Innlent

Á­stand vega á Ís­landi mikið á­hyggju­efni

Jón Ísak Ragnarsson skrifar
Víða er nauðsynlegt að færa sig úr lagningu klæðningar yfir í malbik, að sögn Vegagerðarinnar.
Víða er nauðsynlegt að færa sig úr lagningu klæðningar yfir í malbik, að sögn Vegagerðarinnar. Vísir/Vilhelm

Bifhjólasamtök lýðveldisins, Sniglar, hafa boðað til opins fundar um vegakerfið og öryggi í húsnæði Colas í Hafnarfirðinum klukkan 19 í kvöld. Á fundinum verður rætt um umferðaröryggi og lagningu vega, en sagt er að ástand vega sé mikið áhyggjuefni. Fjöldi látinna og alvarlega slasaðra í umferðarslysum var 237 á síðasta ári.

Búist er við fjölmenni á fundinum enda er fólk orðið langþreytt á ástandinu á vegum landsins.

Forstjóri Colas, Sigþór Sigurðsson, og forstjóri Malbikunarstöðvarinnar Höfða, Birkir Hrafn Jóakimsson, verða með farmsögu og fara annars vegar yfir fjárhagshlið vegaframkvæmda og hins vegar tækni, efni og aðferðir er kemur að lagningu vega.

Viðhaldsskuldin stendur í 130 milljörðum

Að sögn talsmanna Vegagerðarinnar er víða nauðsynlegt að færa sig úr lagningu klæðningar yfir í að leggja malbik. Viðhaldsskuld í vegakerfinu sé orðin mikil og aukist með hverju ári, hún standi í 130 milljörðum í dag.

Sniglar telja að tími sé kominn til að taka undir með Vegagerðinni og krefjast úrbóta.

Hér má finna hlekk á viðburðinn á Facebook.

Umferðaröryggi Vegagerð

Mest lesið


Fleiri fréttir

Sjá meira


×

Mest lesið