Bylgju­lestin heim­sækir Vagla­skóg

Kristín Ruth og Svali Kaldalóns stýra Bylgjulestinn á laugardag og verða í beinni útsendingu milli kl. 12 og 16. „Það verður svakalega gaman hjá okkur á laugardaginn,“ segir Kristín. „Við erum spennt að mæta í Vaglaskóg sem er auðvitað einn fallegasti staður á landinu og fá að upplifa þar einstaka tónlistarupplifun.“

Kristín Ruth og Svali taka púlsinn á heimafólki og fá góða gesti í heimsókn. Það verður fullt af skemmtilegum gjöfum og glaðning í boði Bylgjunnar og boðið verður upp á andlitsmálningu fyrir krakkana

Tónlistarhátíðin Vor í Vaglaskógi hefst kl. 14 og stendur yfir til kl. 23.15. Þar koma fram Kaleo, Doctor Victor, Hjálmar, Sigrún Stella, Svavar Knútur, Soffía Björg, Bear the Ant, Jack Magnet og Júníus Meyvant.

Samstarfsaðilar Bylgjulestarinnar verða með í för. Sjóvá og Samgöngustofa munu fjalla um umferðaröryggi, Topptjöld og vagnar verða með iKamper vagn til sýnis, 7up Zero gefur gestum frískandi drykki, bílaumboðið Askja verður með bílasýningu og gjafapokarnir frá Bylgjunni verða að sjálfsögðu á sínum stað með 7up Zero pink, nammi frá Danól og varningi frá Bylgjunni.