Vaktin: Vegum lokað og varað við ferða­lögum á Suður­landi

Lokað er um Kjalarnes, Hellisheiði, Þrengsli, Mosfellsheiði, Suðurstrandaveg, Hvalfjarðargöng, Hafnarfjall, Holtavörðuheiði, Steingrímsfjarðarheiði, Dynjandisheiði, Bröttubrekku og Fróðárheiði. Þá er óvissustig á Reykjanesbraut til klukkan 12, sem þýðir að vegurinn gæti lokast með stuttum fyrirvara.

Bítið er í beinni á Bylgjunni þar sem fylgst er vel með veðrinu og tekinn púlsinn um allt land. Fólk getur hringt inn í símatíma í síma 567-1111.

Veðurstofa spáir suðaustan og austan 18-28 m/s undir morgun, hvassast suðvestantil. Talsverð snjókoma eða slydda, einkum suðaustan- og austanlands, en skúrir um landið sunnan- og vestanvert síðdegis. Hægari og úrkomuminna um landið norðaustanvert. Snýst í sunnan 8-15 eftir hádegi með slydduéljum, en austan hvassviðri og snjókoma norðan- og austantil fram á kvöld. Hlýnar í veðri, hiti um eða yfir frostmarki síðdegis.

Fréttastofa Sýnar fylgist með þróun mála í vaktinni hér fyrir neðan. Ef hún birtist ekki er ráð að endurhlaða síðunni.