Serbar kalla sendiherra sinn heim frá Washington

Serbar hafa kallað sendiherra sinn í Washington heim sem mótmæli gegn viðurkenningu Bandaríkjamanna á sjálfstæði Kosovo. Jafnfram saka Serbar Bandaríkjamenn um brot á alþjóðalögum.

Lögreglan lýsir eftir Sigrúnu Maríu

Lögreglan á höfuðborgarsvæðinu lýsir eftir Sigrúnu Maríu Líndal, sem er fædd 1994. Hún er 160 sentímetrar á hæð , í brúnni hettupeysu, gallabuxum og með dökkt missítt hár.

Fidel Castro lætur af embætti sem forseti Kúbu

Fidel Castro hyggst ekki gefa kost á sér aftur sem forseti Kúbu. Þetta kemur fram í bréfi hans sem birt er í opinberu blaði Kommúnistaflokksins, Granma, í dag.

Oswald og Ruby ræddu saman fyrir morðið á Kennedy

Yfirvöld í Dallas Texas hafa gert opinbert minnisblað sem á er ritað samtal milli Lee Harvey Oswald meints morðingja John F. Kennedy forseta og Jack Ruby sem síðar skaut Oswald til bana. Minnisblaðið fannst í hirslum dómshússins í borginni.

Hringvegurinn er enn lokaður við Svignaskarð

Hringvegurinn er enn lokaður við Svignaskarð í Borgarfirði eftir að vatnsagi rauf hann í fyrrinótt. Þar stíflaðist ræsi, með fyrrgreindum afleiðingum, og ætlar Vegagerðin að setja mun afkastameira ræsi í staðinn.

Fyrstu tölur benda til ósigurs Musharaff í Pakistan

Fyrstu tölur í kosningunum í Pakistan benda til að stjórnarandstaðan hafi unnið og stjórnarflokkur undir forystu Musharaff forseta beðið ósigur.

Íslenskir feðgar flugu til Danmerkur - lömdu kærasta fyrrum konunnar

49 ára gamall maður varð fyrir líkamsárás í Langebæk skammt frá Vordingsborg á Sjálandi. Það voru íslenskir feðgar sem gengu í skrokk á manninum og notuðu til þess meðal annars járnrör.

Lýst eftir ungri stúlku

Lögreglan lýsir eftir Sigrúnu Maríu Líndal. Hún er fædd árið 1994 og er klædd í brúna hettupeysu, gallabuxur og er með dökkt millisítt hár. Hún er 160 sm á hæð.

Lögreglan kölluðu til vegna unglinga í Kringlunni

Lögreglan var kölluð til vegna óláta í unglingum í Kringlunni rétt fyrir klukkan 16:00 í dag. Var einhver hópamyndun í Kringlunni en ekki kom til óláta.

Mafíósi handtekinn á Ítalíu

Ítalska lögreglan handtók leiðtoga hinnar öflugu Calabrian mafíu í dag. Pasquale Condello, 57 ára, var handtekinn í húsi í Reggio Calabria í suðurhluta Ítalíu.

Þriggja ára áætlun borgarinnar kynnt á morgun

Mikill stormur hefur verið í borgarstjórn Reykjavíkur undanfarið. Á morgun verður hinsvegar þriggja ára áætlun borgarinnar kynnt.

Haldið sofandi í öndunarvél

Annar piltanna sem lenti í hörðum árekstri á Akranesi seinni partinn í dag er haldið sofandi í öndunarvél. Líðan hans er stöðug að sögn vakthafandi læknis.

Samningar ASÍ aldrei fyrirmynd að kennarasamningum

Kjarasamningar Alþýðusambandsins við atvinnurekendur verða aldrei fyrirmynd að samningum við kennara, segir Eiríkur Jónsson, formaður Kennarasambands Íslands. Sterkari aðgerðir þurfi til að stöðva flóttann úr stéttinni. Halldóra Friðjónsdóttir, formaður BHM, segir ríkið ekki geta tekið upp hráa samningastefnu atvinnurekenda.

Mjólkurvörur gætu hækkað um allt að 20 prósent

Verðhækkun á áburði og fóðri gæti orðið til þess að stærstu kúabú landsins fari á hausinn. Viðbúið er að mjólkurvörur til neytenda hækki um allt að 20% vegna ástandsins.

Datt af þaki og handleggsbrotnaði

Maður féll afturfyrir sig fram af þaki þar sem hann var við vinnu í Dalshverfi í Innri-Njarðvík.

Hringvegurinn ekki opnaður fyrr en á morgun

Hringvegurinn, sem lokaður er við Svignaskarð í Borgarfirði vegna vatnaskemmda verður ekki opnaður fyrr en um miðjan dag á morgun, þriðjudag, að því er fram kemur í tilkynningu frá Vegagerðinni.

Niðurstöðu í flóttarannsókn að vænta í fyrramálið

Lögreglan vill ekki gefa neitt upp í tengslum við rannsókn á flótta Annþórs Kristjáns Karlssonar fyrr en í fyrramálið.

Fleiri konur en karlar smituðust af HIV í fyrra

Þrettán einstaklingar greindust með HIV-smit á síðasta ári samkvæmt því sem fram kemur í nýjasta hefti Farsóttarfrétta frá Landlæknisembættinu. Þá greindust óvenjumargir með lifrarbólgu B á síðasta ári.

Jón Baldvin: Ekki eftir neinu að bíða varðandi Kosovo

Jón Baldvin Hannibalsson, fyrrverandi utanríkisráðherra, segir ekki eftir neinu að bíða fyrir Íslendinga með að viðurkenna sjálfstæði Kosovo. Ingibjörg Sólrún Gísladóttir hefur sagt að hafa verði samráð við Norðurlöndin í málinu.

Dökkt útlit hjá Musharraf

Vísbendingar eru um að flokkur Pervez Musharrafs hafi fengið lítið fylgi í nýafstöðnum þingkosningum í Pakistan.

Tvær af Norðurlandaþjóðunum styðja sjálfstæði Kosovo

Danir og Finnar eru meðal þeirra Evrópusambandsþjóða sem vilja viðurkenna sjálfstæði Kosovo-héraðs fljótt en Svíar hyggjast ræða málið í næsta mánuði.

Segjast ekki tengjast heimasíðu til höfuðs Steinþóri

Starfsfólk sölu og markaðsdeildar Sláturfélags Suðurlands segist í yfirlýsingu ekki standa fyrir heimasíðunni slaturfelagid.com sem sett hefur verið á laggirnar til höfuðs forstóra SS, Steinþóri Skúlasyni.

Norðmenn kláruðu nær allan loðnukvóta sinn við landið

Norsku loðnuveiðiskipin sem voru við veiðar hér við land veiddu nær allan kvóta sinn eftir því sem Landhelgisgæslan greinir frá.

Sekt og svipting fyrir að aka undir áhrifum

Karlmaður var í Héraðsdómi Suðurlands í dag sviptur ökuréttindum í tvö ár og dæmdur til þess að greiða 180 þúsund krónur í sekt til ríkissjóðs fyrir að hafa í september í fyrra ekið undir áhrifum tetrahýdrókannabínólsýru.

Amma Madeleine segir fjölskylduna þjást

Susan Healey amma Madeleine McCann segir að kvöl fjölskyldunnar líkist því að hún sé „krossfest“ á hverjum degi. Healey, móðir Kate McCann, biður fólk að hætta að gagnrýna fjölskyldu sína og lýsir yfir árás á fjölmiðla. „Þetta er eins og að vera krossfestur dag eftir dag. Ég las þvílíka hluti um að Kate gréti ekki nóg, eða hvað það nú var,“ sagði hún í viðtali við Sky fréttastofuna.

Eins og á svíni

Höfuðpaurinn í hópi múslima sem ætluðu að myrða breskan hermann og skera af honum höfuðið "eins og á svíni," var í dag dæmdur í 14 ára fangelsi.

Langt á eftir nágrannaþjóðum í þjónustu við geðfatlaða

Formaður Geðlæknafélags Íslands segir Íslendinga langt á eftir nágrannaþjóðunum í þjónustu við geðfatlaða og kallar eftir því að yfirvöld fari að sinna þessum hópi í stað þess að minnka við það þjónustuna eins og nú sér gert.

ESB náði ekki saman um Kosovo

Evrópusambandinu tókst ekki að ná samkomulagi um að sambandið í heild sinni viðurkenndi sjálfstæði Kosovo.

Þungt haldinn á gjörgæslu eftir bílslys á Akranesi

Bíl var ekið á miklum hraða á hús við Vesturgötu á Akranesi rétt fyrir klukkan þrjú í dag. Tveir voru í bílnum. Þeir voru báðir fluttir á sjúkrahúsið á Akranesi en að sögn lögreglu voru þeir báðir meðvitundarlausir þegar að var komið og meiðsl þeirra talin alvarleg.

Hljóðlaus geisladiskur mest seldur

Lag sem eyra mannsins nemur ekki er nú mest selda lagið á Nýja Sjálandi. Unnið er að útgáfu lagsins á alþjóðavettvangi. Jólalagið „Heims um ból“ var tekið upp á tíðni sem aðeins hundar nema og gefið út í fjáröflunarskyni fyrir samtök sem berjast gegn ofbeldi gegn dýrum.

Drakúla fjölskyldan í Buckingham höll

Mohammed al-Fayed sparaði ekki stóryrðin þegar hann var kallaður sem vitni í dag vegna rannsóknar á dauða sonar hans Dodi, og Díönu prinsessu.

Heyrir Nýja bandalagið sögunni til?

Það ræðst í dag eða á morgun hvort hinn nýstofnaði stjórnmálaflokkur í Danmmörku, Nýja bandalagið, leggur upp laupana en mjög hefur sigið á ógæfuhliðina á þeim bænum síðustu daga.

Sprengið dönsk sendiráð - drepið danska sendiherra

Yfirgnæfandi meirihluti þingmanna á íranska þinginu hefur hvatt forseta landsins til þess að endurskoða tengslin við Danmörku og Holland eftir að Múhameðsteikningarnar umdeildu voru endurbirtar.

Rannsókn á flótta Annþórs ætti að ljúka í dag

Lögreglan á höfuðborgarsvæðinu rannsakar nú hvað fór úrskeiðis á föstudaginn var þegar Annþóri Kristjáni Karlssyni tókst að flýja úr klefa sínum á lögreglustöðinni á Hverfisgötu. Reiknað er með að málið skýrist seinnipartinn í dag. Klefinn hans var ólæstur og undir morgun fór hann fram á gang, náði sér í kaðalspotta og braut rúðu á ganginum. Síðan lét hann sig síga niður og fór huldu höfði fram eftir degi.

Engin ákvörðun um hvort þrennt verður ákært vegna flótta

Ekki hefur verið ákveðið hvort þrjár manneskjur sem handteknar voru í tengslum við flótta Annþórs Kristjáns Karlssonar úr fangageymslu lögreglunnar á föstudag verði ákærðar.

Mánaðar fangelsi fyrir að skalla kynsystur sína

Héraðsdómur Reykjavíkur hefur dæmt tvítuga konu í eins mánaðar skilorðsbundið fangelsi fyrir að hafa ýtt annarri konu upp að húsvegg og skallað hana í andlitið með þeim afleiðingum að hún marðist nokkuð.

Bandaríkin viðurkenna Kosovo

Bandaríkin hafa viðurkennt sjálfstæði Kosovo. Búist er við að nú fari slíkar tilkynningar að streyma til hins nýja lands. Því fer þó fjarri að allir séu sáttir.

Danir vilja grænlenskan olíugróða

Danir vilja frá hluta af ágóðanum ef olía finnst á Grænlandi, samkvæmt nýrri skoðanakönnun. Talið er að mikla olíu sé að finna á landgrunni Grænlands og er hennar nú leitað.

Varar verslunarfólk við stolnum kortum

Lögreglan á höfuðborgarsvæðinu brýnir fyrir afgreiðslufólki að skoða vel myndir á bakhlið greiðslukorta til þess að koma í veg fyrir að óprúttnir aðilar misnoti kort sem þeir eiga ekki.

Stofna ný samtök gegn kvótakerfinu

34 sjómenn hafa gengið í ný samtök sem stofnuð voru á Akureyri í gær. Þeir undirbúa aðgerðir gegn óréttlátu kvótakerfi og munu jafnvel róa í trássi við lög.

Með ólíkindum að fólk hafi sloppið ómeitt

Sjónarvottar segja það með ólíkindum að allir skuli hafa sloppið ómeiddir þegar þrír bílar lentu í hörðum árekstri á mótum Miklubrautar og Háaleitisbrautar upp úr klukkan tíu í gærkvöldi.

Úrslitatilraun til þess að finna loðnu við landið

Úrslitatilraun til að finna meira af loðnu við landið á þessari vertíð hófst í morgun með tveimur hafrannsóknaskipum og þremur loðnuskipum. Endanleg niðurstaða gæti legið fyrir á miðvikudag.

Kosovo-Albanar á Íslandi fagna sjálfstæði héraðsins

Á bilinu fjögur til fimm hundruð Kosovo-Albanar eru búsettir á Íslandi. Þeir fögnuðu sjálfstæði héraðsins frá Serbíu í fjölmennu samkvæmi í gærkvöldi.

Þrjátíu særðust í óeirðum við sendiráð Bandaríkjanna í Belgrad

Reiknað er með því að Bandaríkin og fjölmörg ríki Evrópusambandsins viðurkenni í dag sjálfstæði Kosovo frá Serbíu. Því var lýst yfir einhliða í gær. Minnst þrjátíu særðust í óeirðum við bandaríska sendiráðið í Belgrad, höfuðborg Serbíu, í gærkvöldi.

Lýsir áhyggjum af stöðu ríkissjóðs

Valgerður Sverrisdóttir, varaformaður Framsóknarflokksins, fagnar því að samningar hafi náðst á vinnumarkaði en lýsir yfir áhyggjum af stöðu ríkissjóðs í ljósi breytinga á markaði og síðustu fjárlagagerðar.