Konungur sáttur við forsætisráðherra

Jens Stoltenberg forsætisráðherra Noregs hefur viðurkennt að það hafi verið mistök að fela ekki Haraldi konungi að sæma norska hermenn heiðursmerkjum á degi uppgjafahermanna um síðustu helgi. Mjög sterk viðbrögð urðu við því þegar norska Dagbladet skýrði frá því að ríkisstjórnin hefði hafnað aðkomu konungs.

Verkfall í Grikklandi

Tvö stærstu verkalýðsfélög Grikklands hafa boðað til verkfalls í dag sem búist er við að lami landið að miklu leyti. Félögin vilja með þessu mótmæla niðurskurðar- og sparnaðaráformum ríkisstjórnarinnar en landið glímir við mikinn fjárhagsvanda og nýtur aðstoðar Evrópusambandsins og Alþjóðagjaldeyrissjóðnum við að rétta úr kútnum.

Þriðjungur stjórnar FIFA í spillingarmálum

Vaxandi þrýstingur er á Alþjóða knattspyrnusambandið um að rannsaka ásakanir um spillingu innan þess. Fyrrverandi formaður breska knattspyrnusambandsins Triesman lávarður bar vitni fyrir íþróttanefnd breska þingsins í gær.

Ekkja Stiegs Larsson á Íslandi í dag

Eva Gabrielsson, rithöfundur og ekkja Stieg Larsson, er væntanleg til landsins í dag. Hún ætlar að vera gestur á Höfundakvöldi í Norræna húsinu á morgun.

Enn í haldi lögreglunnar

Karlmaður sem handtekinn var í Grindavík í gær er enn í haldi lögreglunnar og verður yfirheyrður síðar í dag. Karlmaðurinn hafði í hótunum við föður sinn. Hann var ekki vopnaður, en lögreglan á Suðurnesjum fékk aðstoð frá sérsveit lögreglustjóra við að handtaka manninn.

Röng íþróttasíða fylgdi Fréttablaðinu

Vegna mistaka fylgdi röng íþróttasíða Fréttablaðinu í dag. Síðan sem birtist í blaðinu í gær var birt aftur í dag. Beðist er velvirðingar á þessu, en rétt síða er í vefútgáfu blaðsins sem má sjá með því að smella hér.

Palli át hattinn sinn

Páll Óskar Hjálmtýsson var einn þeirra sérfræðinga sem höfðu slegið því föstu að Íslendingar kæmust ekki upp úr forkeppninni í Eurovision í gærkvöldi. Þegar annað kom á daginn lofaði Palli að hann skyldi éta hatt sinn og við það stóð hann í útvarpsþættinum Í bítið á Bylgjunni í morgun þegar hann mætti með glæsilegan brauðtertuhatt sem hann át í beinni útsendingu.

Breskur almenningur var hrifnari en gagnrýnendur

Þótt breskir gagnrýnendur hafi ekki brugðist svo vel við Næturvaktina, sem BBC 4 sýnir þessa vikuna, gegnir allt öðru um almenning í Bretlandi sem virðist hafa skemmt sér ágætlega yfir fyrsta þættinum í fyrrakvöld. Nokkrir áhorfendur lýstu hrifningu sinni á Twitter sama kvöld og þetta fór allt saman fram.

Rybak í losti á meðan Íslendingarnir brjálast

Norðmenn eru með böggum hildar eftir að framlag þeirra í Eurovision þetta árið kolféll í keppninni í gær. Laginu „Haba Haba“ hafði verið spáð góðu gengi og voru frændur okkar vissir um að fara létt í úrslitin. Annað kom á daginn og þegar Ísland kom síðast upp úr hattinum í gærkvöldi var Alexander Rybak, sigurvegari Norðmanna hér um árið, þrumu lostinn.

Bandaríkjamenn taka upp símaviðvörunarkerfi

Bandaríkjamenn taka á næstunni í notkun nýtt kerfi sem gerir yfirvöldum kleift að senda almenningi smáskilaboð í farsíma til þess að vara þá við bráðri hættu. Kerfið verður fyrst tekið í gagnið í New York og í höfuðborginni Washington.

Banaslys á Austfjörðum

Banaslys varð laust fyrir klukkan níu í gærkvöldi á þjóðveginum um Kambanes á milli Stöðvarfjarðar og Breiðdalsvíkur. Í tilkynningu frá lögreglu segir að fólksbifreið hafi verið ekið út af veginum og hún farið nokkrar veltur. "Ökumaðurinn, sem var einn í bílnum, kastaðist út úr henni og lést á vettvangi skömmu seinna. Hann var á fimmtugsaldri.“

Sarah súr yfir að fá ekki að mæta í brúðkaupið

Hertogaynjan af York, Sarah Ferguson, sem eitt sinn var gift Andrew Bretaprinsi, segir það hafa verið erfiða lífsreynslu að vera ekki boðið í brúðkaup Vilhjálms Prins og Katrínar.

Synir Osama gagnrýna drápið á föður sínum

Synir hryðjuverkaleiðtogans Osama Bin Laden gagnrýna bandarísk yfirvöld harðlega í yfirlýsingu sem þeir sendu stórblaðinu New York Times.

Vildu ekki vöfflur

Samningamenn Framsýnar,- verkalýðsfélaga í Þingeyjasýslum og verðalýðafélags Þórshafnar, höfnuðu hefðbundnu vöfflukaffi í húsakynnum Ríkissáttasemjara eftir að þeir höfðu undirritað nýjan kjarasamning við Samtök atvinnulífsins í gærkvöldi.

Gagnrýnir ákæruna á Geir

Andri Árnason verjandi Geirs Haarde fyrrverandi forsætisráðherra er gagnrýninn á ákæruna gegn Geir sem gefin var út í gær fyrir brot á lögum um ráðherraábyrgð. Í samtali við Fréttablaðið segir hann að ákæran sé nánast orðrétt upp úr þingsályktunartillögunni um ákæruna á hendur Geir og engum rökstuðningi sé bætt við, eins og lög geri þó ráð fyrir þegar um flókin ákæruatriði sé að ræða.

Biskupinn fékk bréf til andmæla

Karl Sigurbjörnsson, biskup Íslands, var einn þeirra sem fengu sent bréf til andmæla frá rannsóknarnefnd þjóðkirkjunnar um síðustu mánaðamót. Þetta fékkst staðfest hjá Biskupsstofu í gær.

Frægasti hjólabrettamaður heims á Íslandi

Hjólabrettagoðsögnin Tony Hawk kom til landsins í gær ásamt fjölskyldu sinni, samkvæmt heimildum Fréttablaðsins. Hawk er í fríi á landinu og stoppar stutt, þar sem hann sýnir listir sínar í Svíþjóð á laugardaginn.

Slys á Austfjörðum

Alvarlegt umferðarslys varð á þjóðveginum á milli Stöðvarfjarðar og Breiðdalsvíkur á Austfjörðum í gærkvöldi. Samkvæmt heimildum Fréttastofu voru einhverjir fluttir á sjúkrahús og rannsóknarnefnd umferðaslysa kölluð á vettvang, en ekki hefur náðst samband við lögregluyfirvöld sem rannsaka málið.

Lögreglan hefur ekki undan við rannsókn kynferðisbrota

Nær áttatíu kærur vegna kynferðisbrota bárust kynferðisbrotadeild lögreglunnar á höfuðborgarsvæðinu á fyrstu fjórum mánuðum þessa árs, samtals 76 mál. Um var að ræða 33 kærur vegna nauðgunar, tuttugu kærur vegna brota gegn börnum, fjögur barnaklámsmál frá Europol og Interpol og nítján blygðunarsemisbrot. Auk þessa bárust nítján mál vegna heimilisofbeldis til deildarinnar.

Facebook logar - hvar er Sigmar!

Þeir voru ófáir sem vildu fá gamla Eurovison-kynninn Sigmar Guðmundsson til þess að kynna keppnina á nýog lýstu yfir óánægju sinni á samskiptavefnum Facebook. Þannig greinir fréttasíðan Fréttir af Facebook frá almennri óánægju með nýja þulinn, Hrafnhildi Halldórsdóttur, sem lýsir nú keppninni.

Hamfarir í Japan hafa talsverð áhrif á hvalveiðar á Íslandi

Líklega mun ástandið í Japan bitna harkalega á hvalveiðum hér á landi samkvæmt fréttaveitunni AFP. Þar er rætt við Kristján Loftsson eiganda Hvals hf., og hann spurður hvaða áhrif hamfarirnar í Japan munu hafa á hvalveiðarnar.

Ísland stóð sig vel - sérfræðingar þó svartsýnir

Þá eru Vinir Sjonna búnir að flytja framlag Íslands í Eurovison. Flutningurinn tókst vel eins og við var að búast. Laginu var vel fagnað.

Sigmar Guðmundsson: 7 þjóðir öruggar - Ísland fer ekki áfram

Kastljósmaðurinn Sigmar Guðmundsson, sem hefur lýst Eurovision keppninni um árabil, þó ekki ár, spári sjö þjóðum öruggu gengi í kvöld. Hann skrifar á Facebook-síðu sína að þetta sé ekki flókið:

Segir það þjóðhagslega hagkvæmt að vinna Eurovison

Íslendingar gætu vel haldið Eurovision hér á landi og grætt á því ef marka má niðurstöður lokaritgerðar í Hagfræði. Höfundurinn er nú er staddur úti í Dusseldorf.

Vill ekki skjóta mávana - vinsamleg tilmæli nægja

Borgarfulltrúi Besta flokksins beinir því til fólks að hætta að gefa öndunum á Tjörninni Reykjavík brauð til að sporna við ágangi máva. Ekki stendur til að banna brauðgjafirnar að svo stöddu.

Ísland fjórtánda í röðinni

Eurovision er hafið og er bein útsending á RÚV. Um er að ræða fyrri undankeppnina sem Íslendingar taka þátt í. Alls munu nítján lönd keppa um að komast áfram í kvöld. Tíu lönd komast áfram.

Börn valin eftir tekjum en ekki tannskemmdum

Ósanngjarnt er að mismuna börnum eftir launum foreldra sinna þegar kemur að tannlæknaþjónustu. Þetta segir formaður Tannlæknafélagsins.

Uppstokkun á kvótakerfinu

Fimmtán prósent heildarafla hvers árs verða komin á frjálsan leigumarkað eftir fimmtán ár, samkvæmt frumvörpum sjávarútvegsráðherra um stjórn fiskveiða sem afgreidd voru út úr ríkisstjórn í dag. Veiðigjald verður hækkað um fimmtíu prósent.

Saksóknari hefur ákært Geir

Saksóknari Alþingis hefur gefið út ákæru á hendur Geir H. Haarde, fyrrverandi forsætisráðherra, vegna meintra brota hans á tímabilinu febrúar 2008 og fram í októberbyrjun sama ár. Í ákærunni er Geir sakaður um að hafa framið brotin af ásetningi eða stórkostlegu hirðuleysi. Ákæran er í tveimur liðum og skiptist fyrri liðurinn í fimm undirliði.

Grunnframfærsla LÍN hækkuð

Grunnframfærsla Lánasjóðs íslenskra námsmanna hækkar um 10% samkvæmt tillögu Katrínar Jakobsdóttur menntamálaráðherra, sem samþykkt var á ríkisstjórnarfundi í morgun. Í tilkynningu frá ráðherra kemur fram að hækkunin tekur gildi á frá og með skólaárinu 2011-2012 og verður þá tæplega 133 þúsund krónur. Á yfirstandandi skólaári er grunnframfærslan tæplega 121 þúsund krónur og er því um 10% hækkun að ræða.

Heldur fyrirlestur um staðgöngumæðrun

Karen Busby, feministi og lagaprófessor við Háskólann í Manitoba, heldur fyrirlestur um staðgöngumæðrun á Hótel Cabin klukkan fimm í dag. Í fréttatilkynningu frá félaginu Staðgöngu segir að nýjustu rannsóknir hennar sem varða staðgöngumæðrun á Vesturlöndum séu með þeim ítarlegustu og yfirgripsmestu hingað til. Fyrirlesturinn er í ráðstefnusal á sjöundu hæð á Hótel Cabin í Borgartúni.

Jóhanna kallar eftir sátt í jafnréttismálinu

Jóhanna Sigurðardóttir, forsætisráðherra, ætlar ekki að kæra úrskurð kærunefndar jafnréttismála til dómstóla. Arnar Þór Másson var ráðinn sem skrifstofustjóri á nýrri skrifstofu stjórnsýslu- og samfélagsþróunar í ráðuneytinu. Anna Ólafsdóttir taldi að með ráðningunni hefðu jafnréttislög verið brotin og kærði málið til kærunefndar jafnréttismála.

Forsetafrúin er feykistælt

Michelle Obama er orðin fyrirmynd Bandaríkjamanna á öllum aldri sem vilja líta vel út. Hún lagði raunar upp með það verkefni að minnka offitu meðal barna, en það hefur hlaðið utan á sig, ef svo má að orði komast í frétt sem fjallar um fitu.

Feðgar dæmdir fyrir árás á verslunarmann

Héraðsdómur Reykjaness dæmdi í dag tvo karlmenn, sem eru feðgar, í skorðsbundið fangelsi fyrir að ráðast á starfsmann í Fjarðakaupum í Hafnarfirði í apríl 2009. Starfsmaðurinn hugðist stöðva konu, sem er móðirin í fjölskyldunni, þegar að honum sýndist konan hafa stungið inn á sig geisladiskum úr versluninni. Eftir að þeir réðust að starfsmanninum réðust þeir á annan mann við verslunina sem hugðist koma starfsmanninum til aðstoðar.

Chrystel verður aflífuð

Yfirvöldum ber að aflífa rottweilertíkina Chrystel. Þetta er niðurstaða úrskurðarnefndar um hollustuhætti og mengunarvarnir.

Vill að Össur kanni hvort NATO hafi hunsað flóttamen

Þórunn Sveinbjarnardóttir þingkona Samfylkingarinnar hvetur Össur Skarphéðinsson til þess að nýta sér stöðu sína og kanna hvað hæft sé í þeim fréttum að 61 flóttamaður á leið frá Líbíu til Ítalíu hafi látið lífið um borð. Málið hefur vakið mikla athygli en það var breska blaðið The Guardian sem fyrst sagði frá því. Blaðið hefur eftir fólki sem komst af að yfirvöld á svæðinu, þar á meðal NATO, hafi vitað af neyðinni án þess að brugðist hafi verið við.

Fangelsi fyrir að framvísa röngum vegabréfum

Héraðsdómur Reykjaness dæmdi í gær þrjá eþíópíska ríkisborgara í 30 daga fangelsi fyrir að framvísa röngum vegabréfum við komuna til Íslands. Fólkið kom með flugi frá Osló á föstudaginn. Fólkið játaði brot sitt skýlaust fyrir dóminum. Um er að ræða karlmenn sem fæddir eru 1965 og 1975 og konu sem er fædd árið 1978.

Íslenskur húmor fer illa í breska gagnrýnendur

Næturvaktin í leikstjórn Ragnars Bragasonar lagðist greinilega misvel í Breta. Fyrsti þátturinn í seríunni var sýndur á sjónvarpsstöðinni BBC 4 í gær. "Orðalag og tungumálið er almennt er jafnan stærsta atriðið sem fær okkur til að hlæja, þannig að Næturvaktin, sem er íslenskur skemmtiþáttur með texta, er dálítil áhætta," segir Brian Viner, gagnrýnandi breska blaðsins Independent. Hann efast hins vegar ekkert um það að Íslendingum finnist þátturinn fyndinn. "Mér fannst það hins vegar ekki,“ segir hann.

Ætla að afgreiða kvótamálið í ríkisstjórn í dag

Til stendur að afgreiða frumvörp um breytingar á fiskveiðistjórnunarkerfinu út úr rikisstjórn í dag. Ráðherrar komu saman til reglulegs fundar í stjórnarráðshúsinu í morgun og stendur sá fundur enn.

Biðlað til Svandísar og Jóhönnu að hlífa hvítabjörnum

Alþjóðlegt bænaskjal til þeirra Svandísar Svavarsdóttur umhverfisráðherra og Jóhönnu Sigurðardóttur forsætisráðherra, um að hlífa hvítabjörnum, hefur nú verið opnað á netinu og hafa yfir sexhundrað manns þegar skrifað undir. Útlendingar virðast vera í miklum meirihluta.

Surtsey á frímerki hjá Sameinuðu Þjóðunum

Surtsey hefur orðið þess heiðurs aðnjótandi að prýða frímerki sem gefið er út af Póststofnun Sameinuðu Þjóðanna. Sex frímerki hafa verið gefin út í sérstakri útgáfu sem ætlað er að minnast norrænna heimsmynja.

Móðgaði Harald konung

Talsvert uppnám hefur orðið í Noregi eftir að norska Dagbladet hélt því fram að Jens Stoltenberg forsætisráðherra hefði komið í veg fyrir að Haraldur konungur sæmdi hermenn heiðursmerkjum á degi uppgjafahermanna síðastliðinn sunnudag.

Synda fyrir bætta geðheilsu

Sala á K-lykli Kiwanishreyfingarinnar hófst í morgun með því að Jakob Jóhann Sveinsson og Ragnheiður Ragnarsdóttir, afreksmenn í sundi, stungu sér til sunds í Laugardalslauginni í Reykjavík ásamt þeim Herði Oddfríðarsyni, formanni Sundsambandsins, og Óskari Guðjónssyni frá Kiwanissamtökunum.

Hertogahjónin farin í brúðkaupsferð

Hertogahjónin af Cambridge, þau Vilhjálmur Bretaprins og Katrín eiginkona hans, eru farin í brúðkaupsferð, nú þegar 10 dagar eru liðnir frá brúðkaupi þeirra í Westminister Abbey. Daily Telegraph segir að konungshirðin hafi staðfest að þau hefðu lagt af stað í ferðina en ekkert hefur fengist staðfest um það hvert þau fóru. Óstaðfestar heimildir herma að þau hafi farið til Sikileyja en aðrar heimildir segja að þau hafi farið á Indlandshaf.

Fjöldi nýnema tvöfaldast

Nýnemar á háskólastigi voru um það bil 3900 síðasta haust og hafði fjöldi þeirra tæplega tvöfaldast frá hausti 1997. Þetta kemur fram í tölum Hagstofunnar. Nýnemar voru þó enn fleiri haustið 2009 eða tæplega 4400 og hafa aldrei verið fleiri en þá.