðið Verdens Gang.

Lögreglan lokaði veitingastað á Laugavegi

Lögreglan á höfuðborgarsvæðinu lokaði veitingastað á Laugavegi á fjórða tímanum í nótt vegna þess að eigendur höfðu ekki tilskilin leyfi til þess að starfrækja veitingastaðinn.

Þykkan mökk lagði frá gosstöðvunum í morgun - myndir

Gosóróinn í Eyjafjallajökli virðist hafa náð hámarki um 7-8 í morgun en aðeins hefur dregið úr honum síðan, samkvæmt upplýsingum frá jarðskjálftasérfræðingi á Veðurstofunni.

Um 500 manns bíða í Boston eftir flugi til Íslands

Um 500 manns bíða í Boston í Bandaríkjunum eftir því að ná flugi til Íslands. Eldgosið á Fimmvörðuhálsi og lokun flugvalla hefur valdið mikilli truflun á flugi Icelandair.

Gossprungan 0,5 - 1 kílómetri á lengd

Gossprungan á Fimmvörðuhálsi er 0,5-1 km á lengd. Á tímabilinu frá klukkan 04 til 07 var kvikustrókavirkni mjög jöfn.

Fóru í leyfisleysi á Fimmvörðuháls og festu sig

Tveir vísindamenn sem fóru í leyfisleysi upp á Fimmvörðuháls til að virða fyrir sér gosið festust þar á bíl sínum í nótt. Tveir menn frá björgunarsveitinni Víkverja í Vík gerðu sér far upp á Fimmvörðuháls til þess að hjálpa þeim og samkvæmt upplýsingum frá lögreglunni á Hvolsvelli eru þeir á leið niður. Lögreglan segir það mjög ámælisvert af mönnunum að fara þessa leið við þær aðstæður sem nú eru uppi.

Ein umfangsmesta rýmingaraðgerð á Íslandi - myndskeið

Talið er að um sex hundruð manns hafi yfirgefið heimili sín vegna eldgossins í Eyjafjallajökli.

Eyjafjallajökull uaktywnil sie i nastapila erupcja

Eyjafjallajökull uaktywnil sie i nastapila erupcja. Zdecydowano ewakulowac zgodnie z planem. Z nastepujacych miejscowosci zostali ewakulowani ludzie.

Þrír flugvellir lokaðir vegna gossins

Keflavíkurflugvelli, Reykjavíkurflugvelli og Akureyrarflugvelli hefur verið lokað þar til ítarlegri upplýsingar um gosið í Eyjafjallajökli liggja fyrir. Þetta er gert samkvæmt viðbúnaðaráætlun Flugstoða.

Bændum heimilt að fara inn á lokuð svæði í birtingu

Bændum heimilt að fara inn á lokuð svæði undir Eyjafjallajökli í birtingu til þess að sinna búpeningi í birtingu. Bændur óttuðust mjög í nótt um að búfé stafaði ógn af öskufalli frá gosinu.

Aukafréttatími á Stöð 2 í hádeginu á morgun

Stöð 2 verður með aukafréttatíma í hádeginu á morgun. Þar verða sýndar myndir af gosinu, myndir sem teknar voru í Hvolsskóla í nótt, myndir úr samhæfingarmiðstöðinni í Skógarhlíð og ítarlega verður gert grein fyrir stöðu mála.

Gosið ekki í ís

Ari Trausti Guðmundsson jarðeðlisfræðingur segir að bjarminn sem kemur frá gosinu bendi til þess að þarna komi glóandi kvika. Gosið komi ekki upp í ís því þá væri gjóskufjallið meira.

Sprungan norðarlega í Fimmvörðuhálsi - myndskeið

Gossprungan er norðarlega í Fimmvörðuhálsi, á milli Eyjafjallajökuls og Mýrdalsjökuls, segir Landhelgisgæslan eftir að þyrla á hennar vegum hefur flogið yfir.

Fólk rólegt í fjöldahjálparstöðinni í Hvolsskóla - myndskeið

„Þetta gengur vel. Það er allt í rólegheitum hjá okkur,“ segir Hrafnhildur Björnsdóttir, vettvangsstjóri hjá Rauða krossinum, sem stödd var í fjöldahjálparstöðinni í Hvolsskóla á Hvolsvelli þegar Vísir náði tali af henni.

Gríðarlegan gosmökk leggur frá gosstöðvunum

Gríðanlegan gosmökk leggur frá gösstöðvunum í Eyjafjallajökli, segir Kristján Már Unnarsson fréttamaður sem staddur er i grunnskólanum á Hvolsvelli og fylgist með því sem þar fer fram. Hann segir að ekki sjáist til gosstöðvanna frá Hvolsvelli vegna gosmakkarins. Hvasst er á Hvolsvelli og virðist áttin vera þannig að mökkinn leggi að Hvolsvelli. Þyrla flaug yfir svæðið fyrir fáeinum mínútum en gat heldur ekki séð neitt til gosstöðvanna vegna gosmakkarins.

Flugbann yfir eldstöðvunum

Þremur flugvélum Icelandair sem voru á leið frá Seatle, Orlando og New York í Bandaríkjunum, var snúið frá því að koma til íslands vegna eldgossins í Eyjafjallajökli. Flugvélunum frá Seattle og og Orlando var snúið til Boston en flugvélinni frá New York var snúið til Glasgow í Skotlandi.

Gos hafið í Eyjafjallajökli

Gos er hafið í Eyjafjallajökli. Þetta staðfesti lögreglan á Selfossi við Vísi. Lögreglan segir að menn hafi orðið varir við öskufall í jöklinum um korter yfir tólf.

Saka Íslendinga um ólögleg viðskipti með hvalkjöt

Hvalaverndunarsamtökin WDCS segja að Íslendingar hafi brotið alþjóðasamþykktir með því að selja hvalkjöt til Danmerkur og Lettlands. Samtökin hafa gefið út skýrslu um hvalveiðar Íslendinga á árunum í ár og í fyrra. Þau segjast hafa aðgang að íslenskum leyniskjölum um málið.

Karlmaður stunginn á Mánagötu

Karlmaður um fertugt var stunginn með eggvopni í hálsinn við Mánagötu í Reykjavík snemma í morgun. Hann hlaut alvarlega áverka og var fluttur á Landspítalann við Hringbraut.

Tvöfaldur næst í lottóinu

Fyrsti vinningur í lottóinu gekk ekki út í kvöld og verður potturinn því tvöfaldur næst. Tveir voru með fjórar tölur réttar auk bónustölunnar og fær hver um sig tæpar 369 þúsund krónur.