Flúðu heimili sitt eftir líkamsárás og umsátur Lovísa Arnardóttir skrifar 4. september 2024 17:02 Hilmar og Sigríður eru búin að vera saman í um ár. Saman eiga þau eitt barn en eiga bæði líka barn úr fyrra sambandi. Aðsendar Nýbakaðir foreldrar þurftu í vikunni að flýja heimili sitt á Akureyri í kjölfar líkamsárásar og umsáturs um helgina. Þau leita vitna að árásinni sem átti sér stað á föstudagskvöld við Íþróttahöllina á Akureyri. Þau hyggjast leggja fram kæru vegna árásarinnar og umsátursins í dag. „Þetta er komið á borð lögreglu,“ segir Margeir Björgvinsson varðstjóri hjá Lögreglunni á Norðurlandi eystra. Margeir segir að þegar brotið hefur verið kært fari ákveðið ferli í gang og málið verði rannsakað með tilliti til þess. Spurður hvort lögregla hafi rætt við meintan geranda segist hann ekki geta upplýst um það hvað lögreglan hafi þegar gert. Þrjú vitni hafi leitað til lögreglu „Síðasta föstudag þann 30. ágúst á Rottweiler tónleikunum sem voru haldnir í Íþróttahöllinni á Akureyri urðum ég og Hilmar fyrir líkamsárás. Í kjölfarið á því fór af stað atburðarás sem ég hélt að ég og fjölskyldan mín þyrftum aldrei að upplifa,“ segir Sigríður Breiðfjörð Róbertsdóttir í færslu á Facebook þar sem hún lýsir árásinni og birtir myndir af áverkum sínum. Þúsundir sóttu tónleikana á föstudag og var nokkur fjöldi vitni að árásinni. Sigríður segir í samtali við fréttastofu að þrjú þeirra hafi þegar leitað til Lögreglunnar á Norðurlandi eystra til að lýsa því sem gerðist. „Það var þvaga í kringum okkur þegar þetta gerðist. Við erum að óska eftir vitnum. Ég man ekki eftir þessu og vissi ekki að þetta hefði skeð fyrr en kærastinn minn sagði mér þetta.“ Deilur um umgengni Sigríður segir árásina líklega tengjast deilum kærasta hennar, Hilmars Snæs Símonarsonar, og barnsmóður hans, um umgengni og umsjá barnsins sem þau eiga saman. „Ég veit auðvitað ekki sjálf hvað gerðist því ég missti meðvitund en það sem ég hef heyrt frá vitnum er að hún kom aftan að mér og réðst á mig. Þá verða einhver átök,“ segir Sigríður. Sigríður er með áverka á andliti og víðar á líkamanum.Aðsendar Stuttu seinna hafi sambýlismaður konunnar einnig byrjaður að ráðast á hana. „Það er fullt af fólki að reyna að ná henni af mér, og svo honum, en hann var að sparka í mig á meðan ég lá meðvitundarlaus í jörðinni. Þá ræðst hann á kærastann minn og tekur hann hálstaki og hótar að drepa hann. Eftir að lögreglan stígur inn í ná þau að hlaupa í burtu.“ Leita til almennings Sigríður segir að þau leiti til almennings eftir vitnisburði og myndum eða myndböndum sem fólk gæti hafa tekið. „Vinkona mín sá hana koma aftan að mér en svo erum við bara búin að vera að púsla atburðarásinni saman með mörgum ólíkum frásögnum.“ Sigríður var sjálf tekin af lögreglu á vettvangi vegna þess að hún streittist á móti. „Þegar ég vaknaði hélt ég að það væri enn verið að ráðast á mig. Ég var mjög ringluð. Þess vegna tekur lögreglan mig.“ Hún viti ekki af hverju ekki hafi verið hringt á sjúkrabíl. „Við fórum sjálf næsta dag á sjúkrahús. Ég er með mikla áverka um allan líkamann.“ Sigríður segir að daginn eftir hafi Hilmar, kærastinn hennar, fengið símhringingu frá manni sem hótaði þeim meira ofbeldi. Það hafi líklega verið til að koma í veg fyrir að þau myndu kæra. „Við förum út úr húsi á mánudagsmorgni og tókum eftir því að þetta fólk var allt í íbúðinni á móti okkar íbúð. Barnsmóðir hans, maðurinn sem hótaði okkur og fleiri aðilar. Það var eins og þau væru bara að bíða færis,“ segir Sigríður og að þau hafi síðar sama dag ákveðið að leita til lögreglunnar til að fá aðstoð við að komast úr bænum. Lögreglufylgd úr bænum Lögreglan fylgdi þeim þá heim, beið á meðan þau pökkuðu í tösku og fylgdi þeim svo úr bænum. „Við óskum eftir fleiri vitnum að atvikinu á tónleikunum og myndum eða myndböndum ef fólk á. Mér finnst líka mikilvægt vegna umræðunnar í samfélaginu að segja frá þessu. Sama morgun og ég vakna upp við það að hafa orðið fyrir líkamsárás lést ung stúlka eftir árás sem skekur allt samfélagið. Við verðum að gera betur,“ segir Sigríður að lokum. Veistu meira um málið? Fréttastofa tekur við ábendingum á netfangið ritstjorn@visir.is. Fullum trúnaði er heitið. Akureyri Lögreglumál Mest lesið „Vona að þú sofir vel“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Birti mynd af sér í páfaskrúða Erlent „Ekki bara rekinn heldur á staðnum og fyrirvaralaust“ Innlent „Þetta er vítahringur sem endurtekur sig í sífellu!“ Innlent Kosningar í Ástralíu: Fylgi Íhaldsflokksins dvínar vegna framgöngu Trump Erlent Sögulegur sigur Umbótaflokks og skipbrot stóru flokkanna tveggja Erlent Nágrannaerjur, grjótkast og „víðáttuölvuðum“ veitt eftirför Innlent Fyrirgefur fjölskyldunni og leitar sátta Erlent Buðu mótherjum Björgólfs fyrst þjónustu sína Innlent Fleiri fréttir Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Sjá meira
„Þetta er komið á borð lögreglu,“ segir Margeir Björgvinsson varðstjóri hjá Lögreglunni á Norðurlandi eystra. Margeir segir að þegar brotið hefur verið kært fari ákveðið ferli í gang og málið verði rannsakað með tilliti til þess. Spurður hvort lögregla hafi rætt við meintan geranda segist hann ekki geta upplýst um það hvað lögreglan hafi þegar gert. Þrjú vitni hafi leitað til lögreglu „Síðasta föstudag þann 30. ágúst á Rottweiler tónleikunum sem voru haldnir í Íþróttahöllinni á Akureyri urðum ég og Hilmar fyrir líkamsárás. Í kjölfarið á því fór af stað atburðarás sem ég hélt að ég og fjölskyldan mín þyrftum aldrei að upplifa,“ segir Sigríður Breiðfjörð Róbertsdóttir í færslu á Facebook þar sem hún lýsir árásinni og birtir myndir af áverkum sínum. Þúsundir sóttu tónleikana á föstudag og var nokkur fjöldi vitni að árásinni. Sigríður segir í samtali við fréttastofu að þrjú þeirra hafi þegar leitað til Lögreglunnar á Norðurlandi eystra til að lýsa því sem gerðist. „Það var þvaga í kringum okkur þegar þetta gerðist. Við erum að óska eftir vitnum. Ég man ekki eftir þessu og vissi ekki að þetta hefði skeð fyrr en kærastinn minn sagði mér þetta.“ Deilur um umgengni Sigríður segir árásina líklega tengjast deilum kærasta hennar, Hilmars Snæs Símonarsonar, og barnsmóður hans, um umgengni og umsjá barnsins sem þau eiga saman. „Ég veit auðvitað ekki sjálf hvað gerðist því ég missti meðvitund en það sem ég hef heyrt frá vitnum er að hún kom aftan að mér og réðst á mig. Þá verða einhver átök,“ segir Sigríður. Sigríður er með áverka á andliti og víðar á líkamanum.Aðsendar Stuttu seinna hafi sambýlismaður konunnar einnig byrjaður að ráðast á hana. „Það er fullt af fólki að reyna að ná henni af mér, og svo honum, en hann var að sparka í mig á meðan ég lá meðvitundarlaus í jörðinni. Þá ræðst hann á kærastann minn og tekur hann hálstaki og hótar að drepa hann. Eftir að lögreglan stígur inn í ná þau að hlaupa í burtu.“ Leita til almennings Sigríður segir að þau leiti til almennings eftir vitnisburði og myndum eða myndböndum sem fólk gæti hafa tekið. „Vinkona mín sá hana koma aftan að mér en svo erum við bara búin að vera að púsla atburðarásinni saman með mörgum ólíkum frásögnum.“ Sigríður var sjálf tekin af lögreglu á vettvangi vegna þess að hún streittist á móti. „Þegar ég vaknaði hélt ég að það væri enn verið að ráðast á mig. Ég var mjög ringluð. Þess vegna tekur lögreglan mig.“ Hún viti ekki af hverju ekki hafi verið hringt á sjúkrabíl. „Við fórum sjálf næsta dag á sjúkrahús. Ég er með mikla áverka um allan líkamann.“ Sigríður segir að daginn eftir hafi Hilmar, kærastinn hennar, fengið símhringingu frá manni sem hótaði þeim meira ofbeldi. Það hafi líklega verið til að koma í veg fyrir að þau myndu kæra. „Við förum út úr húsi á mánudagsmorgni og tókum eftir því að þetta fólk var allt í íbúðinni á móti okkar íbúð. Barnsmóðir hans, maðurinn sem hótaði okkur og fleiri aðilar. Það var eins og þau væru bara að bíða færis,“ segir Sigríður og að þau hafi síðar sama dag ákveðið að leita til lögreglunnar til að fá aðstoð við að komast úr bænum. Lögreglufylgd úr bænum Lögreglan fylgdi þeim þá heim, beið á meðan þau pökkuðu í tösku og fylgdi þeim svo úr bænum. „Við óskum eftir fleiri vitnum að atvikinu á tónleikunum og myndum eða myndböndum ef fólk á. Mér finnst líka mikilvægt vegna umræðunnar í samfélaginu að segja frá þessu. Sama morgun og ég vakna upp við það að hafa orðið fyrir líkamsárás lést ung stúlka eftir árás sem skekur allt samfélagið. Við verðum að gera betur,“ segir Sigríður að lokum. Veistu meira um málið? Fréttastofa tekur við ábendingum á netfangið ritstjorn@visir.is. Fullum trúnaði er heitið.
Veistu meira um málið? Fréttastofa tekur við ábendingum á netfangið ritstjorn@visir.is. Fullum trúnaði er heitið.
Akureyri Lögreglumál Mest lesið „Vona að þú sofir vel“ Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Birti mynd af sér í páfaskrúða Erlent „Ekki bara rekinn heldur á staðnum og fyrirvaralaust“ Innlent „Þetta er vítahringur sem endurtekur sig í sífellu!“ Innlent Kosningar í Ástralíu: Fylgi Íhaldsflokksins dvínar vegna framgöngu Trump Erlent Sögulegur sigur Umbótaflokks og skipbrot stóru flokkanna tveggja Erlent Nágrannaerjur, grjótkast og „víðáttuölvuðum“ veitt eftirför Innlent Fyrirgefur fjölskyldunni og leitar sátta Erlent Buðu mótherjum Björgólfs fyrst þjónustu sína Innlent Fleiri fréttir Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Sjá meira