Her­menn í Los Angeles, mylguráðstefna og síðasti leikur Arons Pálmarssonar

Við förum ítarlega yfir það sem er að gerast í Los Angeles í hádegisfréttum Bylgjunnar. 

Í fréttatímanum heyrum við einnig í Árni Þór Sigurðssyni, fyrrverandi þingmanni Vinstri grænna og sendiherra, sem segir Ísland þurfa að endurskoða afstöðu sína til Evrópusambandsins.

Rekstrarafkoma Heilbrigðisstofnunar Suðurnesja var jákvæð um 150 milljónir króna á síðasta ári, sem er viðsnúningur frá árinu á undan þegar afkoman var neikvæð um rúmar sjö hundruð milljónir. 

Alþjóðleg ráðstefna um innivist og heilnæmar byggingar hefst í Hörpu í dag. Ráðstefnustjóri segir alveg ljóst að raka- og mygluvandræði séu ekki sér íslensk vandamál en fjöldi erlendra sérfræðinga heldur erindi á ráðstefnunni sem stendur til miðvikudags. 

Þá verða tímamót á vettvangi íþróttanna í dag þegar handboltamaðurinn Aron Pálmarsson leikur sinn síðasta handboltaleik á ferlinum.

Þetta og fleira í hádegisfréttum Bylgjunnar á slaginu klukkan 12.