Innlent

Féll í gjá í Heið­mörk

Samúel Karl Ólason skrifar
Björgunarsveitir úr Garðabæt og Hafnarfirði voru sendar á vettvang.
Björgunarsveitir úr Garðabæt og Hafnarfirði voru sendar á vettvang. Vísir/Einra

Kona féll í sprungu í Heiðmörk í dag. Hún mun hafa verið á Búrfellsgjár gönguleiðinni þegar hún féll og voru björgunarsveitir frá Garðabæ og Hafnarfirði sendar á vettvang.

Útkallið barst rétt fyrir klukkan þrjú en einnig fór hópur frá Slökkviliði höfuðborgarsvæðisins á staðinn, samkvæmt upplýsingum fréttastofu. Í heildina voru milli tíu og fimmtán manns send á vettvang.

Björgunarstörf gengu greiðlega samkvæmt upplýsingafulltrúa Landsbjargar. Á vef Ríkisútvarpsins segir að konan hafi ekki verið mikið meidd.

Henni mun hafa verið bjargað með línubúnaði en eftir smá aðhlynningu í sjúkrabíl fór hún sjálf heim til sín.

Björgunarsveitir Garðabær Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið