Sinner kominn í hóp með Djokovic

Sinner sigraði örugglega á heimavelli en úrslitaleikurinn var á móti Norðmanninum Casper Ruud sem Sinner sigraði með sex settum á móti fjórum í báðum leikjum.

Gengi Sinners hefur verið gott upp á síðkastið þar sem hann er einnig búinn að sigra Indian Wells, Miami, Monte Carlo og Madrid Masters titlana á þessu tímabili. „Ég er mjög, mjög ánægður. Þetta eru búnir að vera ótrúlegir rúmir tveir mánuðir,“ sagði Sinner eftir sigurinn á Ítalíu.

Með því að sigra þetta mót er Sinner annar leikmaðurinn til að sigra öll níu mótin á ATP Masters 1000 mótaröðinni en Novak Djokovic var eini leikmaðurinn sem hafði náð því. Djokovic var 31 árs þegar hann kláraði alla titlana en Sinner er aðeins 24 ára.

Tim Henman sérfræðingur Sky Sports segir þetta mikið afrek þar sem keppnin er gríðarlega sterk á toppnum í tennisheiminum ásamt miklu líkamlegu álagi og ferðalögum.

Framundan hjá Sinner er Roland Garros mótið og er það eina stórmótið sem Sinner á eftir að vinna. Ef hann sigrar það verður hann tíundi leikmaðurinn í sögunni til að klára alslemmu sem er að sigra öll fjögur risamótin í tennis .

Sinner er sigurstranglegur á því móti þar sem aðalkeppinautur hans Carlos Alcaraz er meiddur og keppir ekki.