Sumar­búðir fatlaðra barna í húsi sem sé úr sér gengið

„Það hefur verið ákall síðustu ár um að stækka rýmið,“ segir Andrea Rói Sigurbjörns, forstöðumaður Reykjadals. Salurinn sé hjarta sumarbúðanna og gríðarlega mikilvægt að þar komist allir skjólstæðingar þeirra vel fyrir. 

„Rýmið býður ekki upp á þessar aðgengiskröfur, og það er bara pínu svona ekki boðlegt að vera hérna lengur með þennan stóra flotta hóp sem við bjóðum að koma í Reykjadal,“ segur Andrea og Hildur Helgadóttir, aðstoðarforstöðumaður, bæti því við að það sé ekki hægt að mætast á ganginum heldur þurfi aðeins einn að fara þar í gegn í einu.

Heildarkostnaður við uppbygginguna er áætlaður yfir 300 milljónir króna og er fjármögnun byggð á samspili sjóða, styrkja og framlaga frá almenningi og fyrirtækjum. Söfnunin stendur í tæpum sex milljónum en á vef Reykjadals er hægt að skoða hvernig uppgerður matsalur gæti liti út.

Hér að neðan má sjá umfjöllun um málið í kvöldfréttum Sýnar: