Reyndi að greiða með fölsuðum seðli

Þetta kemur fram í dagbók lögreglunnar á höfuðborgarsvæðinu. Þeim barst einnig tillkynning um aðskotahlut sem olli hættu á stofnbraut í Mosfellsbæ. Hluturinn fannst þó ekki.

Í Árbænum sinnti lögregla tilkynningu um vinnuslys og í miðbæ Reykjavíkur var óskað aðstoðar vegna sofandi aðila í anddyri fjölbýlishúss. Honum var vísað á brott.

Lögregla stöðvaði þónokkra ökumenn vegna gruns um ölvunarakstur, þar á meðal í hverfi 108 og 220. Þá var einn stöðvaður vegna gruns um akstur undir áhrifum áfengis og annarra vímuefna en hann var að auki sviptur ökuréttindum.