Ó­væntur ríkis­stjórnar­fundur boðaður að kvöldi

Jón Steindór Valdimarsson, aðstoðarmaður fjármálaráðherra, staðfestir þetta í samtali við Vísi, en ríkisstjórnin kynnti í dag tímabundnar efnahagsaðgerðir í von um að ná niður verðbólgu og bregðast við verðhækkunum á olíu vegna átaka í Mið-Austurlöndum.

Rúv greindi fyrst frá en boðað var til fundarins klukkan 19 í kvöld.

Jón Steindór segir að þegar ríkisstjórnin hafi á fundi sínum í morgun farið yfir frumvarpið hafi komið í ljós að skerpa hafi þurft á ákvæðum. Orðalagið hafi ekki þótt nægilega skýrt. Hann vill ekki tilgreina nánar hvar hafi þurft að breyta orðalagi.

Fullkomin sátt hafi aftur á móti verið uppi um þær breytingar. „Þetta var bara eins og að fara í gegnum prófarkarlestur,“ segir aðstoðarmaðurinn.

Frumvarpið hefur enn ekki verið birt opinberlega.