Logi Ólafs kveður eftir áratugastarf í MH

„Eftir farsæla áratugi í MH kveður Logi Ólafsson okkur í dag. Alltaf með marga bolta á lofti. Við þökkum fyrir allt og óskum Loga alls hins besta utan veggja MH,“ segir um starfslok Loga á samfélagsmiðlum skólans.

Logi hélt upp á sjötugsafmælið sitt í síðasta mánuði.

Logi hefur starfað við Menntaskólann við Hamrahlíð síðan á síðustu öld. Þegar hann hóf störf við skólann átti MH ekki íþróttahús en íþróttahús skólans reis loksins árið 2007.

Með fram störfum sínum í MH þá þjálfaði Logi lið eins og FH, KR, Víking, Selfoss og Stjörnuna auk þess að þjálfa bæði karlalandsliðið og kvennalandsliðið.

Hann er sá eini í sögu íslenskrar knattspyrnu sem hefur þjálfað bæði A-landsliðs karla og kvenna sem og unnið Íslandsmeistaratitil hjá bæði körlum og konum.

Logi gerði kvennalið Val að Íslandsmeisturum og hann gerði einnig bæði karlalið Víkings og ÍA að Íslandsmeisturum.