Fleiri fréttir

SVÞ svara Guðmundi Ólafssyni prófessor

Samtök verslunar og þjónustu harma órökstuddar fullyrðingar Guðmundar Ólafssonar háskólaprófessors um matvöruverslunina vegna lækkunar matvælaverðs og eru þess fullviss að aðgerðir ríkisstjórnarinnar munu að fullu skila sér til neytenda. Í tilkynningu sem Samtökin sendu frá sér í dag, segir að viðvarandi ótrú Guðmundar á verslunareigendum og fullyrðingar um að lækkun skatta og tolla skili sér ekki til neytenda í lægra vöruverði veki undrun allra þeirra sem þekkja til verslunar á Íslandi. SVÞ telja að verslun í landinu muni kappkosta að láta hverja þá breytingu sem gerð verður á álögðum gjöldum á matvæli endurspeglast í smásöluverði til neytenda.

Unnið að frumhönnun nýs húss að Sogni

Siv Friðleifsdóttir heilbrigðisráðherra segir að bæta þurfi við þrettán plássum á réttargeðdeildina að Sogni. Unnið er að frumhönnun nýs húss sem byggja á á svæðinu.

Gorbatsjov kemur til landsins í dag

Mikhail Gorbatsjov, fyrrum leiðtogi Sovétríkjanna, lendir á Reykjavíkurflugvelli um klukkan fjögur í dag og kemur til landsins í einkaflugvél Björgólfs Thors Björgólfssonar.

Vill verndar- og nýtingaráætlun innan fjögurra ára

Auðlindanefnd iðnaðarráðherra legggur til að Alþingi samþykki verndar- og nýtingaráætlun fyrir auðlindir í jörðu sem lög eða þingsályktun eigi síðar en árið 2010. Þetta er meðal þess sem fram kemur í skýrslu nefndarinnar sem kynnt var í dag.

Varnarsamningur undirritaður síðdegis í dag

Stefnt er að því sídegis í dag að undirrita í Washington varnarsamning Íslands og Bandaríkjanna. Þrír ráðherrar í ríkisstjórn Íslands eru í Bandaríkjunum vegna þessa viðburðar þau Geir Haarde, forsætisráðherra, Valgerður Sverrisdóttir,utanríkisráðherra og Björn Bjarnason dómsmálaráðherra.

40 bílbeltalausir ökumenn stöðvaðir í gær

Lögreglan stöðvaði 40 ökumenn í gær þar sem þeir óku án bílbelta. Þeir eiga allir von á sekt fyrir athæfið. Einnig voru 25 árekstrar í borginni en í fimm þeirra varð slys á fólki.

Jagland í opinberri heimsókn hér á landi

Thorbjørn Jagland, forseti norska Stórþingsins, verður í opinberri heimsókn á Íslandi ásamt eiginkonu sinni frá og með deginum í dag til 15. október.

Gefur kost á sér í 2. sætið

Birkir Jón Jónsson, alþingismaður, gefur kost á sér í 2. sæti Framsóknarflokksins í Norðausturkjördæmi. Birkir hefur verið þingmaður Framsóknarflokksins síðan árið 2003. Áður var hann aðstoðarmaður félagsmálaráðherra, 2000-2003.

Flugfélag Íslands hefur flug til Eyja á mánudag

Flugfélag Íslands hefur áætlunarflug til Vestmannaeyja næsta mánudag eftir að samkomulag tókst við Vegagerðina um tíu mánaða samning. Hann verður undirritaður í dag að viðstöddum samgönguráðherra og í honum er gert ráð fyrir þrettán flugferðum milli Reykjavíkur og Eyja í viku.

Endurvekja námskeið fyrir unga ökumenn

Umferðarstofa og Sjóvá Forvarnahúsið hafa ákveðið að endurvekja námskeið fyrir unga ökumenn sem Sjóvá hefur staðið fyrir síðastliðinu níu ár. Samstarfssamningur þar að lútandi var undirritaður í gær.

Búist við mikilli umferð vegna landsleiks

Búist er við mikilli umferð vegna landsleiks Íslendinga og Svía á Laugardalsvelli í kvöld. Lögreglan í Reykjavík beinir því til knattspyrnuáhugamanna að þeir leggi tímanlega af stað og sýni þolinmæði, ekki síst eftir leikinn en þá verður umferðin væntanlega enn þyngri.

Íslenskar bringur fjórfalt dýrari en danskar

Gríðarlegur verðmunur er á innkaupakörfu keyptri í Danmörku og á Íslandi í dag. Þar vega þyngst kjúklingabringur sem eru rösklega fjórfalt dýrari í íslensku körfunni. Sextán prósenta lækkun ríkisstjórnarinnar á matarverði hrekkur skammt til að draga úr þeim mun.

Ráðherra vill þyngri refsingar fyrir brot gegn valdstjórninni

Maður sem skaut af haglabyssu í efri byggðum Reykjavíkur fyrir skömmu mundaði byssuna skammt frá lögreglumönnum sem náðu að yfirbuga hann. Þá var fíkniefnasali handtekinn á föstudag með fullhlaðna skammbyssu. Dómsmálaráðherra vill þyngja refsingar fyrir brot gegn lögreglumönnum.

82 nöfn á vitnalista ákæruvaldsins

Áttatíu og tvö nöfn eru á vitnalista ákæruvaldsins, sem lagður var fram í Héraðsdómi Reykjavíkur, í fyrirtöku í Baugsmálinu, í dag.

Útilokar ekki fleiri rannsóknaleyfi

Jón Sigurðsson iðnaðar- og viðskiptaráðherra, útilokar ekki að rannsóknarleyfi vegna nýrra virkjana verði gefin út áður en kosið verður til alþingis næsta vor.

Heimilid í fjáraukalögum

Fyrsta umræða um fjáraukalögin fer fram á Alþingi í dag. Í þeim kemur fram að heildartekjur Ríkissjóðs fyrir árið 2006 eru nú 29 milljörðum hærri en áætlað hafði verið og að Ríkið hefur hug á að kaupa Landsvirkjun af sveitarfélögunum. Í endurmati á framvindu og þjóðhagsforsendum er áætlað að tekjur verði 40 milljörðum króna hærri en gert hafði verið ráð fyrir og gjöld 11 milljörðum hærri.

Tímasetning orkar tvímælis

Tímasetning á aðgerðum ríkisstjórnarinnar til að lækka matarverð orkar tvímælis segir Grétar Þorsteinsson, forseti ASÍ. Hann er ekki bjartsýnn á að nógu hratt dragi úr þenslu.

Bandarískt flugmóðurskip til Reykjavíkur

Fjörutíuþúsund tonna bandarískt flugmóðurskip kemur til Reykjavíkur í þessari viku, og segir í tilkynningu frá Bandaríska sendiráðinu að það sé í samræmi við samkomulag landanna um að viðhalda og styrkja samstarf í öryggismálum, í kjölfar þess að herstöðinni á Keflavíkurflugvelli var lokað.

Eldur í jeppa við Skúlagötu

Eldur kom upp í mannlausum jeppa, sem stóð við Skúlagötu í Reykjavík undir morgun og var slökkvililðið kallað á vettvang til að ráða niðurlögum eldsins. Jeppinn er nýlegur og kannar lögregla meðal annars hvort kveikt hafi verið í honum.

Vegagerðin bauð út þrjú verk

Geir H. Haarde, forsætisráðherra, tilkynnti í síðustu viku að myndast hefði svigrúm til að hefja samgöngubætur á ný en í júní voru öll útboð vegna Vegagerðar stöðvuð. Í gær var boðinn út Veigastaðarvegur, sem er milli Hringvegar og Eyjafjarðarbrautar eystri.

Vegagerðin hóf útboð á ný

Vegagerðin bauð í dag út þrjú verk. Geir H. Haarde, forsætisráðherra, tilkynnti í síðustu viku að myndast hefði svigrúm til að hefja samgöngubætur á ný en í júní voru öll útboð vegna Vegagerðar stöðvuð.

Verður meðal stærstu verkalýðsfélaga landsins

Stofnfundur nýs sameinaðs verkalýðsfélags, Félags járniðnaðarmanna og Vélstjórafélags Íslands, verður um helgina. Um fjögur þúsund manns verða í félaginu sem verður meðal stærstu verkalýðsfélaga landins.

Kristján Þór vill leiða í Norðausturkjördæmi

Kristján Þór Júlíusson, bæjarstjóri á Akureyri, sækist eftir að leiða lista Sjálfstæðisflokksins fyrir komandi kosningar í Norðausturkjördæmi. Hann er sá þriðji sem lýsir því yfir að hann vilji leiða listann. Kristján tilkynnti þetta á aðalfundi fulltrúaráðs sjálfstæðisfélaganna á Akureyri í kvöld.

Sjálfstæðisflokkurinn sakaður um pólitískar njósnir

Sjálfstæðisflokkurinn var á Alþingi í dag sakaður um pólitískar njósnir. Formaður Vinstri-grænna segir að gróflega hafi verið brotin mannréttindi á friðarsinnum og vinstri mönnum af pólitískum andstæðingum þeirra og opinbert fé hafi verið misnotað í því skyni. Dómsmálaráðherra kynnti á föstudag fyrir ríkisstjórn og í dag fyrir formönnum þingflokka, tillögur um öryggislögreglu.

Íslenska ríkisstjórnin fordæmir kjarnorkutilraunir

Kim Jong-Il, leiðtogi Norður-Kóreu, virðist orðinn algerlega einangraður eftir atburði næturinnar. George Bush Bandaríkjaforseti segir ljóst að Norður-Kóreu verði refsað fyrir að hafa gengið gegn vilja alls alþjóðasamfélagins. Íslenska ríkisstjórnin hefur sent stjórnvöldum í Norður-Kóreu yfirlýsingu þar sem tilraunin er fordæmd.

Breytingarnar munu skerða kjör bænda

Haraldur Benediktsson, formaður Bændasamtakanna, segir aðgerðir ríkisstjórnarinnar, til lækkunar matarverðs, ganga heldur lengra en bændur höfðu búist við. Hann segir tillögurnar skerða kjör bænda verulega.

Fjölga þarf plássum að Sogni

Siv Friðleifsdóttir heilbrigðisráðherra segir að bæta þurfi við þrettán plássum við Réttargeðdeildina að Sogni. Unnið er að frumhönnun nýs húss sem byggja á á svæðinu.

Sjúkdómsvæðing hegðunarvandamála

Hegðunarvandi íslenskra barna hefur margfaldast á síðustu tíu árum, segir deildarstjóri Miðgarðs í Grafarvogi. Nýlegar tillögur heilbrigðisráðherra munu ýta undir sjúkdómsvæðingu hegðunarvandamála barna.

Vörugjöldin hverfa og vaskurinn lækkar í 7%

Matarreikningur heimilanna lækkar um tugi þúsunda á ári þegar tillögur ríkisstjórnarinnar um aðgerðir til að lækka matarverð taka gildi. Virðisaukaskattur á allan mat lækkar niður í sjö prósent og vörugjöld heyra sögunni til frá fyrsta mars á næsta ári.

Umhverfisstofnun getur gert betur

Meginmarkmið stjórnvalda með stofnun Umhverfisstofnunar hafa aðeins að hluta náð fram að ganga. Þetta kemur fram í stjórnsýsluúttekt Ríkisendurskoðunar á Umhverfisstofnun.

Ríkisútvarpið hættir við að stefna 365 og Góðu fólki

Ríkisútvarpið, 365 og Gott fólk hafa gert með sér sátt vegna breytinga og afbökunar á auglýsingum 365 á auglýsingum Ríkisútvarpsins. Í framhaldi af því hefur Ríkisútvarpið afturkallað stefnu sína gegn 365 og Góðu fólki.

Aðgerðir vegna uppsagna hjá Alcan

Formenn verkalýðsfélaga velta nú fyrir sér aðgerðum vegna þess sem þeir kalla siðlausar uppsagnir hjá Alcan í Straumsvík og undirbúa meðal annars fund með starfsfólki fyrirtækisins. Einn þriggja starfsmanna, sem sagt var upp nú fyrir helgi, segir að kuldi og mannvonska einkenni stjórnarhætti æðstu stjórnarmanna Alcan

Sjá næstu 50 fréttir

Mest lesið