Erlent

Saka Ísraels­her aftur um að hafa skotið á hóp sem beið eftir hjálpar­gögnum

Gunnar Reynir Valþórsson skrifar
Palestínskir drengir með hjálpargögn sem dreift var á Gasa svæðinu af Gaza Humanitarian Foundation (GHF), sem eru einu samtökin sem Ísraelar hleypa inn á Gasa. 
Palestínskir drengir með hjálpargögn sem dreift var á Gasa svæðinu af Gaza Humanitarian Foundation (GHF), sem eru einu samtökin sem Ísraelar hleypa inn á Gasa.  AP Photo/Abdel Kareem Hana

Forstjóri Nasser spítalans á Gasa svæðinu segir að tuttugu og fjórir hafi verið drepnir og að þrjátíu og sjö hafi særst eftir að ísraelskir hermenn gerðu árás á hóp fólks sem var að bíða eftir hjálpargögnum í borginni  Rafah í morgun.

 Forstjórinn segir að fólkið hafi flest verið með skotsár og herinn í Ísrael segir að skotið hafi verið á fólk sem hermenn hafi talið vera grunsamlegt í háttum. Palestínumenn segja hinsvegar að skotið hafi verið á fólkið þar sem nokkur þúsund manns voru saman komin og að Ísraelsmenn hafi notað til þess dróna, þyrlur og skriðdreka.

Ísraelsher segist vera að kanna málið og ísraelski miðillinn Times of Israel hefur eftir hernum að skotið hafi verið á grunsamlega menn sem hafi ekki tekið mark á viðvörunarskotum og nálgast hermennina of mikið.

Herinn hefur einnig neitað fyrir árás sem hann er sagður hafa framið á sunnudaginn var þegar þrjátíu og einn var sagður hafa verið drepinn í svipuðu atviki.

Átök í Ísrael og Palestínu Palestína Ísrael

Mest lesið


Fleiri fréttir

Sjá meira


×

Mest lesið