Enginn með allar tölurnar réttar

Enginn var með allar tölur í lottóinu réttar. Tveir voru þó með fjórar tölur réttar plús bónustölu. Þeir fá rúmlega 100 þúsund krónur á mann. Þá voru tveir með fjórar tölur réttar í röð og fá þeir sömu upphæð.

Fjórtán mánaða gamalt barn fékk brennandi vatn yfir sig

Fjórtán mánaða gamalt barn var flutt með sjúkrabíl til Reykjavíkur frá Selfossi um fjögurleytið í dag. Foreldrar barnsins voru að sjóða vatn á hellu og litu frá því í örstutta stund en á þeim tíma teygði barnið sig í pottinn og fékk sjóðandi heitt vatnið yfir sig.

Líkamsárásarkæra í Vestmannaeyjum

Stelpa kærði líkamsárás í Vestmannaeyjum í dag eftir að hún var slegin hnefahöggi í nótt, samkvæmt upplýsingum frá lögreglunni í Vestmannaeyjum. Atvikið átti sér stað fyrir utan heimahús bænum en ágreiningur var á milli aðila og stelpan reyndi að skakka leikinn. Þá var hún slegin hnefahöggi af karlmanni.

Björk: Til hamingju Ísland

"Til hamingju Ísland: klukkan er ekki þrjú og það eru komnar 35073 undirskriftir," skrifar Björk Guðmundsdóttir á Twitter-síðu sína. Björk stóð fyrir undirskriftarsöfnun þar sem einstaklingar skora á Alþingi að láta fara fram þjóðaratkvæðagreiðslu um eignarhald á orkuauðlindum Íslands og nýtingu þeirra.

Fundu 15 hauslaus lík í Mexíkó

Lík fimmtán karlmanna á aldrinum 15 til 25 ára fundust í morgun nærri verslunarmiðstöð í ferðamannabænum Acapulco í Mexíkó. Höfuðin af mönnum höfðu öll verið skorin af. Málið er í rannsókn en talið er að það tengist eiturlyfjaheiminum. Þúsundir hafa látist síðustu ár í ofbeldi tengdu eiturlyfjum sem hefur verið stórt vandamál í landinu.

Nokkrar Þrettándabrennur haldnar í dag

Síðbúnar Þrettándabrennur verða á höfuðborgarsvæðinu í dag. Sú fyrri við Ægisíðu klukkan fimm en þar verður jafnframt flugeldasýning sem hefst korter fyrir sex. Í Leirdal í Grafarholti hefst svo brenna klukkan hálf sex.

Skotinn til bana á Vesturbakkanum: „Guð er almáttugur“

Ísraelski herinn skaut palestínskan mann við landamæri á Vesturbakkanum í morgun. Talsmaður hersins segir að leigubíll hafi komið upp að landamærasvæðinu og út hafi stigið maður sem gekk rösklega að hermönnum. Hann hafi öskrað: „Guð er almáttugur“ á arabísku og hafi verið með „grunsamlegan hlut“ í hendinni.

Tekur langan tíma að vinna upp það sem tapast

Efldar rannsóknir, doktorsnám og fleira starfsfólk við Háskóla Íslands eru lykilatriði til að hann geti komist í röð hundrað bestu háskóla í heimi. Þetta er mat Kristínar Ingólfsdóttur rektor skólans sem segir vísindaárangur vera helstu forsendu fyrir góðu gengi háskóla.

Fjórir á slysadeild eftir árekstur við Bústaðaveg

Harður árekstur varð á gatnamótum Reykjanesbrautar og Bústaðavegar nú fyrir stuttu. Samkvæmt upplýsingum frá lögreglu voru fjórir fluttir á slysadeild, en enginn mun vera alvarlega slasaður.

Tveir á slysadeild eftir þriggja bíla árekstur

Tveir slösuðust og voru fluttir á slysadeild eftir þriggja bíla árekstur í Hafnarfirði laust fyrir hádegið í dag. Slysið varð á gatnamótum Reykjavíkurvegar og Hjallabrautar. Tildrög slyssins liggja eru óljós.

Ólíðandi að vera sett undir hatt glæpamanns

Birgitta Jónsdóttir þingmaður Hreyfingarinnar býst við að bandarísk stjórnvöld hafi óskað eftir gögnum um hana af fleiri vefsíðum en Twitter, en þeirri síðu hefur verið stefnt til að afhenda öll gögn um hana.

„Elvis prins“ fæddur í Danmörku

María krónprinsessa af Danmörku eignaðist tvíbura í morgun, dreng og stúlku. Hún var lögð inn á Ríkissjúkrahúsið í Kaupmannahöfn í gær og í morgun komu börnin svo í heiminn.

Styttist í takmarkið - vantar tvö þúsund undirskriftir

Um 33 þúsund undirskriftir hafa safnast á orkuaudlindir.is en þar er skorað á Alþingi að láta fara fram þjóðaratkvæðagreiðslu um eignarhald á orkuauðlindum Íslands og nýtingu þeirra.

Þyrlan kölluð út vegna fyrirburafæðingar

Þyrla Landhelgisgæslunnar fór í gærkvöldi til Vestmannaeyja vegna fyrirburafæðingar á sjúkrahúsi þar í bæ. Sjúkrahúslæknir í Vestmannaeyjum óskaði eftir aðstoð þyrlunnar. Þá var óskað eftir hitakassa og fæðingarlækni frá Landspítalanum.

Drottning amfetamínsins framseld

Kólumbísk stjórnvöld hafa framselt konu, sem er þekkt sem ,,drottning amfetamínsins," til Bandaríkjanna. Konan, sem heitir Beatriz Elena Henao var meðal þeirra tíu efstu á lista Interpol yfir eftirlýstar konur.

Falsaði eigin mannrán

Brasílíski fótboltamaðurinn Somalia hefur verið ákærður fyrir að tilkynna lögreglu um mannrán sitt sem aldrei átti sér stað. Somalia hélt því fram að vopnaðir menn hefðu numið hann á brott klukkan sjö að morgni á leið sinni á fótboltaæfingu.

Víða skafrenningur og hálka

Á Norðurlandi eystra er þungfært inn Eyjafjörð og stendur mokstur yfir. Snjóþekja er frá Akureyri að Dalvík og í Víkurskarði að Ljósavatsskarði, þaðan og til Húsavíkur er snjóþekja og éljagangur. Ófært er út á Grenivík en mokstur stendur yfir.

Hvetja íbúa til að huga að húsum sínum

Vegna rafmagnstruflana kom upp bilun í dælum í Reykjaveitu, hitaveitu sem liggur frá Reykjum í Fnjóskadal niður á Grenivík, í gær. Allt vatn fór af veitunni og komst ekki á fyrr en um hádegisbil í gær. Íbúar á svæðinu eru hvattir til að íhuga að húsum sínum.

Sprengjan sprakk í andlitið - augað slapp

Flugeldur sprakk í andlitið á pilti á sextánda ári í Vestmannaeyjum seint í gærkvöld. Hann og tveir aðrir piltar á sama aldri höfðu tekið í sundur sprengjutertu og ætlað að sprengja upp. Betur fór en áhorfðist í fyrstu því sprengjan sprakk við augabrún piltsins og augað slapp við skaða.

Bandaríkjamenn vilja upplýsingar um Birgittu

Dómsmálaráðuneyti Bandaríkjanna hefur farið fram á að samskiptasíðan Twitter afhendi ráðuneytinu allar færslur Birgittu Jónsdóttur þingmanns Hreyfingarinnar og aðrar persónuupplýsingar hennar.

Svarar bréfi með áminningu

Samtök verslunar og þjónustu (SVÞ) sendu bréf til landbúnaðarráðuneytisins í gær, þess efnis að svínabændur væru nú að hækka svínakjötsverð sökum viðvarandi kjúklingaskorts í búðum.

Þrjátíu og fimm ríki eru rekin með halla

Þrjátíu og fimm af fimmtíu ríkjum Bandaríkjanna eru rekin með halla á þessu ári. Samanlagður fjárlagahalli þeirra er talinn nema um 16.500 milljörðum íslenskra króna, eða um 140 milljörðum Bandaríkjadala. Næst á eftir hruni húsnæðismarkaðarins er fjárhagsvandi ríkjanna talinn mesti efnahagsvandi sem Bandaríkin eiga nú við að etja.

Bæjarfulltrúar biðja Ísfirðinga afsökunar

Umhverfisnefnd Alþingis hefur falið Ólínu Þorvarðardóttur alþingismanni að hafa umsjón með endurskoðun löggjafar um upplýsinga- og viðbragðsskyldu stjórnvalda til að kanna hvaða þátt veilur í lögum kunni að hafa haft í Funamálinu. Bæjarfulltrúar, bæði í meiri- og minnihluta, báðu íbúa afsökunar á andvaraleysi sínu á fundi bæjarstjórnar á miðvikudag.

Stjórnarsáttmálanum ekki breytt

Það ferli sem er í gangi varðandi aðild Íslands að Evrópusambandinu heldur áfram og engar kröfur um annað hafa komið fram af hálfu Vinstri grænna. Þetta kom fram í máli Jóhönnu Sigurðardóttur forsætisráðherra á blaðamannafundi að loknum ríkisstjórnarfundi í gær. Á fundinum var kynnt sóknaráætlunin Ísland 20/20.

Börnin inni vegna mengunar

Loftmengun í Reykjavík hefur verið með versta móti síðustu daga og hefur leikskólabörnum víða um borgina verið haldið innandyra í marga daga sökum þess.

Ráðherranefnd taki á atvinnumálum

Hvatningarátakið „Allir vinna“ verður framlengt út allt þetta ár, samkvæmt ákvörðun ríkisstjórnarinnar. Jóhanna Sigurðardóttir upplýsti þetta á kynningarfundi vegna átaksins Ísland 2020, eftir ríkisstjórnarfund í gær. Undir hatti átaksins getur fólk meðal annars fengið endurgreiddan virðisaukaskatt vegna viðhalds og endurbóta á eigin húsnæði.

Fjölmiðlabann í Sólheimamáli

Fulltrúar Sólheima í Grímsnesi og sveitarfélagsins Árborgar hittust hjá ríkissáttasemjara í gær til að ræða fyrirkomulag varðandi rekstur stofnunarinnar. Á fundinum kynntu Guðmundur Ármann Pétursson, framkvæmdastjóri Sólheima, og Ásta Stefánsdóttir, framkvæmdastjóri Árborgar, sjónarmið sín fyrir Magnúsi Stefánssyni ríkissáttasemjara. Munu þau í framhaldinu afla frekari gagna fyrir næsta fund.

Bótakrafa sögð vera vanreifuð

Lögmaður eins sexmenninganna sem skilanefnd Glitnis hefur krafið um sex milljarða skaðabætur fór í gær fram á að málinu yrði vísað frá dómi. Sigrún Guðmundsdóttir héraðsdómari hefur tekið sér frest til að úrskurða um málið.

70 prósent nýrnagjafa lifandi

Ísland hefur nokkra sérstöðu hvað líffæragjafir varðar því hér á landi eru um 70 prósent allra nýrnagjafa lifandi. Í Noregi og Svíþjóð eru lifandi nýrnagjafar 35 til 40 prósent en í Finnlandi eru þeir mjög sjaldséðir.

Sprengdi sig í loft upp til að drepa lögregluforingja

Sautján manns í það minnsta fórust þegar að maður sprengdi sig í loft upp í bænum Spin Boldak í Afganistan í dag. Á meðal þeirra látnu er lögregluforingi, en svo virðist sem árásinni hafi verið beint að honum.

Ætlar að henda sjálfsvígsmanninum út

Leigusali Vangelis Angelo Kapatos, sem stökk út úr íbúð sinni á níundu hæð í New York um jólin, til þess eins að lenda í ruslabing fyrir neðan og lifa fallið af, ætlar að henda Vangelis út úr íbúðinni vegna vangoldinnar leigu.

80 Elvis eftirhermur keppa um Evróputitil

Elvis lifir, að minnsta kosti í Birmingham um helgina, en þar keppa 80 snillingar sem hafa sérhæft sig í því að herma eftir goðsögninni. Keppnin stendur yfir í þrjá daga og eru eftirhermurnar af öllum stærðum og gerðum og sérhæfa þær sig í mismunandi tímabilum á ferli kappans. Yngsti þáttakandinn er tólf ára gamall.

Enn víða ófært á Akureyri

Veður hefur að mestu leyti gengið niður á Akureyri í kvöld. Lögreglumaður sem Vísir talaði við sagði að það gengi að vísu á með hríð en það væri ekki hvassviðri nú í kvöld eins og hefði verið í dag. Það var nánast alveg ófært innanbæjar á Akureyri í dag.

Stúlkan komin fram

Gunnhildur Svava Guðmundsdóttir sem lögreglan á höfuðborgarsvæðinu lýsti eftir er komin fram heil á húfi.

Mörgæs í selahoppi slær í gegn á YouTube

Á meðfylgjandi YouTube myndskeiði sést mörgæs á ferð yfir hrjóstrugt landslan. Hún hoppar af einum steini til annars þangað til hún stöðvar fyrir framan einn mjög stóran stein. Hún lætur þó vaða og hoppar á steininn sem lifnar snarlega við, enda um stærðar sel að ræða. Sjón er sögu ríkari.

Fólk fari frá Bakka að Landeyjahöfn

Fólki sem er á leiðinni í Herjólf er ráðlagt að aka að Bakkaflugvelli og þaðan í Landeyjahöfn, samkvæmt tilmælum frá Vegagerðinni. Óveður er á Kjalarnesi og undir Hafnarfjalli. Á Vesturlandi eru hálkublettir á Bröttubrekku og í Gilsfjörð, skafrenningur og éljagangur. Hálka og

ESB viðræður halda áfram

Forsætisráðherra segir að sá ferill sem aðildarviðræður Íslands við Evrópusambandið sé í haldi áfram, enda sé hann forsenda stjórnarsamstarfsins. Hún hefur enga trú á að meirihluti sé fyrir því á Alþingi að draga umsóknina til baka.

Helmingur fanga þiggur örorkubætur

Helmingur allra fanga á Íslandi þiggur örorkubætur frá Tryggingastofnun. Laun sem fangar fá fyrir vinnu sína á bak við lás og slá skerða ekki bætur þeirra.

Hundruð hjálparbeiðna borist björgunarsveitum

Björgunarsveitamenn víðsvegar að af landinu hafa fengið hundruð beiðna um aðstoð síðastliðinn sólarhring, samkvæmt upplýsingum frá Slysavarnafélaginu Landsbjörg.

Tvær brennur á morgun

Tvær brennur verða á höfuðborgarsvæðinu á morgun. Sú fyrri er við Ægisíðu klukkan 17 en þar verður jafnframt flugeldasýning klukkan 17.45. Seinni brennan er í Leirdal í Grafarholti klukkan 17.30. Lögreglan gaf leyfi fyrir

Lýst eftir Gunnhildi

Lögreglan á höfuðborgarsvæðinu lýsir eftir, Gunnhildi Svövu Guðmundsdóttur, 16 ár stúlku sem fór frá fósturheimili sínu Grundarhóli á Kjalarnesi um kl.03:00 aðfaranótt 30.12. sl. og hefur ekki sést síðan.

Fundu fíkniefni í Kópavogi

Fíkniefni fundust við húsleit í fjölbýlishúsi í Kópavogi í nótt. Um var að ræða hass, marijúana og amfetamín en talið er að fíkniefnin hafi verið ætluð til sölu. Á sama stað var einnig lagt hald á peninga sem grunur leikur á að séu tilkomnir vegna fíkniefnasölu.

Jón Steinar vill sleppa byssumanni - Hann vildi bara komast inn

Hæstaréttadómarinn Jón Steinar Gunnlaugsson, skilaði sérákvæði, þar sem Hæstiréttur staðfesti gæsluvarðhaldsúrskurð yfir manni sem skaut á hurð íbúðarhúsnæðis ásamt þremur öðrum mönnum.

Athugað með flug eftir klukkan fimm

Ekkert hefur verið flogið innanlands í dag sökum veðursins. Næstu upplýsingar um ferðir Flugfélags Íslands til Egilsstaða og Akureyrar verða gefnar klukkan 17:15 en flugi til Ísafjarðar hefur verið aflýst. Athuga á með flug þangað klukkan tíu í fyrramálið.

Byrjað að skammta mjólk á Seyðisfirði

Ófært hefur verið á Seyðisfjörð síðustu þrjá daga og því engar nýjar vörur í verslunum bæjarins. Af þessari ástæðu er nú svo komið að farið er að skammta mjólkina. Hjá Samkaupum Strax fengust þær upplýsingar að örfáir mjólkurlítrar séu eftir í versluninni og því fær hver aðeins að kaupa einn lítra í einu. Sömu sögu er að segja hjá Söluskála Shell.