Technogym æfinga­tæki orðin stór partur af ís­lenskum heimilum

Íslendingar þekkja vörumerkið Technogym mjög vel, enda um að ræða þekktasta framleiðanda líkamsræktartækja í heimi. Technogym er ítalskt fyrirtæki sem leggur mikla áherslu á gæði, hönnun, upplifun og áreiðanleika. Gott dæmi um þá virðingu sem Technogym nýtur á heimsvísu er að Technogym verður í sumar í níunda skiptið í röð, opinber og eini samstarfsaðili Ólympíuleikanna í París. Þar mun Technogym bjóða upp á allan þann æfingabúnað sem íþróttamennirnir nota meðan á Ólympíuleikunum stendur.

Hlaupabretti ekki bara hlaupabretti

Þröstur Jón Sigurðsson, eigandi Technogym á Íslandi, segir það hafa komið sér mjög á óvart hversu mikinn metnað Íslendingar hafa fyrir því að velja gæði og hönnun inn á sín heimili þegar kemur að æfingatækjum.

Eins segir hann skemmtilega staðreynd að flestir innanhússarkitektar landsins velja eingöngu Technogym tæki í sína hönnun. „Engin þjóð er með hærra hlutfall almennings sem stundar líkamsrækt innanhúss en Ísland. Flestir þeir sem stunda líkamsrækt eru mjög meðvitaðir um það hvaða tækjabúnað þeir nota, en mjög mikill munur er á gæðum mismunandi vörumerkja. Það vita allir að hlaupaskór eru ekki bara hlaupaskór og að það skiptir miklu máli að velja tennisspaða eða golfkylfur sem henta hverjum og einum. Það sama gildir vissulega um æfingabúnað. Hlaupabretti er ekki bara hlaupabretti.“

Óvæntur markaður

Þegar Þröstur byrjaði með umboðið fyrir tæpum þremur árum átti hann helst von á að selja þessar lausnir inn á líkamsræktarstöðvar og eitt og eitt hótel. „Raunin er hins vegar sú að heimilismarkaðurinn er gríðarlega stór. Margir vilja hafa góða aðstöðu heima til þess að nota samhliða heimsóknum á líkamsræktarstöðvar. Flest betri hótel landsins eru með Technogym tæki, margar útgerðir nota tækin í sín skip, sveitarfélög, opinberir aðilar, sjúkrastofnanir og íþróttafélög velja mörg hver einungis Technogym.“

Það hefur komið honum skemmtilega á óvart hvað þjónusta við skemmtiferðaskip er mikil, en þau eru nánast öll með tæki frá Technogym. „Það er markaður sem ég áttaði mig ekki á að væri til staðar. Það getur verið talsverð áskorun að veita þjónustu til þessara aðila, þar sem við getum þurft að senda starfsmenn um borð í skemmtiferðaskip á einum stað og fljúga þeim heim aftur frá öðrum.“

Technogym appið orðið einstakt samfélag

Helsta áhersla Technogym undanfarin ár er á upplifun. „Ef æfingin er ekki skemmtileg, þá nennirðu ekki að æfa. Hugbúnaðurinn, æfingabankinn, utanumhaldið og jákvæð upplifun er orðið það sem mestu máli skiptir. Þar sem gæði og áreiðanleiki hafa verið aðalsmerki Technogym í fjölda ára, þá er það orðinn sjálfsagður hlutur og því horfir fólk mun meira í upplifunina. Þar kemst enginn nærri Technogym,“ segir Þröstur.

Gott dæmi um það sem þeir gera vel er Technogym Appið. „Appið er frítt og tengir þig við hvaða Technogym tæki sem er. Þú getur haldið utan um alla þína æfingasögu á þínu svæði, skoðað gríðarlegt magn af æfingum, látið appið setja upp einstaklingsmiðaða æfingaáætlun út frá þínum þörfum (aldur, kyn, áherslur o.s.frv.). Einnig getur þú auðveldlega deilt þínum árangri eða skorað á vin þinn í keppni, hvar sem þið eruð í heiminum og hvort sem þið framkvæmið æfinguna á sama tíma eða ekki.“

Einstök ný tækni fyrir hlaupaunnendur

Fleiri dæmi um þá möguleika sem í boði eru hjá Technogym er að hægt er að fara út að hlaupa hvar sem er í heiminum. „Þú heldur utan um hlaupið í einhverju af snjalltækjunum þínum, hvort sem er í úri eða síma. Þegar það rignir svo daginn eftir, þá setur þú hlaupið þitt inn í Technogym hlaupabretti með appinu og þú getur endurtekið hlaupið, horfandi á hlaupaleiðina þína á Google Earth.

Svo er hægt að velja hvort hlaupabrettið haldi sama hraða og hlaupið var á úti eða hvort hlaupið sé hraðar eða hægar. „Þú sérð allt hlaupið, hvar þú ert staddur gagnvart útihlaupinu og hlaupabrettið breytir halla út frá því hvort hækkun eða lækkun var þar sem þú hljópst úti daginn áður. Er þetta ekki frábær áskorun fyrir íslenska hlaupara, sem oft þurfa að hlaupa við misjafnar aðstæður,“ spyr Þröstur.

Líkamsræktartæki orðin falleg heimilistæki

Hönnun og útlit hefur alltaf skipt miklu máli hjá Technogym, enda eru Ítalir þekktir fyrir fallega og vandaða hönnun. „Mikil hugarfarsbreyting hefur átt sér stað á heimsvísu varðandi það að æfingabúnaður er ekki lengur bundinn við það að vera í dimmu kjallaraherbergi eða bílskúr. Íslendingar gefa öðrum þjóðum ekkert eftir í þessum efnum og hafa mikinn metnað fyrir því að búa sér falleg heimili. Fallegur æfingabúnaður er orðinn stöðutákn, sem fólk felur ekki, heldur stillir upp á áberandi stað. Við viljum öll senda þau skilaboð að við séum meðvituð um heilsu og heilbrigði. Hvað er betri leið til þess en að stilla fallegri hönnunarvöru frá Technogym upp í stofunni heima hjá þér,” spyr Þröstur, sem minnir þó á þá staðreynd að ekki dugi einungis að kaupa tækin. Það verði að nota þau.

Æfingatæki orðin vinsælar gjafir

Þröstur segir desember mánuð gríðarlega annasaman hjá Technogym, þar sem margir velja að gefa fjölskyldunni/heimilinu æfingaaðstöðu í jólagjöf. Eins sé það alveg liðin tíð að makinn upplifi neikvæð skilaboð með því að fá æfingatæki í gjöf og að það teljist heldur til aukinna lífsgæða að fá hvatningu til þess að hreyfa sig og lifa heilbrigðara lífi. Þess vegna hefur það aukist mikið að fólk fái slík tæki að gjöf. „Ég hef ekki ennþá heyrt af neinum sem móðgast við það að fá fallegt hjól eða skíðavél í jólagjöf,” segir Þröstur glettinn á svip. 

Aðspurður um jólagjöfina í ár segir Þröstur Technogym Personal tækjalínuna án efa flaggskipið þegar kemur að hönnun og því njóti hún mikilla vinsælda í heimahúsum. „Ég skora á alla að fara inn á www.technogym.com og prófa að máta mismunandi tæki inn í stofu hjá sér. Þú opnar bara myndavélina í símanum, smellir á kóða viðkomandi tækis, færir það til í myndavélinni og sérð nákvæmlega hvernig tækið kemur út, heima í stofu hjá þér. Myndir segja meira en nokkur orð,“ segir Þröstur að lokum.

T-Gym Iceland ehf. er umboðsaðili Technogym á Íslandi.

Sími: 475-9000 og tölvupóstur: technogym@technogym.is.

Nánari upplýsingar á technogym.is.