Bein út­sending: Kynna skýrslu um á­hrif ESB á bændur

Í tilkynningu þess efnis segir að skýrslan sé afrakstur umfangsmikillar vinnu sem unnin hafi verið á undanförnum mánuðum í aðdraganda þjóðaratkvæðagreiðslunnar í lok þessa mánaðar um hvort hefja eigi að nýju aðildarviðræður við Evrópusambandið.

Á Búnaðarþingi í mars síðastliðnum hafi sjö manna milliþinganefnd verið skipuð og fengið það hlutverk að greina hvaða áhrif möguleg Evrópusambandsaðild og aðildarviðræður gætu haft á íslenskan landbúnað. Nefndin hafi nú lokið störfum með útgáfu umræddrar skýrslu. 

Í störfum nefndarinnar hafi verið lögð áhersla á að efni skýrslunnar myndi byggjast á traustum og áreiðanlegum heimildum. Þannig hafi við vinnuna verið stuðst við fræðilegar rannsóknir, opinber gögn, viðeigandi réttarheimildir, dómafordæmi Evrópudómstólsins, reynslu og fordæmi aðildarríkja Evrópusambandsins sem og fyrri aðildarviðræður Íslands við sambandið. Þá hafi nefndin fundað bæði með innlendum og erlendum sérfræðingum, sem hafi ólíka sýn á viðfangsefnið.

Dagskrá fundarins:

• Ávarp Trausta Hjálmarssonar, formanns Bændasamtaka Íslands
• Sigurbjörg Ottesen, formaður milliþinganefndar, fer yfir skýrsluna og helstu niðurstöður hennar
• Fyrirspurnir fjölmiðla þar sem setið verður fyrir svörum

Upptöku frá fundinum má sjá í spilaranum hér að neðan: