Stans­laust stuð í sokkapartýi ársins

Margt var um manninn og eflaust einhverjir sem tóku forskot á sæluna og ætla að setja sokkana í jólapakkann. Skilaboð sokkanna eru skýr. 

„Í ár langaði okkur til að sokkarnir töluðu til fólks sem hvatning til að nýta tjáningarfrelsið sitt og styðja við mannréttindabaráttuna. Við sjáum þar bakslag og ekki síður á Vesturlöndum. 

Við vildum að sokkarnir væru áminning um að hvert og eitt okkar getur haft áhrif ef við nýtum rödd okkar,“ segir Anna Lúðvíksdóttir framkvæmdastjóri Íslandsdeildar Amnesty International.

Sokk­arnir eru fram­leiddir í verk­smiðju í Portúgal þar sem mikið er lagt upp úr sjálf­bærni í fram­leiðslu­ferlinu. 

„Bómullin er form­lega vottuð af „Cotton Made in Africa“ sem er staðall fyrir bómull í Afríku til að efla lífs­kjör smábænda og stuðla að umhverf­i­s­vænni bómullar­fram­leiðslu samkvæmt ströngum skil­yrðum.“

Hönnuður sokkanna í ár er Alex­ander Le Sage De Fontenay. Hér má sjá nánari upplýsingar um sölu á sokkunum og hér má sjá vel valdar myndir frá teitinu: