Innlent

Kanadískt svif­ryk hrellir borgar­búa

Árni Sæberg skrifar
Talsvert af svifryki mælist nú í Reykjavík.
Talsvert af svifryki mælist nú í Reykjavík. Vísir/Egill

Styrkur fíns svifryk hefur hækkað á nokkrum mælistöðvum í borginni yfir helgina og í dag. Sennilega er hér um að ræða mengun frá skógareldum í Kanada en samkvæmt kanadísku veðurstofunni hefur mengunarský frá eldunum dreifst um Kanada, Bandaríkin og til Evrópu.

Í fréttatilkynningu þess efnis frá Heilbrigðiseftirliti Reykjavíkur segir að þau sem eru viðkvæm fyrir í öndunarfærum gætu fundið fyrir óþægindum af þessum sökum. Verði vart við óþægindi skuli takmarka útivist eins og unnt er.

Heilbrigðiseftirlit Reykjavíkur fylgist náið með loftgæðum borgarinnar og sendi frá sér viðvaranir og leiðbeiningar ef ástæða þykir til. Hægt sé að fylgjast með styrk svifryks og annarra mengandi efna á loftgæði.is. Þar megi sjá kort yfir mælistaði í Reykjavík og annars staðar á landinu.

Umhverfismál Reykjavík Heilbrigðiseftirlit Heilbrigðismál

Mest lesið


Fleiri fréttir

Sjá meira


×

Mest lesið