Erlent

Ísraels­her braut al­þjóða­lög þegar skotið var á hóp blaða­manna

Hólmfríður Gísladóttir skrifar
Hinn 37 ára Issam Abdallah lést þegar skriðdreki Ísraelshers skaut á hóp af blaðamönnum.
Hinn 37 ára Issam Abdallah lést þegar skriðdreki Ísraelshers skaut á hóp af blaðamönnum. epa/Wael Hamzeh

Ísraelsher braut alþjóðalög í Líbanon í fyrra þegar skriðdreki skaut á hóp af einstaklingum sem voru bersýnilega merktir sem blaðamenn. Blaðamaður Reuters lést og sex særðust.

Í skýrslu sendinefndar Sameinuðu þjóðanna í Líbanon (Unifil) segir að starfsmenn hafi ekki geta merkt nein skot fara yfir „Bláu línuna“ milli Ísrael og Líbanon í meira en 40 mínútur áður en skriðdrekinn skaut á fólkið.

Þannig sé ómögulegt að segja til um það hvers vegna skotið var á hópinn.

Samkvæmt ályktun 1701, sem var samþykkt árið 2006 til að binda enda á átök milli Ísrael og Hezbollah í Líbanon, viðhafa friðargæsluliðar frá Sameinuðu þjóðunum eftirlit meðfram hinni 120 km löngu Bláu línu milli Ísrael og Líbanon.

Þeim er gert að skrásetja öll tilvik þar sem brotið er gegn vopnahléinu og rannsaka grófustu tilvikin.

Guardian hefur eftir Nir Dinar, talsmanni Ísraelshers, að herinn hafi verið að svara árásum Hezbollah nærri byggðinni Hanita þegar atvikið átti sér stað. Í kjölfarið hafi borist fregnir af dauðsfalli blaðamannsins.

Dinar ítrekaði að Ísraelsher skyti ekki viljandi á almenna borgara, þar á meðal blaðamenn. Frjáls fjölmiðlun væri gríðarlega mikilvæg en að flytja fréttir frá átakasvæðum væri áhættusamt.

Átök í Ísrael og Palestínu Ísrael Fjölmiðlar Hernaður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið