Innlent

Einn fluttur á bráða­mót­töku eftir slags­mál

Hólmfríður Gísladóttir skrifar
Lögregla á höfuðborgarsvæðinu hafði í ýmsu að snúast í gærkvöldi og í nótt.
Lögregla á höfuðborgarsvæðinu hafði í ýmsu að snúast í gærkvöldi og í nótt. Vísir/Vilhelm

Einn var fluttur á bráðamóttöku til aðhlynningar eftir slagsmál í póstnúmerinu 111 í gærkvöldi eða nótt. Þá var tilkynnt um umferðaróhapp í 109 en engin slys urðu á fólki.

Þrjár tilkynningar bárust lögreglunni á höfuðborgarsvæðinu um grunsamlegar mannaferðir; í hverfum 108, 200 og 203. Ekkert var að sjá þegar lögreglu bar að.

Þá var tilkynnt um eld í ruslatunnu í miðborginni en búið að slökkva þegar viðbragðsaðilar komu á vettvang. Einnig var tilkynnt um rúðubrot í grunnskóla í Vesturbænum.

Nokkrir bifreiðaeigendur eiga von á sektum vegna illa lagðra ökutækja á eða við gangbrautir í 210.

Lögreglumál Reykjavík

Mest lesið


Fleiri fréttir

Sjá meira


×

Mest lesið