Brentford hafnaði til­boði Manchester United

United bauð 55 milljónir punda plús 7,5 milljónir í árangurstengdar greiðslur.

Þetta er ekki fyrsta tilboð United í leikmanninn því Brentford hafði áður hafnað tilboði upp á 45 milljónir punda plús tíu milljónir í árangurstengdar greiðslur.

United vill lífga upp á sóknarleik sinn og hefur þegar keypt Matheus Cunha frá Úlfunum fyrir 62,5 milljónir punda.

Heimildir Breska ríkisútvarpsins herma að Brentford vilji að minnsta kosti fá 62,5 milljónir strax fyrir Mbeumo.

Mbeumo á eftir eitt ár af samningi sínum en hann skoraði tuttugu mörk fyrir Brentford á síðasta tímabili sem er það besta hjá honum á ferlinum.

United gæti líka fengið samkeppni því Thomas Frank, fyrrum stjóri Mbeumo hjá Brentford og núverandi stjóri Tottenham, vill líka fá hann til Tottenham.

Mbeumo er Kamerúnmaður og mun því missa úr fjórar vikur á komandi tímabili vegna Afríkukeppninnar. Fyrsti leikur Kamerún er á móti Gabon 24. desember.

Mbeumo hefur spilað með Brentford frá 2019 þegar hann kom þangað frá franska félaginu Troyes og liðið var enn í ensku b-deildinni.