Erlent

Ísraelski herinn skilur Al-shifa sjúkra­húsið eftir í eyði

Ólafur Björn Sverrisson skrifar
Al-shifa sjúkrahúsið er rústir einar eftir árásirnar.
Al-shifa sjúkrahúsið er rústir einar eftir árásirnar. Getty

Ísraelski herinn hefur dregið herlið sitt til baka frá al-Shifa sjúkrahúsinu í Gasaborg eftir rúmlega tveggja vikna árásir á sjúrahúsið. Algjör eyðilegging blasir nú við á svæðinu. Nokkur hundruð manns hafa snúið aftur á spítalasvæðið en sjúkrahúsið er það stærsta í Gasa.

Ísraelski herinn lýsti því yfir þegar árásirnar voru gerðar að um hnitmiðaða aðgerð væri að ræða og að sjúkrahúsið hefði verið notað sem stjórnstöð Hamas. Ísrealear hafa ítrekað gert árásir á svæðinu og hefur fjöldi fólks neyðst til að flyja heimili sín í grennd við sjúrahúsið.

Árásinni á sjúkrahúsið var einnig lýst sem þeirri „farsælustu“ sem herinn hefði framkvæmt frá því að átökin á Gasa stigmögnuðust. Sameinuðu þjóðirnar hafa hins vegar gefið það út að fjölmargir sjúklingar hafi látið lífið í árásunum og fjölmargir aðrir verið í stórhættu. 

Herinn réðist á sjúkrahúsið 18. mars og hafa Palestínumenn lýst miklum átökum, handtökum og hörku á svæðinu fram til þessa.

AFP fréttaveitan greindi frá því í morgun að skriðdrekar og önnur ökutæki ísraelska hersins hafi sést yfirgefa sjúkrahússlóðina. Eyðileggingin sé hins vegar gríðarleg, lík liggi við sjúkrahúsið og inni í sjúkrahúsinu séu enn bæði sjúklingar og heilbrigðisstarfsfólk. 

Átök í Ísrael og Palestínu Ísrael Palestína
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið