Lil Nas X á­kærður fyrir brot á alríkislögum

Lil Nas X, sem heitir í raun Montero Hill, er ákærður fyrir að hafa þrisvar ráðist á lögreglumenn og fyrir að hlýða ekki fyrirmælum lögreglu. 

Rapparinn var handtekinn að ganga sex að morgni til, klæddur einungis nærfötum og kúrekastígvélum. Hann var fyrst um sinn fluttur á sjúkrahús vegna ótta um að hann hefði tekið of stóran skammt fíkniefna.

Rapparinn hefur setið í gæsluvarðhaldi síðan en fór fyrir dóm í morgun. Hann þarf að hann að greiða 75 þúsund Bandaríkjadali, rúmar níu milljónir króna, í tryggingu vilji hann halda frelsi sínu fram að réttarhöldum. Réttarhöldin fara fram 15. september samkvæmt Variety.

Lil Nas X varð gríðarlega frægur eftir útgáfu lagsins Old Town Road árið 2018. Lagið sat í nítján vikur á toppi bandaríska Billboard-listans.