Stöðvaði miðasölu um leið og hann áttaði sig á stöðu mála Vésteinn Örn Pétursson skrifar 4. júní 2025 16:38 Björgvin Þór Rúnarsson hjá Nordic Live Events. Um þúsund fleiri voru í Laugardalshöll á tónleikum FM95Blö í Laugardalshöll um helgina heldur en útgefið leyfi gerði ráð fyrir. Lögregla segir mannleg mistök hjá tónleikahaldara og umsækjanda um leyfi hafa ráðið því. Tónleikahaldari segist hafa stöðvað miðasölu um leið og hann áttaði sig á stöðu mála. Þeir sem komu að skipulagi og framkvæmd tónleikanna funduðu í dag með lögreglu og slökkviliði vegna tónleikanna, þar sem mikil örtröð myndaðist eftir að þríeykið í FM95Blö hafði lokið við að spila fyrir gesti hallarinnar. Fimmtán manns leituðu á bráðamóttöku og einn var lagður inn á sjúkrahús. Fulltrúar Íþrótta- og sýningarhallarinnar hf., sem annast rekstur Laugardalshallar, Nordic Live Events, sem setti upp tónleikana, og Icelandic Security, sem annaðist öryggisgæslu á tónleikunum, sátu fundinn ásamt fulltrúm lögreglu og slökkviliðs. Allir hafi farið yfir sinn þátt Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, segir í samtali við fréttastofu að á fundinum hafi verið rýnt í aðdraganda tónleikanna, umsókn um leyfi fyrir þeim, framkvæmd þeirra og allt annað sem viðkom tónleikunum. „Það höfðu auðvitað allir hlutaðeigandi farið yfir sína verkþætti eftir tónleikana. Við áttum bara mjög góðan fund,“ segir Ásmundur. Ásmundur Rúnar Gylfason, aðstoðaryfirlögregluþjónn.Vísir Fyrir liggi að of margir miðar hafi verið seldir á tónleikana, miðað við útgefið tækifærisleyfi. Það hafi gert ráð fyrir átta þúsund manns. „Það voru rétt rúmlega þúsund fleiri,“ segir Ásmundur. Það mál verði tekið til skoðunar hjá lögreglunni, óháð efni fundarins í dag. Enginn ásetningur Eins liggi fyrir að húsið hafi verið opnað of snemma miðað við leyfið. „En það komu útskýringar á þessu. Mannleg mistök, samskiptaleysi eða misskilningur milli tónleikahaldara og þess sem sækir um leyfið, sem er húsið,“ segir Ásmundur. Sjá einnig: „Beðið um leyfi fyrir átta þúsund manns“ Hann segir engan ásetning hafa verið til staðar, hvorki til þess að selja fleiri miða en leyfið gerði ráð fyrir né að byrja utan tilsetts tíma. Bæði megi skrifa á misskilning og skort á samskiptum. Viðbragðsaðilar líti líka inn á við „Við áttum opin samskipti með það hvað hefði betur mátt fara og allir hlutaðeigandi voru sammála um það að það hafi verið hlutir sem hefðu mátt gera það, bæði í aðdragandum og á tónleikunum sjálfum.“ Ásmundur nefnir sérstaklega skipulag og framkvæmd öryggisgæslu í því samhengi, en einnig samskipti tónleikahaldara og þeirra sem fari með stjórn húsnæðisins, sem hafi mátt vera þéttari og betri. „Eftirlitsaðilarnir, lögregla og slökkvilið, við þurfum líka að horfa inn á við og skoða verkferla við framkvæmd svona viðburða hjá okkur,“ segir hann. Menn verði að læra af atvikinu Björgvin Þór Rúnarsson, eigandi Nordic Live Events, segir í samtali við fréttastofu að á fundinum með viðbragðsaðilum og öðrum sem komu að tónleikunum hafi verið farið víðtækt yfir sviðið. „Menn eru sammála um að við verðum að læra af þessu og gera enn betur. Og ekki bara við heldur allir tónleikahaldarar á Íslandi,“ segir Björgvin. Til standi að einfalda verkferla, þannig að viðbragðsaðilar og allir sem komi að skipulagningu tónleika sem þessara komi fyrr að borðinu og geti rætt það sem þurfi að gera, svo ganga megi úr skugga um að allt sé í lagi. Hljóp niður í box Björgvin segir rétt að of margir miðar hafi verið seldir miðað við leyfið. Seldir umframmiðar hafi verið 336 talsins. „Þegar ég átta mig á þessu þá hleyp ég strax niður í box og stöðva miðasöluna hjá Tix,“ segir Björgvin um viðbrögð sín á tónleikadeginum. Auk ofseldu miðanna hafi verið gefnir út boðsmiðar, sem bæst hafi ofan á. Þar með hafi útgefnir miðar verið orðnir rúmlega þúsund fleiri en þeir áttu að vera. „Það er engin græðgi. Ég áttaði mig bara ekki nógu snemma á því, og stöðvaði miðasöluna. Tix og lögreglan geta vitnað um það,“ segir Björgvin. Aldrei lent í öðru eins Björgvin segir því mannleg mistök hafa ráðið því hvernig fór, bæði hvað varðar miðasöluna og tímaramma tónleikanna. „Ég tek þau á mig. Mér þykir þetta alveg ótrúlega leitt. Ég er búinn að vera í viðburðahaldi í 20 ár, og ég hef aldrei lent í svona. Ég er búinn að halda 87 viðburði, og ég hef aldrei lent í svona aðstæðum eins og ég hef lent í núna,“ segir hann. Björgvin segir tónleikana að mestu hafa gengið vel, og margt hafi verið gert þar sem viðburðahaldarar geti verið stoltir af. „Atvikið sem varð þarna, ég geri ekki lítið úr því og ég geri ekki lítið úr upplifun þessa hóps sem lenti í þessu. En mig langar líka að koma því á framfæri að tónleikarnir og öll umgjörð voru stórkostleg. Þetta atvik sem gerist þarna er vegna þess að öryggisgæslan var ekki næg þarna frammi. Lögreglan steig inn í og gerði það frábærlega, ásamt starfsfólki hallarinnar og okkar í Nordic Live. Mig langar bara að þakka þessu fólki fyrir, og koma því á framfæri að þetta fólk stóð sig frábærlega.“ Blö-drengir hringja í tónleikagesti Fréttastofa hefur fengið veður af því að þeir Auðunn Blöndal, Egill Einarsson og Steinþór Hróar Steinþórsson, sem saman mynda FM95Blö og voru andlit tónleikanna, hafi að undanförnu komið sér í samband við fólk sem slasaðist á tónleikunum. Þetta staðfestir Arna Johnson, framkvæmdastjóri Tix á Íslandi, en félagið hefur haft milligöngu um að koma þeim þremur í samband við viðkomandi tónleikagesti. „Þeir voru miður sín yfir þessu. Þeim er annt um sína aðdáendur. Það höfðu einhverjir haft samband við okkur og við útveguðum þeim lista, og létum fólk vita að þeir myndu hafa samband. Þeir vildu bara heyra í fólki, þeirra upplifun og bara aðeins ná utan um hvað gekk á þarna,“ segir Arna. FM95BLÖ Tónleikar á Íslandi Tónlist Mest lesið Tveir leigubílstjórar sviptir ökuréttindum við Keflavíkurflugvöll Innlent Fjórir karlmenn stálu Labubu í tugatali Erlent Bláa lónið varar ferðamenn við óprúttnum leigubílstjórum Innlent Furðar sig á viðvaningshætti í Washington og segir fundinn óþarfan Erlent Eiganda Trump Burger verður sparkað úr landi Erlent Sjaldan fleiri mótmælt ríkisstjórninni Erlent Lögreglan tekur leigubílamálin fastari tökum Innlent Íhugar að bjóða Selenskí eftir allt saman Erlent Sendiherra á Íslandi á grundvelli misskilnings Innlent Dvalarleyfiskerfið „handónýtt“: Erlent verkafólk leiti í vændi til að ná endum saman Innlent Fleiri fréttir Tveir á sjúkrahús eftir rafskútuslys Missir mikilvægrar meðferðar, óánægja í Ísrael og sundkappinn sem tefst Leiðtogar Norðurlanda og Eystrasaltsins: Engin friður án aðkomu Úkraínu“ Einn handtekinn vegna gruns um íkveikju Ný Miðgarðakirkja vígð í Grímsey Dvalarleyfiskerfið „handónýtt“: Erlent verkafólk leiti í vændi til að ná endum saman Átta utanríkisráðherrar fordæma hernámið á Gasa Mikill eldur í gömlu timburhúsi á Skaganum Tveir leigubílstjórar sviptir ökuréttindum við Keflavíkurflugvöll Viðvaningsháttur Trump-liða, próflausir leigubílstjórar og vel heppnuð ganga Bláa lónið varar ferðamenn við óprúttnum leigubílstjórum Deilt um ESB og Sólveig Anna ræðir útlendingafrumvarp Níu gistu fangageymslur í nótt Sendiherra á Íslandi á grundvelli misskilnings Pallaball fram á rauðanótt: „Farðu og finndu fólkið þitt!“ Lögreglan tekur leigubílamálin fastari tökum Vond staða Úkraínu, furðukenning um geimverur og Gleðigangan Taka þurfi ráðgjöf Hafró til endurskoðunar Alelda bíll á Emstruleið Vond niðurstaða Úkraínu, ásakanir á hendur sáttasemjara og síðasta hlaupið Mikill meirihluti hefur áhyggjur af stríðsátökum Rannsaka ásakanir á hendur ríkissáttasemjara Samdráttur og vítahringur í boði stjórnvalda Ekki stafi lengur tilvistarógn af Hamasliðum Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Sjá meira
Þeir sem komu að skipulagi og framkvæmd tónleikanna funduðu í dag með lögreglu og slökkviliði vegna tónleikanna, þar sem mikil örtröð myndaðist eftir að þríeykið í FM95Blö hafði lokið við að spila fyrir gesti hallarinnar. Fimmtán manns leituðu á bráðamóttöku og einn var lagður inn á sjúkrahús. Fulltrúar Íþrótta- og sýningarhallarinnar hf., sem annast rekstur Laugardalshallar, Nordic Live Events, sem setti upp tónleikana, og Icelandic Security, sem annaðist öryggisgæslu á tónleikunum, sátu fundinn ásamt fulltrúm lögreglu og slökkviliðs. Allir hafi farið yfir sinn þátt Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, segir í samtali við fréttastofu að á fundinum hafi verið rýnt í aðdraganda tónleikanna, umsókn um leyfi fyrir þeim, framkvæmd þeirra og allt annað sem viðkom tónleikunum. „Það höfðu auðvitað allir hlutaðeigandi farið yfir sína verkþætti eftir tónleikana. Við áttum bara mjög góðan fund,“ segir Ásmundur. Ásmundur Rúnar Gylfason, aðstoðaryfirlögregluþjónn.Vísir Fyrir liggi að of margir miðar hafi verið seldir á tónleikana, miðað við útgefið tækifærisleyfi. Það hafi gert ráð fyrir átta þúsund manns. „Það voru rétt rúmlega þúsund fleiri,“ segir Ásmundur. Það mál verði tekið til skoðunar hjá lögreglunni, óháð efni fundarins í dag. Enginn ásetningur Eins liggi fyrir að húsið hafi verið opnað of snemma miðað við leyfið. „En það komu útskýringar á þessu. Mannleg mistök, samskiptaleysi eða misskilningur milli tónleikahaldara og þess sem sækir um leyfið, sem er húsið,“ segir Ásmundur. Sjá einnig: „Beðið um leyfi fyrir átta þúsund manns“ Hann segir engan ásetning hafa verið til staðar, hvorki til þess að selja fleiri miða en leyfið gerði ráð fyrir né að byrja utan tilsetts tíma. Bæði megi skrifa á misskilning og skort á samskiptum. Viðbragðsaðilar líti líka inn á við „Við áttum opin samskipti með það hvað hefði betur mátt fara og allir hlutaðeigandi voru sammála um það að það hafi verið hlutir sem hefðu mátt gera það, bæði í aðdragandum og á tónleikunum sjálfum.“ Ásmundur nefnir sérstaklega skipulag og framkvæmd öryggisgæslu í því samhengi, en einnig samskipti tónleikahaldara og þeirra sem fari með stjórn húsnæðisins, sem hafi mátt vera þéttari og betri. „Eftirlitsaðilarnir, lögregla og slökkvilið, við þurfum líka að horfa inn á við og skoða verkferla við framkvæmd svona viðburða hjá okkur,“ segir hann. Menn verði að læra af atvikinu Björgvin Þór Rúnarsson, eigandi Nordic Live Events, segir í samtali við fréttastofu að á fundinum með viðbragðsaðilum og öðrum sem komu að tónleikunum hafi verið farið víðtækt yfir sviðið. „Menn eru sammála um að við verðum að læra af þessu og gera enn betur. Og ekki bara við heldur allir tónleikahaldarar á Íslandi,“ segir Björgvin. Til standi að einfalda verkferla, þannig að viðbragðsaðilar og allir sem komi að skipulagningu tónleika sem þessara komi fyrr að borðinu og geti rætt það sem þurfi að gera, svo ganga megi úr skugga um að allt sé í lagi. Hljóp niður í box Björgvin segir rétt að of margir miðar hafi verið seldir miðað við leyfið. Seldir umframmiðar hafi verið 336 talsins. „Þegar ég átta mig á þessu þá hleyp ég strax niður í box og stöðva miðasöluna hjá Tix,“ segir Björgvin um viðbrögð sín á tónleikadeginum. Auk ofseldu miðanna hafi verið gefnir út boðsmiðar, sem bæst hafi ofan á. Þar með hafi útgefnir miðar verið orðnir rúmlega þúsund fleiri en þeir áttu að vera. „Það er engin græðgi. Ég áttaði mig bara ekki nógu snemma á því, og stöðvaði miðasöluna. Tix og lögreglan geta vitnað um það,“ segir Björgvin. Aldrei lent í öðru eins Björgvin segir því mannleg mistök hafa ráðið því hvernig fór, bæði hvað varðar miðasöluna og tímaramma tónleikanna. „Ég tek þau á mig. Mér þykir þetta alveg ótrúlega leitt. Ég er búinn að vera í viðburðahaldi í 20 ár, og ég hef aldrei lent í svona. Ég er búinn að halda 87 viðburði, og ég hef aldrei lent í svona aðstæðum eins og ég hef lent í núna,“ segir hann. Björgvin segir tónleikana að mestu hafa gengið vel, og margt hafi verið gert þar sem viðburðahaldarar geti verið stoltir af. „Atvikið sem varð þarna, ég geri ekki lítið úr því og ég geri ekki lítið úr upplifun þessa hóps sem lenti í þessu. En mig langar líka að koma því á framfæri að tónleikarnir og öll umgjörð voru stórkostleg. Þetta atvik sem gerist þarna er vegna þess að öryggisgæslan var ekki næg þarna frammi. Lögreglan steig inn í og gerði það frábærlega, ásamt starfsfólki hallarinnar og okkar í Nordic Live. Mig langar bara að þakka þessu fólki fyrir, og koma því á framfæri að þetta fólk stóð sig frábærlega.“ Blö-drengir hringja í tónleikagesti Fréttastofa hefur fengið veður af því að þeir Auðunn Blöndal, Egill Einarsson og Steinþór Hróar Steinþórsson, sem saman mynda FM95Blö og voru andlit tónleikanna, hafi að undanförnu komið sér í samband við fólk sem slasaðist á tónleikunum. Þetta staðfestir Arna Johnson, framkvæmdastjóri Tix á Íslandi, en félagið hefur haft milligöngu um að koma þeim þremur í samband við viðkomandi tónleikagesti. „Þeir voru miður sín yfir þessu. Þeim er annt um sína aðdáendur. Það höfðu einhverjir haft samband við okkur og við útveguðum þeim lista, og létum fólk vita að þeir myndu hafa samband. Þeir vildu bara heyra í fólki, þeirra upplifun og bara aðeins ná utan um hvað gekk á þarna,“ segir Arna.
FM95BLÖ Tónleikar á Íslandi Tónlist Mest lesið Tveir leigubílstjórar sviptir ökuréttindum við Keflavíkurflugvöll Innlent Fjórir karlmenn stálu Labubu í tugatali Erlent Bláa lónið varar ferðamenn við óprúttnum leigubílstjórum Innlent Furðar sig á viðvaningshætti í Washington og segir fundinn óþarfan Erlent Eiganda Trump Burger verður sparkað úr landi Erlent Sjaldan fleiri mótmælt ríkisstjórninni Erlent Lögreglan tekur leigubílamálin fastari tökum Innlent Íhugar að bjóða Selenskí eftir allt saman Erlent Sendiherra á Íslandi á grundvelli misskilnings Innlent Dvalarleyfiskerfið „handónýtt“: Erlent verkafólk leiti í vændi til að ná endum saman Innlent Fleiri fréttir Tveir á sjúkrahús eftir rafskútuslys Missir mikilvægrar meðferðar, óánægja í Ísrael og sundkappinn sem tefst Leiðtogar Norðurlanda og Eystrasaltsins: Engin friður án aðkomu Úkraínu“ Einn handtekinn vegna gruns um íkveikju Ný Miðgarðakirkja vígð í Grímsey Dvalarleyfiskerfið „handónýtt“: Erlent verkafólk leiti í vændi til að ná endum saman Átta utanríkisráðherrar fordæma hernámið á Gasa Mikill eldur í gömlu timburhúsi á Skaganum Tveir leigubílstjórar sviptir ökuréttindum við Keflavíkurflugvöll Viðvaningsháttur Trump-liða, próflausir leigubílstjórar og vel heppnuð ganga Bláa lónið varar ferðamenn við óprúttnum leigubílstjórum Deilt um ESB og Sólveig Anna ræðir útlendingafrumvarp Níu gistu fangageymslur í nótt Sendiherra á Íslandi á grundvelli misskilnings Pallaball fram á rauðanótt: „Farðu og finndu fólkið þitt!“ Lögreglan tekur leigubílamálin fastari tökum Vond staða Úkraínu, furðukenning um geimverur og Gleðigangan Taka þurfi ráðgjöf Hafró til endurskoðunar Alelda bíll á Emstruleið Vond niðurstaða Úkraínu, ásakanir á hendur sáttasemjara og síðasta hlaupið Mikill meirihluti hefur áhyggjur af stríðsátökum Rannsaka ásakanir á hendur ríkissáttasemjara Samdráttur og vítahringur í boði stjórnvalda Ekki stafi lengur tilvistarógn af Hamasliðum Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Sjá meira