Innlent

Land­helgis­gæslan sótti mann í Vest­manna­eyjum

Eiður Þór Árnason skrifar
Mikill fjöldi fólks er í Vestmannaeyjum um helgina vegna Þjóðhátíðar.
Mikill fjöldi fólks er í Vestmannaeyjum um helgina vegna Þjóðhátíðar. visir/vilhelm

Þyrla Landhelgisgæslunnar var kölluð út á mesta forgangi á tíunda tímanum í gærkvöldi vegna manns sem hafði slasast alvarlega á fæti eftir fall í Vestmannaeyjum.

Maðurinn var sóttur á flugvöllinn í Heimaey og var þyrlan komin þangað um klukkan hálf ellefu, að sögn Ásgeirs Erlendssonar, upplýsingafulltrúa Landhelgisgæslunnar. 

Þyrlan hafi svo lent við Landspítalann í Fossvogi um klukkan 23:40 þar sem maðurinn hlaut aðhlynningu á bráðamóttöku. Ásgeir hafði ekki upplýsingar um aðdraganda slyssins.

Í tilkynningu frá lögreglunni í Vestmannaeyjum kemur fram að einstaklingur hafi verið sóttur með þyrlu eftir að hafa fallið í fjallendi. Tildrög slyssins eru sögð vera í rannsókn.

Fréttin hefur verið uppfærð með upplýsingum frá lögreglunni.

Landhelgisgæslan Vestmannaeyjar

Mest lesið


Fleiri fréttir

Sjá meira


×

Mest lesið