Listinn yfir götur í Grindavík vegna verðmætabjörgunar

Árni Sæberg skrifar 13. nóvember 2023 10:06

Íbúar og fyrirtæki á rauðmerktu svæðunum fá að fara í fyrsta holli til Grindavíkur í fylgd með björgunarsveitum. Auk þess er unnt að fara inn í fyrirtæki á grænmerkta svæðinu. Íbúar á appelsínugula svæðinu mega gefa sig fram á mót við Suðurstrandarveg klukkan 13.

Lögreglustjórinn á Suðurnesjum hefur tekið ákvörðun um að hleypa íbúum í Grindavík inn á skilgreind svæði í bænum í dag.

Fyrsti hópur:

Íbúar og fyrirtæki austan megin við Víkurbraut og norðan við Austurveg eru í fyrsta hópi:

Víkurhóp-Norðurhóp-Hópsbraut-Suðurhóp-Efrahóp-Austurhóp-Miðhóp-Stamphólsvegur-Víðigerði-Austurvegur-Mánagata-Mánasund-Mánagerði-Túngata-Arnarhlíð-Akur-Steinar-Marargata og Vesturhóp.

Þá verður unnt að fara inn í fyrirtæki við: Hafnargötu-Seljabót-Miðgarð-Ránargötu-Ægisgötu (sunnan við Seljabót)-Garðsvegur-Verbraut-Víkurbraut- Hafnarsvæðið.

Annar hópur

Íbúar eftirfarandi svæða megi gefa sig fram á MÓT við Suðurstrandarveg klukkan 13:

Skipastígur-Árnastígur-Glæsivellir-Ásvellir-Sólvellir-Blómsturvellir - Baðsvellir-Gerðavellir-Selsvellir-Litluvellir-Hólavellir-Höskuldavellir-Gerðavellir-Iðavellir-Efstahraun – Heiðarhraun -Hvassahraun -Staðarhraun – Borgarhraun -Arnarhraun-Víkurbraut.

Skipulögð og stýrð aðgerð

„Þetta verður skipulögð og stýrð aðgerð undir stjórn lögreglunnar. Íbúar sem fá að fara inn til Grindavíkur eiga að koma á söfnunarstaðinn sem er bílastæðið við gossvæðið, við Fagradalsfjall,“ segir í tilkynningunni.

Koma þurfi um Suðurstrandarveg að austan til Grindavíkur að söfnunarstað. Þar fari fram upplýsingataka og skráning, ásamt því að fólk fær frekari leiðbeiningar. Frá söfnunarstað verði ekið í bílum viðbragðsaðila inn í bæinn.

Heimild til þess að fara inn í bæinn sé ábyrgðarhluti og ekki léttvæg ákvörðun og þýði alls ekki að svæðið sé að öðru leyti opið fyrir umferð.

„Þetta verður skipulögð og stýrð aðgerð undir stjórn lögreglunnar.“

Til athugunar fyrir íbúana:

Ekki fara ef þú þarft ekki nauðsynlega að fara
Aðeins verður leyfi fyrir einn aðila að fara inn á svæðið, fyrir hvert heimili
Skráið niður lista yfir það sem þið hyggist sækja áður en lagt er af stað
Munið eftir húslykli
Búr fyrir gæludýr ef þörf er á
Poka eða annað undir muni
Íbúar hafa stuttan tíma inni á heimilinu.
Þau sem fara mega ekki vera með bráðaofnæmi fyrir dýrum því það verða gæludýr með í för í bakaleiðinni.
Þetta er eingöngu til þess sækja mjög mikilvæga hluti s.s. gæludýr, lífsnauðsynleg lyf, hugsanlega vegabréf eða aðra ómissandi hluti fyrir heimilisfólk
Heimilt verður að keyra ökutæki sem skilin voru eftir við rýmingu, út af svæðinu frá Grindavík, en eingöngu í fylgd viðbragðsaðila

„Ítrekað er að þetta er ekki léttvæg ákvörðun. Þessu fylgir áhætta og því mjög mikilvægt að allir sem henni koma hlýði vandlega öllum fyrirmælum lögreglu sem stýrir þessari aðgerð og virði tímamörk sem verða sett“ segir í tilkynningu frá Lögreglunni á Suðurnesjum.

Grindavík Eldgos og jarðhræringar Eldgos á Reykjanesskaga

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir