Innlent

Jóhanna kallar eftir sátt í jafnréttismálinu

Jón Hákon Halldórsson skrifar
Jóhanna Sigurðardóttir forsætisráðherra ætlar ekki að kæra úrskurðinn til dómstóla.
Jóhanna Sigurðardóttir forsætisráðherra ætlar ekki að kæra úrskurðinn til dómstóla.
Jóhanna Sigurðardóttir, forsætisráðherra, ætlar ekki að kæra úrskurð kærunefndar jafnréttismála til dómstóla. Arnar Þór Másson var ráðinn sem skrifstofustjóri á nýrri skrifstofu stjórnsýslu- og samfélagsþróunar í ráðuneytinu. Anna Ólafsdóttir taldi að með ráðningunni hefðu jafnréttislög verið brotin og kærði málið til kærunefndar jafnréttismála.

Forsætisráðherra segist vilja ljúka málinu í sátt. „Þrátt fyrir að ýmis atriði hefðu getað réttlætt málshöfðun til ógildingar úrskurði kæruefndar jafnréttismála, m.a. að mati ríkislögmanns, er það vilji forsætisráðherra að freista þess að ljúka málinu með sátt ," segir forsætisráðherra í tilkynningu.

Ráðherra hefur því falið ríkislögmanni að hefja formlegar sáttaumleitanir í málinu.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið