Innlent

Flogið dag­lega til Eyja á meðan Herjólfur er í slipp

Oddur Ævar Gunnarsson skrifar
Herjólfur á siglingu við Vestmannaeyjar. Skipið mætir aftur til Eyja í næstu viku.
Herjólfur á siglingu við Vestmannaeyjar. Skipið mætir aftur til Eyja í næstu viku. Vísir/Vilhelm

Icelandair mun fljúga daglega til Vestmannaeyja á meðan Herjólfur fer í slipp. Gerður hefur verið samningur við Vegagerðina þess efnis. Gert er ráð fyrir því að Herjólfur sigli að nýju til Eyja um miðja næsta viku.

Þetta kemur fram í tilkynningu Vegagerðarinnar. Flogið verður einu sinni á dag á tímabilinu 30. nóvember til 6. desember. Til flugsins verða notaðar Dash-8 flugvélar en þær vélar taka 37 farþega.

Þess er getið af Vegagerðinni að íbúar með lögheimili í Vestmannaeyjum eigi þess kost að nýta afsláttarkerfi Loftbrúar og fá 40 prósent afslátt af flugfargjöldum.

Fram kemur að alvarleg bilun hafi komið upp í skrúfubúnaði Herjólfs þann 22. nóvember þannig að önnur skrúfa skipsins var óvirk. Skipið sigldi á annarri skrúfunni um tíma enda var það talið öruggt.

Hins vegar fór skipið hægar en ella. Herjólfur III er kominn til landsins frá Færeyjum til að leysa skipið af á siglingaleiðinni milli lands og Eyja. Herjólfur fer í slipp í Hafnarfirði í dag. Áætlað er að viðgerðin taki fimm til sjö daga.

Samgöngur Vestmannaeyjar Herjólfur Reykjavíkurflugvöllur Byggðamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið