Leggja til ýmsar breytingar á auglýsingasölu RÚV Hólmfríður Gísladóttir skrifar 6. mars 2024 11:23 Auglýsingadeild RÚV verður takmörkuð gangi tillögurnar eftir. Vísir/Vilhelm Dregið verður úr umsvifum Ríkisútvarpsins á auglýsingamarkaði og unnið að því að hefðbundin sala og markaðsetning á auglýsingum hjá RÚV verði gerð óheimil, ef tillögur um stefnu um málefni fjölmiðla til ársins 2030 ná fram að ganga. Drög að stefnunni hafa verið birt í samráðsgátt stjórnvalda en um er að ræða fyrstu opinberu stefnu stjórnvalda um málefni fjölmiðla á Íslandi. Fjallað er um tillögurnar í frétt á vef Stjórnarráðsins en þar segir að með stefnunni sé mótuð framtíðarsýn og lykiláherslur á málefnasviði fjölmiðlunar skilgreindar með það að markmiði að efla fjölbreytni og fagmennsku á fjölmiðlamarkaði og bregðast við áskorunum samtímans á sviði tækni og starfrænna miðla. Tillögurnar fela meðal annars í sér að stutt verði við rekstrargrundvöll einkarekinna fjölmiðla með tímabundinni undanþágu frá greiðslu 70 prósent tryggingagjalds af launum fjölmiðlafólks sem falla undir tvö lægri skattþrep tekjuskattstofns. Þá verður áfram stutt við rekstur einkarekinna fjölmiðla með „fyrirsjáanlegru stuðningskerfi að norrænni fyrirmynd“. „Stutt verði við rekstur ritstjórna á einkareknum frétta- og dagskrármiðlum sem gegna lýðræðislegu hlutverki og gefa út fréttir, fréttatengt efni og umfjöllun um samfélagslega mikilvæg málefni. Stuðningskerfið verði endurskoðað í árslok 2024, með hliðsjón af skýrslu úthlutunarnefndar þar sem fram komi mat á stuðningskerfinu. Að teknu tilliti til tillagna úthlutunarnefndar verði stuðningskerfið framlengt til 2030. Einnig verði áfram veittur stuðningur til staðbundinna fjölmiðla með starfsemi utan höfuðborgarsvæðisins,“ segir í fréttinni á Stjórnarráðsvefnum. Um umsvif Ríkisútvarpsins á auglýsingamarkaði segir að skipaður verði vinnuhópur til að útfæra aðgerðir, sem sé í samræmi við yfirlýsingu í viðauka við þjónustusamning sem ráðherra og útvarpstjóri undirrituðu í janúar og fól í sér að umsvif RÚV á auglýsingamarkaði yrðu minnkuð. „Um leið verði gætt að því að standa vörð um störf í skapandi greinum, framleiðslu á auglýsingum og rétt landsmanna til upplýsinga um vörur og þjónustu,“ segir um tillöguna. Einnig verður settur á laggirnar rannsóknar- og þróunarsjóður fyrir fjölmiðla, grunnmenntun blaðamanna efld og stutt við talsetningu og textun barnaefnis á íslensku hjá einkareknum miðlum. Þá verður ríkisstofnunum og öðrum opinberum aðilum sem verja meira en 10 milljónum króna á ári í auglýsingar gert að gera grein fyrir því árlega hvernig auglýsingafénu var varið. Skýrsla um málefni Ríkisútvarpsins Í fréttinni á Stjórnarráðsvefnum er að finna skýrslu sem starfshópur um málefni Ríkisútvarpsins hefur skilað af sér. Þar eru lagðar fram þrjár tillögur og snýr ein af þeim að því að Ríkisútvarpið fari af auglýsingamarkaði og að útvarpsgjaldið verði hækkað til að bæta RÚV tekjutapið en sú hækkun gangi svo til baka að hluta. Áfram verði heimilt að birta auglýsingar og tilkynningar sem flokkast undir almannaþjónustu. Auglýsingasala RÚV verði háð takmörkunum, þannig að heimild til birtinga auglýsinga í sjónvarpi fari úr átta mínútum í fjórar á klukkustund og sömu takmarkanir gildi í hljóðvarpi. Þá verði hefðbundin sala og markaðssetning á auglýsingum hjá RÚV óheimil en áfram hægt að panta auglýsingahólf. Aðrar tillögur snúa að skertum auglýsingatíma eða pöntunarkerfi sem taki við af hefðbundinni auglýsingasölu. Uppfært klukkan 14:30 Í tilkynningu frá mennta- og menningarmálaráðuneytinu segir að tillaga þrjú, sem snýr að fastri verðskrá, hafi verið kynnt í ríkisstjórn Íslands. Leið þrjú, svokölluð stafræn leið, gerir ráð fyrir að hefðbundin sala og markaðssetning á auglýsingum hjá Ríkisútvarpinu verði óheimil en auglýsingahólf séu þess í stað seld á vefnum. Meðal viðbótarákvæða er að vefpantanir séu án aðkomu sölufólks og öll þjónustulaun verði afnumin. Aðrar tillögur í leið þrjú snúa að fastri verðskrá og afnám afslátta, fríbirtinga, blokkasölu, skjáauglýsinga og kostanna. Fjölmiðlar Ríkisútvarpið Auglýsinga- og markaðsmál Mest lesið Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Hafna „órökstuddum fullyrðingum“ Sigurðar Inga Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Þyrlan kölluð út vegna slasaðs manns í Gemludal Innlent Grunaður hraðbankaþjófur nennti ekki með austur nóttina örlagaríku Innlent Bylting framundan en Landspítalinn þurfi að hlaupa hraðar Innlent Stefna Open AI vegna sjálfsvígs sonarins Erlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira
Drög að stefnunni hafa verið birt í samráðsgátt stjórnvalda en um er að ræða fyrstu opinberu stefnu stjórnvalda um málefni fjölmiðla á Íslandi. Fjallað er um tillögurnar í frétt á vef Stjórnarráðsins en þar segir að með stefnunni sé mótuð framtíðarsýn og lykiláherslur á málefnasviði fjölmiðlunar skilgreindar með það að markmiði að efla fjölbreytni og fagmennsku á fjölmiðlamarkaði og bregðast við áskorunum samtímans á sviði tækni og starfrænna miðla. Tillögurnar fela meðal annars í sér að stutt verði við rekstrargrundvöll einkarekinna fjölmiðla með tímabundinni undanþágu frá greiðslu 70 prósent tryggingagjalds af launum fjölmiðlafólks sem falla undir tvö lægri skattþrep tekjuskattstofns. Þá verður áfram stutt við rekstur einkarekinna fjölmiðla með „fyrirsjáanlegru stuðningskerfi að norrænni fyrirmynd“. „Stutt verði við rekstur ritstjórna á einkareknum frétta- og dagskrármiðlum sem gegna lýðræðislegu hlutverki og gefa út fréttir, fréttatengt efni og umfjöllun um samfélagslega mikilvæg málefni. Stuðningskerfið verði endurskoðað í árslok 2024, með hliðsjón af skýrslu úthlutunarnefndar þar sem fram komi mat á stuðningskerfinu. Að teknu tilliti til tillagna úthlutunarnefndar verði stuðningskerfið framlengt til 2030. Einnig verði áfram veittur stuðningur til staðbundinna fjölmiðla með starfsemi utan höfuðborgarsvæðisins,“ segir í fréttinni á Stjórnarráðsvefnum. Um umsvif Ríkisútvarpsins á auglýsingamarkaði segir að skipaður verði vinnuhópur til að útfæra aðgerðir, sem sé í samræmi við yfirlýsingu í viðauka við þjónustusamning sem ráðherra og útvarpstjóri undirrituðu í janúar og fól í sér að umsvif RÚV á auglýsingamarkaði yrðu minnkuð. „Um leið verði gætt að því að standa vörð um störf í skapandi greinum, framleiðslu á auglýsingum og rétt landsmanna til upplýsinga um vörur og þjónustu,“ segir um tillöguna. Einnig verður settur á laggirnar rannsóknar- og þróunarsjóður fyrir fjölmiðla, grunnmenntun blaðamanna efld og stutt við talsetningu og textun barnaefnis á íslensku hjá einkareknum miðlum. Þá verður ríkisstofnunum og öðrum opinberum aðilum sem verja meira en 10 milljónum króna á ári í auglýsingar gert að gera grein fyrir því árlega hvernig auglýsingafénu var varið. Skýrsla um málefni Ríkisútvarpsins Í fréttinni á Stjórnarráðsvefnum er að finna skýrslu sem starfshópur um málefni Ríkisútvarpsins hefur skilað af sér. Þar eru lagðar fram þrjár tillögur og snýr ein af þeim að því að Ríkisútvarpið fari af auglýsingamarkaði og að útvarpsgjaldið verði hækkað til að bæta RÚV tekjutapið en sú hækkun gangi svo til baka að hluta. Áfram verði heimilt að birta auglýsingar og tilkynningar sem flokkast undir almannaþjónustu. Auglýsingasala RÚV verði háð takmörkunum, þannig að heimild til birtinga auglýsinga í sjónvarpi fari úr átta mínútum í fjórar á klukkustund og sömu takmarkanir gildi í hljóðvarpi. Þá verði hefðbundin sala og markaðssetning á auglýsingum hjá RÚV óheimil en áfram hægt að panta auglýsingahólf. Aðrar tillögur snúa að skertum auglýsingatíma eða pöntunarkerfi sem taki við af hefðbundinni auglýsingasölu. Uppfært klukkan 14:30 Í tilkynningu frá mennta- og menningarmálaráðuneytinu segir að tillaga þrjú, sem snýr að fastri verðskrá, hafi verið kynnt í ríkisstjórn Íslands. Leið þrjú, svokölluð stafræn leið, gerir ráð fyrir að hefðbundin sala og markaðssetning á auglýsingum hjá Ríkisútvarpinu verði óheimil en auglýsingahólf séu þess í stað seld á vefnum. Meðal viðbótarákvæða er að vefpantanir séu án aðkomu sölufólks og öll þjónustulaun verði afnumin. Aðrar tillögur í leið þrjú snúa að fastri verðskrá og afnám afslátta, fríbirtinga, blokkasölu, skjáauglýsinga og kostanna.
Fjölmiðlar Ríkisútvarpið Auglýsinga- og markaðsmál Mest lesið Skólamál í Kópavogi: Bókun eftir bókun á fundi bæjarstjórnar Innlent Sé hægt að gera byltingu í íslensku heilbrigðiskerfi Innlent Hafna „órökstuddum fullyrðingum“ Sigurðar Inga Innlent Glímdi við veikindi fyrir andlátið sem breyttu persónuleika hans Innlent Menningarráðherra skipaði son heilbrigðisráðherra í formannsstörf Innlent Gátu ekki opnað hraðbankann þrátt fyrir ítrekaðar tilraunir Innlent Þyrlan kölluð út vegna slasaðs manns í Gemludal Innlent Grunaður hraðbankaþjófur nennti ekki með austur nóttina örlagaríku Innlent Bylting framundan en Landspítalinn þurfi að hlaupa hraðar Innlent Stefna Open AI vegna sjálfsvígs sonarins Erlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira