Dag­skráin: Ofurbikar UEFA og Besta deild kvenna

Ofurbikar UEFA fer fram í kvöld en þar mætast sigurvegarar Meistaradeildarinnar á síðustu leiktíð, Paris Saint-Germain, og sigurvegarar Evrópudeildarinnar, Aston Villa, í hreinum úrslitaleik um hvor getur kallað sig meistari meistaranna í evrópska fótboltanum. Leikurinn fer fram í Salzburg í Austurríki.

Þrír leikir verða sýndir beint úr fimmtándu umferð Bestu deildar kvenna í fótbolta. Blikakonur eru nýkomnar heim úr löngu ferðalagi til Kasakstan og fá nýliða Grindavíkur/Njarðvíkur í heimsókn á Kópavogsvöll. FH-konur, sem eru með jafnmörg stig og topplið Blika, heimsækja Fram og svo taka Þróttarar á móti Valskonum í Laugardalnum.

Hér fyrir neðan má sjá yfirlit yfir beinar útsendingar á sportstöðvunum í dag.

Sýn Sport

Klukkan 18.45 hefst bein útsending frá leik Paris Saint-Germain og Aston Villa um Ofurbikar UEFA.

Sýn Sport Ísland

Klukkan 19.05 hefst bein útsending frá leik Þróttar og Vals í Bestu deild kvenna í fótbolta.

Sýn Sport Ísland 2

Klukkan 19.05 hefst bein útsending frá leik Breiðabliks og Grindavíkur/Njarðvíkur í Bestu deild kvenna í fótbolta.

Sýn Sport Ísland 3

Klukkan 19.05 hefst bein útsending frá leik Fram og FH í Bestu deild kvenna í fótbolta.