Unnur Birna og Pétur selja rað­húsið

Hjónin festu kaup á húsinu árið 2018 og greiddu 74,9 milljónir fyrir. Heimili Unnar Birnu og Péturs er afar glæsilegt þar sem ljósir litatónar og mínímalísk hönnun ræður ríkjum. 

Um er að ræða bjart og vel skipulagt 140 fermetra raðhús á tveimur hæðum ásamt risi sem var byggt árið 1982. 

Eldhús, stofa og borðstofa er samliggjandi í opnu og rúmgóðu rými með útgengi á suðursvalir sem leiðir niður í afgirtan garð með timburpalli og heitum potti. Á gólfum er ljóst viðarparket. 

Í eldhúsinu er hvít og stílhrein innrétting með góðu skápaplássi. Fyrir miðju er stór eldhúseyja með granít á borðum. 

Í húsinu eru samtals fimm svefnherbergi og tvö baðherbergi. 

Nánari upplýsingar á fasteignavef Vísis.