Lést kornungur og ótryggður frá fjölskyldunni Oddur Ævar Gunnarsson skrifar 12. apríl 2024 07:01 Bjarki ásamt börnunum sínum þeim Heiðrúnu Bjarkadóttur og Ólafi Þór Bjarkasyni. Bjarki Gylfason lést ótryggður í faðmi fjölskyldu sinnar í lok mars aðeins 36 ára gamall eftir hetjulega baráttu við krabbamein. Honum var ókleift að tryggja sig fyrir alvarlegum áföllum vegna þess að hann var með sáraristilbólgu. Söfnun hefur verið komið af stað fyrir fjölskyldu hans og verða haldnir minningar-og styrktartónleikar á Sviðinu Selfossi 17 apríl næstkomandi. Bjarki ræddi veikindi sín á opinskáan hátt þegar hann tók þátt í fjáröflunarátaki Krafts fyrr á þessu ári. Bjarki greindist með ristilkrabbamein árið 2022 þá 35 ára gamall og hafði þá verið með sáraristilbólgu í sautján ár og lifað með því. Við það tilefni lýsti Bjarki því að hann hefði verið opinskár með veikindi sín svo fólk vissi hvað væri í gangi. Bjarki var líka liðsfélagi körfuboltaliðs Álftaness. Hans var minnst með mínutu löngu klappi fyrir leik liðsins gegn Hetti í byrjun mánaðarins. Bjarki lést á heimili sínu í faðmi fjölskyldu sinnar þann 20. mars síðastliðinn en hann skilur eftir sig eiginkonu, Guðrúnu Ástu Ólafsdóttur, og tvö börn, þau Heiðrúnu Bjarkadóttur, tíu ára, og Ólaf Þór Bjarkason, átta ára. Bjarki var uppalinn á Stokkseyri, lagði stund á nám við Fjölbrautaskóla Suðurlands á sínum tíma og spilaði körfubolta með uppeldisfélagi sínu, Þór Þorlákshöfn, um langa hríð og Álftanesi frá árinu 2022. Hann stundaði veiðar og naut sín mikið í útivist og ævintýrum ýmisskonar, var vinamargur og þeir sem þekktu til hans hafa lýst honum sem einstaklega lífsglöðum, vini vina sinna og frábærum liðsfélaga sem lét ekkert stoppa sig í að lifa lífinu til fulls alla tíð. Einvalalið á tónleikunum „Hann var ótrúlega æðrulaus og ætlaði sér bara ekki að tapa þessu og fór bara í gírinn,“ segir Arnar Pétursson gítarleikari í Mammút og fjölskylduvinur sem er einn þeirra sem skipuleggja tónleikana næsta miðvikudagskvöld. Hann segir sögu Bjarka alla tíð hafa staðið sér nærri en Arnar er með Crohn's sjúkdóminn, sem er af sama meiði og sáraristilbólga. „Maður er líka sjálfur fjölskyldumaður, með þrjú börn og setur sig í þessi spor Bjarka, að deyja þarna frá fjölskyldunni sinni, sem svo í ofanálag þarf að hafa áhyggjur af peningavandræðum vegna einhverra tryggingamála, sem er náttúrulega bara glatað,“ segir Arnar en vegna þess að hann var með sáraristilbólgu og hafði verið með um margra ára skeið gat Bjarki aldrei líftryggt sig. Bjarki og fjölskylda þau Guðrún Ásta, Heiðrún og Ólafur á góðri stundu. Tónleikarnir fara fram á Sviðinu á Selfossi á miðvikudagskvöld 17. apríl og hefjast klukkan 19:00. Allir sem koma að tónleikunum gefa vinnu sína, ekki einungis þeir listamenn sem koma fram heldur meðal annars einnig þeir sem standa að Sviðinu og sjá um tæknimál, skreytingar og veitingar. Miðasala fer fram á vef Sviðsins. Meðal þeirra sem fram koma á tónleikunum verða Diljá Péturs, Guðrún Árný og Júlí Heiðar. Arnar segist hvetja alla sem geta til þess að mæta eða leggja fjölskyldunni lið með öðrum hætti og nefnir að til viðbótar tónleikunum munu Þór Þorlákshöfn og Álftanes efna til vináttuleikjar til styrktar fjölskyldunni í maí næstkomandi. Söfnunarreikningurinn hér að neðan er á nafni Guðrúnar Ástu, eiginkonu Bjarka, og er tekið þar við frjálsum framlögum. Reiknisnr. 0370-26-048318 Kt. 080390-2039 Aur: 868-1930 Arnar í Mammút er einn skipuleggjenda tónleikanna sem haldnir eru í minningu Bjarka og til styrktar fjölskyldu hans.Saga Sig Eftirtaldir koma fram á tónleikunum ásamt frábæru úrvali hljóðfæraleikara: Diljá Pétursdóttir Júlí Heiðar Guðrún Árný Gunni Óla Þórir Geir Fríða Hansen Hara systur ásamt Arnari Mammút og Einsa made in sveitin Dúett - Opera Comedy Sædís Lind Anna María Dagný Sif Heiðrún Bjarkadóttir Krabbamein Tryggingar Tónlist Börn og uppeldi Heilbrigðismál Mest lesið „Ég er búin að sætta mig við að ég mun líklega aldrei fá nein svör“ Lífið Stjörnustjarfur með David Schwimmer og Will Ferrell Lífið Maríanna og Dommi trúlofuð Lífið Fréttatía vikunnar: Leynigestur, brottvísanir og ofurfyrirsæta Lífið Fimm lög keppa í Söngvakeppninni í kvöld Lífið Aðstoðarmennirnir og ástin Lífið Einhleypan: Grænkeri sem hrífst af hugrekki Makamál „Ég var mjög reiður út í heiminn í marga mánuði“ Lífið Kosning hafin fyrir Hlustendaverðlaunin Lífið Segist vera nasisti sem elskar Hitler Lífið Fleiri fréttir Fimm lög keppa í Söngvakeppninni í kvöld „Ég er búin að sætta mig við að ég mun líklega aldrei fá nein svör“ Stjörnustjarfur með David Schwimmer og Will Ferrell Fréttatía vikunnar: Leynigestur, brottvísanir og ofurfyrirsæta Maríanna og Dommi trúlofuð Kúrekar og bandíttar í stuði á Kommablótinu Prinsessan eignaðist dóttur Segist vera nasisti sem elskar Hitler Lítil þolinmæði fyrir hrekk Audda Aðstoðarmennirnir og ástin Vefur um útivist í loftið Vetrarhátíð með gagnvirkri ljósasýningu hefst í dag Stjórnarandstaðan hræðist ekkert meðan ríkisstjórnin þori ekki út úr húsi „Ég var mjög reiður út í heiminn í marga mánuði“ Einhvern tímann var allt fyrst Berglind Festival, Hallgrímur Helga og Unnsteinn á sumarhryllingnum Mamma mætti á frumsýningu Fjallsins Frumsýning á Vísi: Óvæntir gestir hjá Væb-bræðrum Saknar ekki fullrar innkeyrslu af glæsikerrum Selur fantaflotta íbúð sem hann keypti af Birni Braga „Kemur í ljós að þetta er í raun einhverfa“ Kærasta Liam Payne tjáir síg í fyrsta sinn 340 fermetra listaverkahöll í Kópavogi Þriðja barn Gisele komið í heiminn Líkamsræktarfrömuður selur í Kópavogi Irv Gotti er látinn Halla og Björn létu sig ekki vanta á þorrablóti Álftaness Sleikurinn við Colin Farrell ógleymanlegur Hugsi yfir bílastæðamálum sem eru til skoðunar Peaky Blinders stjarna lét sig ekki vanta á The Damned Sjá meira
Bjarki ræddi veikindi sín á opinskáan hátt þegar hann tók þátt í fjáröflunarátaki Krafts fyrr á þessu ári. Bjarki greindist með ristilkrabbamein árið 2022 þá 35 ára gamall og hafði þá verið með sáraristilbólgu í sautján ár og lifað með því. Við það tilefni lýsti Bjarki því að hann hefði verið opinskár með veikindi sín svo fólk vissi hvað væri í gangi. Bjarki var líka liðsfélagi körfuboltaliðs Álftaness. Hans var minnst með mínutu löngu klappi fyrir leik liðsins gegn Hetti í byrjun mánaðarins. Bjarki lést á heimili sínu í faðmi fjölskyldu sinnar þann 20. mars síðastliðinn en hann skilur eftir sig eiginkonu, Guðrúnu Ástu Ólafsdóttur, og tvö börn, þau Heiðrúnu Bjarkadóttur, tíu ára, og Ólaf Þór Bjarkason, átta ára. Bjarki var uppalinn á Stokkseyri, lagði stund á nám við Fjölbrautaskóla Suðurlands á sínum tíma og spilaði körfubolta með uppeldisfélagi sínu, Þór Þorlákshöfn, um langa hríð og Álftanesi frá árinu 2022. Hann stundaði veiðar og naut sín mikið í útivist og ævintýrum ýmisskonar, var vinamargur og þeir sem þekktu til hans hafa lýst honum sem einstaklega lífsglöðum, vini vina sinna og frábærum liðsfélaga sem lét ekkert stoppa sig í að lifa lífinu til fulls alla tíð. Einvalalið á tónleikunum „Hann var ótrúlega æðrulaus og ætlaði sér bara ekki að tapa þessu og fór bara í gírinn,“ segir Arnar Pétursson gítarleikari í Mammút og fjölskylduvinur sem er einn þeirra sem skipuleggja tónleikana næsta miðvikudagskvöld. Hann segir sögu Bjarka alla tíð hafa staðið sér nærri en Arnar er með Crohn's sjúkdóminn, sem er af sama meiði og sáraristilbólga. „Maður er líka sjálfur fjölskyldumaður, með þrjú börn og setur sig í þessi spor Bjarka, að deyja þarna frá fjölskyldunni sinni, sem svo í ofanálag þarf að hafa áhyggjur af peningavandræðum vegna einhverra tryggingamála, sem er náttúrulega bara glatað,“ segir Arnar en vegna þess að hann var með sáraristilbólgu og hafði verið með um margra ára skeið gat Bjarki aldrei líftryggt sig. Bjarki og fjölskylda þau Guðrún Ásta, Heiðrún og Ólafur á góðri stundu. Tónleikarnir fara fram á Sviðinu á Selfossi á miðvikudagskvöld 17. apríl og hefjast klukkan 19:00. Allir sem koma að tónleikunum gefa vinnu sína, ekki einungis þeir listamenn sem koma fram heldur meðal annars einnig þeir sem standa að Sviðinu og sjá um tæknimál, skreytingar og veitingar. Miðasala fer fram á vef Sviðsins. Meðal þeirra sem fram koma á tónleikunum verða Diljá Péturs, Guðrún Árný og Júlí Heiðar. Arnar segist hvetja alla sem geta til þess að mæta eða leggja fjölskyldunni lið með öðrum hætti og nefnir að til viðbótar tónleikunum munu Þór Þorlákshöfn og Álftanes efna til vináttuleikjar til styrktar fjölskyldunni í maí næstkomandi. Söfnunarreikningurinn hér að neðan er á nafni Guðrúnar Ástu, eiginkonu Bjarka, og er tekið þar við frjálsum framlögum. Reiknisnr. 0370-26-048318 Kt. 080390-2039 Aur: 868-1930 Arnar í Mammút er einn skipuleggjenda tónleikanna sem haldnir eru í minningu Bjarka og til styrktar fjölskyldu hans.Saga Sig Eftirtaldir koma fram á tónleikunum ásamt frábæru úrvali hljóðfæraleikara: Diljá Pétursdóttir Júlí Heiðar Guðrún Árný Gunni Óla Þórir Geir Fríða Hansen Hara systur ásamt Arnari Mammút og Einsa made in sveitin Dúett - Opera Comedy Sædís Lind Anna María Dagný Sif Heiðrún Bjarkadóttir
Krabbamein Tryggingar Tónlist Börn og uppeldi Heilbrigðismál Mest lesið „Ég er búin að sætta mig við að ég mun líklega aldrei fá nein svör“ Lífið Stjörnustjarfur með David Schwimmer og Will Ferrell Lífið Maríanna og Dommi trúlofuð Lífið Fréttatía vikunnar: Leynigestur, brottvísanir og ofurfyrirsæta Lífið Fimm lög keppa í Söngvakeppninni í kvöld Lífið Aðstoðarmennirnir og ástin Lífið Einhleypan: Grænkeri sem hrífst af hugrekki Makamál „Ég var mjög reiður út í heiminn í marga mánuði“ Lífið Kosning hafin fyrir Hlustendaverðlaunin Lífið Segist vera nasisti sem elskar Hitler Lífið Fleiri fréttir Fimm lög keppa í Söngvakeppninni í kvöld „Ég er búin að sætta mig við að ég mun líklega aldrei fá nein svör“ Stjörnustjarfur með David Schwimmer og Will Ferrell Fréttatía vikunnar: Leynigestur, brottvísanir og ofurfyrirsæta Maríanna og Dommi trúlofuð Kúrekar og bandíttar í stuði á Kommablótinu Prinsessan eignaðist dóttur Segist vera nasisti sem elskar Hitler Lítil þolinmæði fyrir hrekk Audda Aðstoðarmennirnir og ástin Vefur um útivist í loftið Vetrarhátíð með gagnvirkri ljósasýningu hefst í dag Stjórnarandstaðan hræðist ekkert meðan ríkisstjórnin þori ekki út úr húsi „Ég var mjög reiður út í heiminn í marga mánuði“ Einhvern tímann var allt fyrst Berglind Festival, Hallgrímur Helga og Unnsteinn á sumarhryllingnum Mamma mætti á frumsýningu Fjallsins Frumsýning á Vísi: Óvæntir gestir hjá Væb-bræðrum Saknar ekki fullrar innkeyrslu af glæsikerrum Selur fantaflotta íbúð sem hann keypti af Birni Braga „Kemur í ljós að þetta er í raun einhverfa“ Kærasta Liam Payne tjáir síg í fyrsta sinn 340 fermetra listaverkahöll í Kópavogi Þriðja barn Gisele komið í heiminn Líkamsræktarfrömuður selur í Kópavogi Irv Gotti er látinn Halla og Björn létu sig ekki vanta á þorrablóti Álftaness Sleikurinn við Colin Farrell ógleymanlegur Hugsi yfir bílastæðamálum sem eru til skoðunar Peaky Blinders stjarna lét sig ekki vanta á The Damned Sjá meira