„Unnum klár­lega bar­áttuna í leiknum“

„Bara hrikalega sáttur með þrjú stigin. Erfitt að koma hérna á Vestfirði og sækja þrjá punkta. Við erum bara virkilega sáttir með þetta. Var eins og við bjuggumst við, mikil harka og mikið um návígi. Mér fannst mínir strákar standa sig vel þar. Við unnum klárlega baráttuna í leiknum, það þarftu að gera hérna,“ sagði Sölvi Geir og hélt áfram að ræða baráttuna.

„Þú þarft að byrja á því, byrja á að vinna baráttuna. Eftir það fannst mér leikurinn undir „control“ hjá okkur. Fannst við ekki hleypa þeim í nein færi, sérstaklega í seinni hálfleik. Þá lokuðum algjörlega fyrir markið okkar og þeir komust aldrei í ákjósanlega stöðu til að jafna leikinn.“

„Við hefðum hæglega getað skorað fleiri. Sáttur með að hafa komið hingað á erfiðan útivöll og tekið þrjú stig.“

„Það fengu leikmenn mínútur og við gátum hvílt aðra leikmenn og er bara mjög sáttur með þetta. Við stýrðum leiknum vel, vorum ekkert að hleypa þeim í neinar stöður eða færi þannig ég er bara virkilega sáttur með þetta.“