Myndaveisla: Húrrandi fjör í stór­af­mæli Húrra

Herrafataverslunin Húrra Reykjavík opnaði þann 5. september 2014 og varð fljótt ein af vinsælustu fataverslunum miðbæjarins.

„Mikið vatn hefur runnið til sjávar á þessum tíu árum en frá haustmánuðum 2014 hefur Húrra tekið vel á móti þúsundum ánægðra viðskiptavina. 

Húrra opnaði í kjölfarið kvennaverslun haustið 2016 áður en þau sameinuðu verslanirnar og færðu sig um set yfir á Hverfisgötu 18 a. Sömuleiðis reka þau verslun á Keflavíkurflugvelli,“ segir í fréttatilkynningu og þar kemur sömuleiðis fram að fyrirtækið sé hvergi nærri hætt að þróast.

„Það eru fleiri spennandi hlutir í pípunum sem við hlökkum mikið til að deila með ykkur.“

Í tilefni af stórafmælinu var boðið til heljarinnar afmælispartýs í verslun þeirra að Hverfisgötu 18a á laugardaginn. 

„Ölgerðin bauð upp á drykki og einnig var risastór afmælisterta í boði fyrir gesti. Daði Ómars spilaði ljúfa tóna og samstarfsfólk frá ýmsum merkjum sem Húrra selur kom að utan til að fagna með Húrra.

Eftir teitið var fyrst kvöldmatur á Baka Baka fyrir öll þau sem hafa nokkurn tíma starfað hjá versluninni og svo var förinni heitið í partý á næturklúbbinn Auto. Young Nazareth, Daði Ómars og Club Dub komu þar fram.

Það var mikið líf og fjör á klúbbnum og fólk skemmti sér konunglega.“

Hér má sjá vel valdar myndir frá kvöldinu: